यशैया 37:1 - नेवाः बाइबल

¹ थ्‍व खँ न्‍यनेवं हिजकिया जुजुं नुगः मछिंकाः थःगु वसः खुत। अले भांग्रा हिनाः परमप्रभुया देगलय् वन।

यशैया 37:1 ပူးပေါင်းရင်းမြစ်များ

२ राजा 22:11

व्‍यवस्‍थाया सफुलिइ च्‍वयातःगु खँ न्‍यनाः जुजुं थःगु जामालं खुत।

२ इतिहास 32:20

थज्‍याःबलय् हिजकिया जुजु व आमोजया काय् यशैया अगमवक्तां स्‍वर्गपाखे स्‍वयाः तःसलं प्रार्थना यात।

एज्रा 9:5

सन्‍ध्‍याया बां बीगु इलय् जि दना। जिगु लं व गा गूगु दु। अले पुलिं चुयाः परमप्रभु झी परमेश्‍वरपाखे थःगु ल्‍हाः ल्‍ह्वनाः

एस्‍तर 4:1

थ्‍व फुक्‍क खँ न्‍यनेवं मोर्दकैनं थःगु वसः खुत, भांग्रा फिनाः नलीं बुलाः तःसलं हालाः विलाप यायां शहरया प्‍यखेरं चाःहुलाजुल।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यशैया 36:22

अनंलि दरबारया प्रशासक हिल्‍कियाहया काय् एल्‍याकीम, दरबारया छ्यान्‍जे शेब्‍ना व ल्‍याःचाः तइम्‍ह आसापया काय् योआं थःगु वसः खुत, अले हिजकियायाथाय् वयाः अश्‍शूरयाम्‍ह लडाइँया सेनापतिं धाःगु खँ कन।

यशैया 37:14

हिजकियां थ्‍व पौ दूततय्‌गु ल्‍हातं कयाः ब्‍वन। अले व परमप्रभुया देगलय् थाहां वनाः पौ प्‍वलाः परमप्रभुया न्‍ह्यःने तयाबिल।

यर्मिया 26:19

“छु! यहूदाया जुजु हिजकिया वा यहूदाया मेपिं सुनानं वयात स्‍यात ला? छु! जुजुं परमप्रभुयागु भय मकाः ला? परमप्रभुयाके दया मफ्‍वं ला? अले इमित नाश यायेत दय्‌कादीगु योजनायात वय्‌कलं पूरा यानाः मदिल। तर आः झीसं ला थःके तःधंगु सर्वनाश हयेत्‍यनागु मदु ला?”

यर्मिया 36:24

थ्‍व न्‍यनाः जुजु व वया ज्‍याकःमित न ग्‍या हे ग्‍यात न इमिसं वसः खुत।

मत्ती 11:21

“हे खोराजीन व बेथसेदाय् च्‍वंपिं मनूत, छिमित धिक्‍कार दु, छाय्‌धाःसा छिमिथाय् याःगु अजू चायापुगु ज्‍याखँ टुरोस व सीदोनय् याःगु जूसा अन च्‍वंपिन्‍सं उबलय् हे भांग्रां हिनाः नौनं बुयाः पश्‍चाताप याये धुंकल जुइ।