यशैया 38:13 - नेवाः बाइबल

¹³ सुथय् तक जि पिवाच्‍वना। तर सिहंनं क्‍वँय् त्‍वथू थें वय्‌कलं जिगु फुक्‍क क्‍वँय् त्‍वथुलादिल। न्‍हिच्‍छि व चच्‍छिं हे छिं जिगु जीवनयात अन्‍त यानादीगु दु।

यशैया 38:13 ပူးပေါင်းရင်းမြစ်များ

१ राजा 20:36

उकिं वं वयात धाल, “छं परमप्रभुया उजं मानय् मयाःगुलिं जितः त्‍वःताः वनेवं छन्‍त छम्‍ह सिंहं स्‍याइ।” व मनू वनेधुंकाः छम्‍ह सिंहं हमला यानाः वयात स्‍यानाबिल।

अय्‍यूब 7:6

कापः थाइम्‍हय्‌सिगु थूचा स्‍वयाः याकनं जिगु दिंत ब्‍वांय् वनाच्‍वंगु दु, जिगु दिंत आशा मदय्‌क नाश जुइ।

भजनसंग्रहया सफू 32:4

चच्‍छि न्‍हिच्‍छि छिगु ल्‍हाः जिगु म्‍हय् झ्‍यातुक्‍क लानाच्‍वन। जिगु बल फुक्‍कं निभालय् लः सू थें सुनावन। सेला

भजनसंग्रहया सफू 39:10

अय्‌नं आः जितः मेगु सजाँय बियादी मते। छिगु ल्‍हाःया च्‍वतं जि सीन।

भजनसंग्रहया सफू 50:22

हे परमेश्‍वरयात ल्‍वमंकीपिं न्‍यँ, छिमिसं जितः वास्‍ता मयाः। जिं छिमित कुचा कुचा थलाः बी। छिमित बचय् याइपिं सुं हे दइ मखु।

भजनसंग्रहया सफू 51:8

जितः लसता व आनन्‍दया खँ हाकनं न्‍यंकादिसँ अले छिं त्‍वाथुलादीगु क्‍वँय्‌त लय्‌तायेमा।

भजनसंग्रहया सफू 7:2

मखुसा सिंहं थें इमिसं जितः चिचित्‍याइ। जितः सुनानं बचय् याये मफयेक इमिसं कुचा कुचा थली।

भजनसंग्रहया सफू 90:5

बाः वःगु लखं थें छिं मनूतय्‌त चुइकायंकादी, इपिं म्‍हगस थें खः, इपिं सुथय् बुयावइगु घाँय् थें खः।

विलाप 3:4

वय्‌कलं जिगु छेंगू व ला सुकूचिंकादिल, अले जिगु क्‍वँय्‌त त्‍वथुलादिल।

दानिएल 6:24

अनंलि दानिएलयात मखुगु दोष ब्‍यूपिं सकल मनूतय्‌त ज्‍वनेत जुजुं आज्ञा बिल। अले इमि कलाःपिं व मचाखाचातनापं इमित सिंहत तयातःगु तःजाःगु गालय् वांछ्वयाबिल। इपिं सिंहत तयातःगु तःजाःगु गाःया बँय् थ्‍यने न्‍ह्यः हे सिंहतय्‌सं झम्‍तय् यात अले इमिगु फुक्‍व क्‍वँय्‌यात काच्‍या-कुचुक यानाः नयाबिल।

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।