यशैया 39:1 - नेवाः बाइबल

¹ अबलय् लाक्‍क हे बेबिलोनयाम्‍ह जुजु बलदानया काय् मरोदक-बलदानं हिजकिया जुजु म्‍हंमफुगुपाखें लाये धुंकूगु दु धकाः न्‍यनाः वयाथाय् पौत व कोसेलि बियाः दूतत छ्वल।

यशैया 39:1 ပူးပေါင်းရင်းမြစ်များ

२ शमूएल 10:2

दाऊद जुजुं धाल, “जिं हानूनयात हनाबना यायेमाः छाय्‌धाःसा वया बौ नाहाशं जितः न्‍ह्याबलें हनाबना याःगु खः।” उकिं वं बिचाः हनाः दूततय्‌त खबर बियाः छ्वल। तर दाऊदया दूतत अम्‍मोनय् थ्‍यंबलय्

२ शमूएल 8:10

उकिं वं थःकाय् योरामयात दाऊद जुजुयाथाय् हददेजेरयात बुकूगुलिं ज्‍वजलपा यायेत व बधाई बीत छ्वल। तोऊ हददेजेर नापं तःक्‍वः हे लडाइँ याये धुंकूगु खः। अले योरामं लुँ, वहः व कँय्‌यागु थीथी कथंयागु सामानत ज्‍वनाः वल।

२ इतिहास 32:23

यक्‍व मनूतय्‌सं यरूशलेमय् परमप्रभुया निंतिं देछा व जुजु हिजकियाया निंतिं मू वंगु कोस्‍यालि हल। अबलय् निसें फुक्‍क जातितय्‌सं हिजकियायात इज्‍जत यात।

२ इतिहास 32:25

तर हिजकिया तसकं तःधंछु जुल। परमप्रभुं थःगु निंतिं गुलि नं यानादीगु खः, उकिया निंतिं वं परमप्रभुयात सुभाय् मब्‍यू। उकिं वं अले यहूदा व यरूशलेमं परमप्रभुया तं फये माल।

२ इतिहास 32:31

तर बेबिलोनयापिं शासकतय्‌सं छ्वयाहःपिं दूतत देशय् खनेदुगु अजू चायापुगु चिंया बारे न्‍यंवःबलय् परमेश्‍वरं वयात जाँच यायेत व वयागु मनय् च्‍वंगु फुक्‍क खँ क्‍यनेत वयात त्‍वःतादिल।

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 13:19

बेबिलोन छगू तसकं बांलाःगु राज्‍य खः। अन च्‍वंपिं मनूतय्‌सं उकी हे गर्व याइ। तर परमेश्‍वरं सदोम व गमोरायात थें उकियात नाश यानादी।

यशैया 14:4

छिमिसं बेबिलोनया जुजुयात थथे धकाः गिजय् याइ– स्‍व, अत्‍याचार यानाः सकसित क्‍वत्‍यलातःम्‍ह जुजुया अन्‍त जुल! वयागु तंया नाश गुकथं जूवल!

यशैया 23:13

बेबिलोनीतय् देशयात स्‍व, व जातियागु आः छुं नं ल्‍याःचाः मन्‍त। अश्‍शूरीतय्‌सं उकियात मरुभूमिया पशुततय्‌गु निंतिं थाय् दय्‌कूगु दु। इमिसं घेरय् यायेगु धरहरात दय्‌कल अले उकिया किल्‍लात धाःसा नाश यानाः झिजांमिजां यानाबिल।