यशैया 39:2 - नेवाः बाइबल

² हिजकिया जुजुं व ज्‍वनावःपिं दूततय्‌त लसकुस यात। हिजकियां उपिं दूततय्‌त थःगु धुकुतिइ च्‍वंगु लुँ वहः, मसला, नस्‍वाः वःगु चिकं व फुक्‍क सिपाइँतय्‌गु ल्‍वाभः क्‍यन। हिजकियां दरबार वा राज्‍यया धुकुतिइ इमित मक्‍यंगु छुं हे मदु।

यशैया 39:2 ပူးပေါင်းရင်းမြစ်များ

१ राजा 10:10

अनंलि वं जुजुयात प्‍यंगू (४) टन लुँ, यक्‍व मसला व मू वंगु थीत बिल। शेबाया रानीं सोलोमन जुजुयात ब्‍यूगु ति हे यक्‍व मसला हाकनं गुबलें महल।

१ राजा 10:15

उलि जक मखु वयाथाय् बन्‍जाःतपाखें नं कर वइगु। अरबी जुजुपिं व इस्राएलया प्रान्‍त प्रान्‍तयापिं बडा-हाकिमतय्‌सं पुलिगु कर नं वयात दइगु।

१ राजा 10:2

वं थःनापं छगू हुल सेवा याइपिं मनूत अले मसला, यक्‍व लुँ क्‍वबिका तःपिं ऊँटत व मू वंगु थी ज्‍वनाः वल। वं सोलोमनयात नापलात अले वयागु न्‍ह्यःने थःगु नुगलय् दुगु न्‍ह्यसःत तल।

१ राजा 10:25

वयाथाय् वइपिं सकसिनं दँय्‌दसं वहः व लुँया थलबल, वसः, ल्‍वाभः, अत्तर, मसला अले सल व खच्‍चरत कोसेलि हइगु।

२ राजा 20:13

हिजकिया जुजुं व ज्‍वनावःपिं दूततय्‌त लसकुस यात। हिजकियां उपिं दूततय्‌त थःगु धुकुतिइ च्‍वंगु वहः-लुँ, मसला, नस्‍वाः वःगु चिकं व फुक्‍क हतियारत क्‍यन। हिजकियां दरबार वा राज्‍यया धुकुतिइ इमित मक्‍यंगु छुं नं चिज मदु।

२ इतिहास 32:25

तर हिजकिया तसकं तःधंछु जुल। परमप्रभुं थःगु निंतिं गुलि नं यानादीगु खः, उकिया निंतिं वं परमप्रभुयात सुभाय् मब्‍यू। उकिं वं अले यहूदा व यरूशलेमं परमप्रभुया तं फये माल।

२ इतिहास 32:27

हिजकिया जुजु तसकं तःमि जुल। अले सकसिनं वयात इज्‍जत याइगु। वं थःगु लुँ, वहः, मू वंगु ल्‍वहंत, मसला, ढालत व मू वंगु ज्‍वलं तयेत धुकूत दय्‌केबिल।

२ इतिहास 32:31

तर बेबिलोनयापिं शासकतय्‌सं छ्वयाहःपिं दूतत देशय् खनेदुगु अजू चायापुगु चिंया बारे न्‍यंवःबलय् परमेश्‍वरं वयात जाँच यायेत व वयागु मनय् च्‍वंगु फुक्‍क खँ क्‍यनेत वयात त्‍वःतादिल।

२ इतिहास 9:1

शेबायाम्‍ह रानीं सोलोमनया नांजाःगु खँ न्‍यन। अले व थाकुगु थाकुगु न्‍ह्यसःत ज्‍वनाः सोलोमनयात जाँचय् यायेत यरूशलेमय् वल। वं थःनापं छगू हुल सुसाःकुसाः याइपिं मनूत अले मसला, मू वंगु थीत व यक्‍व लुँ क्‍वबिका तःपिं ऊँटत ज्‍वनाः वल। वं सोलोमनयात नापलात अले वयागु न्‍ह्यःने थःगु नुगलय् दुगु न्‍ह्यसःत तल।

२ इतिहास 9:9

अनंलि वं जुजुयात प्‍यंगू टन लुँ, यक्‍व मसला व मू वंगु थीत बिल। शेबायाम्‍ह रानीं ब्‍यूगु मसला थें ज्‍याःगु भिंगु मसला सोलोमनयात सुनानं ब्‍यूगु मदुनि।

अय्‍यूब 31:25

जि थःगु धनसम्‍पत्तिइ अले थःगु ल्‍हातं कमाइ यानागु धनय् लय्‌तायागु मदु,

हितोपदेश 4:23

थःगु मतियात बांलाक बिचाः या, छं मति तः थें हे छंगु जीवन जुइगु खः।

उपदेशक 7:20

संसारय् सुं नं धर्मीम्‍ह मनू मदु, गुम्‍हय्‌सिनं फुक्‍क ज्‍या पाय्‌छिकथं याइ अले गुबलें पाप याइ मखु।

यर्मिया 17:9

मनूयागु मनं मेगु फुक्‍क स्‍वयाः अप्‍वः झंगः लाइ। उकियात लंके फइ मखु। उकियात सुनां थुइके फइ?

२ कोरिन्‍थी 12:7

थज्‍याःगु अजू चायापुगु तःगू हे खँ खना धकाः जिं तःधंछुना जुइ धकाः जिगु म्‍हय् अतिकं तःधंगु दुःख बियादिल। थुकिं शैतानया मनुखं थें जितः म्‍हय् च्‍वाच्‍वां सुयाः तःधंछुइ मफय्‌का तल।

१ यूहन्‍ना 1:8

झीसं “झीके पाप मदु” धकाः धाःसा झीसं थःपिन्‍त हे ध्‍वखा ब्‍यूगु जुइ, अले सत्‍ययात मानय् मयाःगु जुइ।