यशैया 32:7 - नेवाः बाइबल

⁷ मभिंगु ज्‍या यानाजुइपिनिगु चाला मभिंगु हे जुइ, दुःखय् लानाच्‍वंपिन्‍सं फ्‍वंगु पाय्‌छि जूसां नं मगाःमचाःपिन्‍त मखुगु खं नाश यायेगु निंतिं इमिसं मभिंगु ज्‍याया योजना दय्‌की।

यशैया 32:7 ပူးပေါင်းရင်းမြစ်များ

भजनसंग्रहया सफू 119:95

दुष्‍टत जितः नाश यायेत पियाच्‍वंगु दु, तर जिं छिगु उपदेशय् ध्‍यान याये।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 26:10

तर छिं मभिंपिन्‍त दया क्‍यनादिसां, इमिसं धार्मिकता सय्‌काकाइ मखु। अय्‌नं इमिसं पाय्‌छिगु ज्‍या यायेगु गुबलें कुतः याइ मखु। स्‍वजापिं च्‍वनीगु थ्‍व देशय् नं इमिसं आः तक नं मभिंगु हे ज्‍या यानाच्‍वंगु दु। इमिसं छिगु महिमाया खँ थुइकेत वास्‍ता मयाः।

यशैया 29:21

सुनां मनूतय्‌त खँ ल्‍हानाः दोपं बियाच्‍वनी अले अड्डाय् मेगु पक्षयाम्‍हय्‌सित जालय् क्‍यंकी अले दोष मदुम्‍हय्‌सित न्‍याय यायेबलय् मखुगु साक्षी बियाः न्‍यायपाखें तापाकाबी।

यशैया 5:23

घुस कयाः मभिं ज्‍या याइपिन्‍त त्‍वःताछ्वइ अले दोष मदुपिन्‍त सजाँय बी।

यशैया 55:7

दुष्‍ट मनुखं थःगु लँपु व अधर्मी मनुखं थःगु बिचाः त्‍वःतेमा, अले इपिं परमप्रभुयाथाय् लिहां वयेमा, वय्‌कलं हे इमित दया यानादी। झी परमेश्‍वरपाखे इपिं लिहां वयेमा, अले वय्‌कलं इमित पूरा क्षमा यानादी।

यशैया 59:15

खःगु खँ गनं मदु, अले मभिंगु खँपाखें अलग च्‍वनीम्‍ह न्‍ह्याम्‍ह हे जूसां वयात हमला याइ। परमप्रभुं स्‍वयादिल, अले न्‍याय मदयावन धकाः वय्‌कः तंचायादिल।

यशैया 61:1

मगाःमचाःपिन्‍त भिंगु खँ न्‍यंकेत परमप्रभुं जितः ल्‍ययादीगुलिं परमप्रभु परमेश्‍वरया आत्‍मा जिके दु। नुगः क्‍वतुंवंपिन्‍त लाय्‌काबीत, चिना तःपिन्‍त त्‍वःताबीत व कुनातःपिन्‍त छुत्‍काराया घोषणा यायेत वय्‌कलं जितः छ्वयाहयादीगु खः।

यर्मिया 18:18

अले इमिसं धाल, “वा! झीसं यर्मियाया विरोधय् ग्‍वसाः ग्‍वयेनु। झीत स्‍यनीपिं पुजाहारी, सल्‍लाह बीपिं बुद्धि दुपिं मनूत व पमेश्‍वरया वचन न्‍यंकीपिं अगमवक्तात कम जुइ मखु। झीसं थःगु वचनं यर्मियायात हमला यायेनु अले वं धाःगु छुं नं खँय् ध्‍यान बी मते।”

दानिएल 12:10

यक्‍वसित शुद्ध याइ, ख्‍वं मदुम्‍ह याइ अले यचुकी। मभिंपिं मनूतय्‌सं धाःसा मभिंगु ज्‍या याना हे च्‍वनी। उपिं मध्‍ये सुनानं छुं थुइ मखु तर बुद्धि दुपिन्‍सं थुइ।

मीका 2:1

लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

मीका 2:11

सुं मखुगु खँ ल्‍हाइम्‍ह व ध्‍वंलाइम्‍ह मनुखं ‘जिं छंगु लागि यक्‍व दाखमद्य व अय्‌लाःया लागि अगमवाणी याये’ धकाः धाल धाःसा अज्‍याःम्‍ह अगमवक्तायात हे थुपिं मनूतय्‌सं यय्‌की।

मत्ती 26:4

अले इमिसं वय्‌कःयात गथे यानाः ज्‍वनाः स्‍यायेगु धकाः ग्‍वसाः ग्‍वल।