यशैया 4:6 - नेवाः बाइबल

⁶ वय्‌कःया महिमां शहरतय्‌के न्‍हिनय् निभालं बचय् जुइत किचः व ग्‍वःफसं व वां बचय् जुइत सुपिलिगु थाय् दय्‌कादी।

यशैया 4:6 ပူးပေါင်းရင်းမြစ်များ

भजनसंग्रहया सफू 27:5

छाय्‌धाःसा दुःखकष्‍टयागु इलय् वय्‌कलं जितः थःथाय् हे सुचुकादी वय्‌कलं जितः थःगु पालय् सुचुकादी। वय्‌कलं जितः तःजाःगु ल्‍वहँतय् तयादी।

भजनसंग्रहया सफू 55:8

ग्‍वःफय् व वाफसं बिस्‍युं वनाः थःगु बासय् च्‍वनेगु खः।

भजनसंग्रहया सफू 91:1

दक्‍वसिबय् तःधंम्‍ह परमप्रभुयागु शरणय् च्‍वनीम्‍ह मनू दक्‍व शक्ति दुम्‍ह परमेश्‍वरयागु सुरक्षाय् च्‍वनी।

हितोपदेश 18:10

परमप्रभुयागु नां बल्‍लाःगु किल्‍ला थें खः। धर्मी मनूत थन वनाः थःगु रक्षा याये फइ।

यशैया 14:32

अले पलिश्‍तीपाखें बुखँ ज्‍वनाः वइपिं मनूतय्‌त झीसं छु लिसः बियेगु? “परमप्रभुं सियोनयात पलिस्‍था यानादिल, अले दुःखकष्‍टय् लानाच्‍वंपिं वय्‌कःया प्रजात अन शरण कायेखनी।”

यशैया 25:4

मगाःमचाःपिं व चीमिपिनिगु निंतिं, छि बल्‍लाःगु शरण कायेगु थाय् जुयादीगु दु। छि इमिगु निंतिं ग्‍वःफय् वइबलय् शरण कायेगु थाय् व क्‍वइगु निभालं बचय् जुइत किचः जुयादीगु दु। दयामदुपिं मनूतय्‌सं पखालय् ग्‍वःफय् जू वः थें,

यशैया 30:30

तसकं तं पिकयाः, भस्‍म याइगु मित्‍याः, नं न्‍याःगु सः व ग्‍वःफय् अले प्‍वँनापं परमप्रभुं मनूतय्‌त थःगु तःजिगु शक्तिया सः न्‍यंकेत अले थःगु ब्‍वहःया जलं खंके बियादी।

यशैया 32:1

स्‍व, छम्‍ह जुजुं धार्मिकतां राज्‍य यानादी, अले शासकतय्‌सं न्‍यायलं शासन यानादी।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 8:14

वय्‌कः हे छ च्‍वनेगु थाय् जुयादी, तर इस्राएलया निगुलिं घराना निंतिं वय्‌कः छग्‍वः ल्‍वहं जुयादी। अले मनूत व हे ल्‍वहँतय् लुफिं हानाः क्‍वःदइ। व इमिगु निंतिं तक्‍यनीगु जाः थें खः।

इजकिएल 11:16

“उकिं थथे धा, ‘परमप्रभु परमेश्‍वरं थथे धयादी – जिं इमित जाति जातितय्‌गु दथुइ तापाक छ्वयागु जूसां अले इमित देश विदेशय् छ्यालब्‍याल यानाबियागु जूसां इपिं वंगु देशय् जि छुं ईया निंतिं इमिगु लागि शरण कायेगु थाय् जुयागु दु।’

हिब्रू 11:7

विश्‍वासं हे नोआं परमेश्‍वरयागु खँ न्‍यन। परमेश्‍वरं वयात गुब्‍सं मखंनिगु, लिपा जुइतिनिगु खँ धयादीगु खः। परमेश्‍वरं धयादी थें वं सिँयागु तःग्‍वःगु जहाज दय्‌कल। अले उकी हे च्‍वनाः वं थः जहानपिन्‍त बचय् यात। थुकथं विश्‍वास यानाः वं संसारं द्वंकूगु खँ क्‍यनाबिल, अले व थः परमेश्‍वरया न्‍ह्यःने ठीक ठहरय् जुल।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

प्रकाश 7:16

अन इमित गुबलें हे नयेपित्‍याइ मखु, प्‍याः चाइ नं मखु। निभालं व गुगुं क्‍वाःजलं इमित पुइ मखु।