यशैया 38:2 - नेवाः बाइबल

² हिजकियां अंगःपाखे स्‍वयाः परमप्रभुयात थथे प्रार्थना यात,

यशैया 38:2 ပူးပေါင်းရင်းမြစ်များ

१ राजा 8:30

छिकपिनि दास व छिकपिनि मनूत इस्राएलीतय्‌सं थ्‍व थाय्‌यात स्‍वयाः प्रार्थना याइबलय् जिमिगु बिन्‍ति न्‍यनादिसँ। थः च्‍वनादीगु थाय् स्‍वर्गय् जिमिगु बिन्‍ति न्‍यनादिसँ, अले जिमित क्षमा यानादिसँ।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

यशैया 38:1

उबलय् हिजकिया जुजु उसाँय् मदयाः सी थें च्‍वन। आमोजया काय् अगमवक्ता यशैयां वयाथाय् वनाः धाल, “परमप्रभुं थथे धयादी – छेँय् फुक्‍क खँ मिलय् या, छाय्‌धाःसा छ सीत्‍यंगु दु। छंगु ल्‍वय् लनी मखुत।”

यशैया 38:3

“हे परमप्रभु, जिं दुनुगलंनिसें छिगु भक्त जुयाः छिगु सेवा यानागु खँ लुमंकादिसँ। जिं छितः यःगु ज्‍या हे यानावयाच्‍वनागु दु।” अले हिजकिया ह्वाँय्‌ह्वाँय् ख्‍वल।

मत्ती 6:6

प्रार्थना यायेबलय् छिमिसं क्‍वथाय् च्‍वनाः खापा तिनाः खने मदुम्‍ह परमेश्‍वर बाःयात प्रार्थना या। थथे सुं मदुथाय् वनाः याःगु प्रार्थना खंकादीम्‍ह परमेश्‍वर बाःनं छिमित सिरपाः बियादी।