यशैया 37:3 - नेवाः बाइबल

³ इमिसं वयात धाल, “हिजकिया जुजुं थथे धाःगु दु – थौं झीसं दुःख सीगु दिं खः। झीसं सजाँय फयाच्‍वनागु दु अले झीगु बेइज्‍जत जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

यशैया 37:3 ပူးပေါင်းရင်းမြစ်များ

२ राजा 19:3

इमिसं वयात धाल, “हिजकिया जुजुं थथे धयादी, थौं झीसं दुःख सीगु दिं खः। झीत क्‍वह्यंकूगु दु अले झीगु अपमान जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

२ इतिहास 15:4

तर इमित दुःख जूबलय् इपिं हाकनं परमप्रभु इस्राएलया परमेश्‍वरपाखे लिहां वल। इमिसं वय्‌कःयात माल अले लुइकल।

भजनसंग्रहया सफू 50:15

दुःखया इलय् जितः प्रार्थना या! जिं छन्‍त बचय् याये, अले छं जितः तःधंकी।”

भजनसंग्रहया सफू 91:15

इमिसं जितः सःतीबलय् जिं इमित लिसः बी, इमित दुःख जुइबलय् जि इपिंनापं च्‍वने, जिं इमित बचय् याये, अले इज्‍जत याये।

भजनसंग्रहया सफू 95:8

छिमि पुर्खा मेरीबाय् व छन्‍हु मस्‍साहया मरुभूमिइ जिद्दी जूगु थें छिपिं जिद्दी जुइ मते।

यशैया 22:5

दर्शनया ब्‍यासिइ प्रभु, दक्‍व शक्ति दुम्‍ह परमप्रभुपाखें जू वःगु थ्‍व हाःहू व तुतिं न्‍हुत्तुन्‍हुयेगु व भयया दिं खः, पर्वतय् ग्‍वाहालि फ्‍वनेगु दिं।

यशैया 25:8

वय्‌कलं मृत्‍युयात सदांया निंतिं नुनाछ्वयादी। परमप्रभु परमेश्‍वरं फुक्‍कसिगु मिखां ख्‍वःबि हुयादी। वय्‌कलं फुक्‍क पृथ्‍वीं थः प्रजाया बदनामी चीकाः छ्वयादी। परमप्रभु थःम्‍हं हे थ्‍व खँ धयादीगु दु।

यशैया 26:16

परमप्रभु, छिं थः प्रजायात सजाँय बियादीगु दु। अले मनय् दुःखकष्‍ट जुयाः इमिसं छितः बिन्‍ति यात।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

यशैया 66:7

“मचाबू ब्‍यथा जुइ न्‍ह्यः हे वं मचा बुइकी, मचाबू ब्‍यथाया सास्‍ती जुइ न्‍ह्यः हे वं छम्‍ह काय् बुइकी।

यशैया 66:9

छु! मचाबुइकेगु ई थ्‍यने धुंकाः नं मचा मबुइकेगु ला?” परमप्रभुं धयादी, “छु! जिं सुयात मचा बुइके बी, वयात मचाबुइकेगुपाखें पनी ला?” छिमि परमेश्‍वरं धयादी।

यर्मिया 30:7

हाय! व दिं गुलि ग्‍यानापुसे च्‍वंगु दिं जुइ। व थें ज्‍याःगु मेगु दिं दइ मखु। जिमि मनूत याकूबया सन्‍तानया निंतिं व दुःखया दिं जुइ तर व वपाखें बचय् जुयाः वइ।’”

होशे 13:13

मचा बुइकीबलय् मिसायात जूगु थें कष्‍ट वयाके वइ, व बुद्धि मदुम्‍ह मचा थें खः, गुम्‍ह बुइत मानय् जुइ मखु, बुइगु ई जुइ धुंकल तर व कोखय् च्‍वनाच्‍वनी।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

होशे 5:9

न्‍याय जुइगु दिनय् एफ्राइम झिजांमिजां जुइ। गुगु खँ धात्‍थें जुइ, व इस्राएलया कुलया दथुइ जिं घोषणा याये।

प्रकाश 3:19

जिं माया यानापिन्‍त कजय् नं याये, ब्‍वः नं बी, उकिं जिगु वचन बांलाक मानय् यायेमाः व पश्‍चाताप नं यायेमाः।