यशैया 32:18 - नेवाः बाइबल

¹⁸ जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 32:18 ပူးပေါင်းရင်းမြစ်များ

भजनसंग्रहया सफू 107:7

परमेश्‍वरं इमित इपिं च्‍वने फइगु छगू शहरय् तप्‍यंक यंकादिल।

प्रस्‍थान 9:26

इस्राएलीत च्‍वनाच्‍वंगु गोशेन धाःगु थासय् जक प्‍वँ मगाः।

हितोपदेश 24:15

दुष्‍ट मनूतय्‌सं थें भिंपिं मनूतय्‌त लुतय् यायेगु ग्‍वसाः ग्‍वयाः जुइ मते। अले इमिगु छेँनं इमित पितिने मते।

यशैया 11:10

अले उखुन्‍हु मनूतय्‌गु निंतिं यिशैया हाया सन्‍तान छम्‍ह झण्‍डा थें दनी। जाति जातित फुक्‍क वय्‌कःयाथाय् मूंवइ, अले वय्‌कः छम्‍ह महिमां जाःगु आराम कायेगु थाय् जुइ।

यशैया 14:3

परमप्रभुं छिमिगु दुःखकष्‍ट व छिमिसं यानावःगु थाकुगु थाकुगु ज्‍यापाखें छिमित छुत्‍कारा बियादीबलय्

यशैया 2:4

वय्‌कलं जाति जातितय्‌गु दथुइ न्‍याय यानादी। अले यक्‍व मनूतय्‌गु ल्‍वापुख्‍यापु मिलय् यानादी। इमिसं थःगु तरवारयात मुगलं दायाः हलोया फालि व भालायात ईंचा दय्‌की। जाति जातितय् दथुइ ल्‍वापुख्‍यापु जुइ मखु, अले लडाइँया निंतिं सुनानं स्‍यनेकने याइ मखु।

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यशैया 28:12

इमित वय्‌कलं धयादिल, “झासु लंकेगु थाय् थ्‍व हे खः, त्‍यानुचाःपिं थन हे झासु लंकः वा। अले आराम कायेगु थाय् थ्‍व हे खः।” अय्‌नं इमिसं वय्‌कःया खँ मन्‍यन।

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 33:6

छिमिगु ईया निंतिं वय्‌कः बल्‍लाःगु जग व मुक्ति अले ज्ञान व बुद्धिया तसकं मू वंगु धुकू जुयादी। परमप्रभुया भय कायेगु हे धुकूया ताःचा खः।

यशैया 65:21

इमिसं छेँ दय्‌काः उकी बाय् च्‍वनी। इमिसं क्‍यबय् दाखमा पिनाः उकिया फल नइ।

यशैया 65:9

जिं याकूबपाखें सन्‍तानत व यहूदापाखें जिगु पर्वतय् अधिकार याइपिं हये। जिं ल्‍ययातयापिन्‍सं हे अन अधिकार याइ, अले जिमि प्रजा अन च्‍वनी।

यर्मिया 33:16

अबलय् यहूदायात बचय् याइ, अले यरूशलेम याउँक च्‍वनाच्‍वनी। वयागु नां थ्‍व तइ, परमप्रभु जिमि धार्मिकता।’

इजकिएल 34:28

इमित जाति जातितय्‌सं हाकनं लुटपाट याइ मखु, न गुँपशुतय्‌सं इमित नइ, इपिं याउँक च्‍वनी, अले इमित सुनानं ख्‍याइ मखु।

जकरिया 2:5

जि थः हे शहरया प्‍यखेरं मिया पःखाः जुइ। जि हे उकी दुनेया महिमा जुइ,’” धकाः परमप्रभुं धयादी।

जकरिया 2:8

छाय्‌धाःसा दक्‍व शक्ति दुम्‍ह परमप्रभुं छिमित लुतय् याइपिं जातजातितय्‌थाय् महिमाया ज्‍याय् जितः छ्वयादिल। वय्‌कलं थथे धयादी, “सुनां जि मनूतय्‌त थीवं जिगु मिखाया नानिचायात थी।

जकरिया 3:10

“‘उखुन्‍हु हे छिपिं सकसिनं थः जलाःखलाःयात थः दाखमा व यःमरिमाया क्‍वय् च्‍वनेत सःती,’ दक्‍व शक्ति दुम्‍ह परमप्रभुं धयादी।”

हिब्रू 4:9

अय्‌जूगुलिं परमेश्‍वरया मनूतय्‌गु निंतिं विश्रामबारया झासु लनेगु ई ल्‍यंदनी।

१ यूहन्‍ना 4:16

अले झीत परमेश्‍वरं माया यानादिल धकाः झीसं सि नं स्‍यू, अले विश्‍वास नं याना। परमेश्‍वर माया खः, उकिं माया यानाजुइम्‍ह मनूयागु नुगलय् वय्‌कः दयाच्‍वनी। अले व नाप दइ।