यशैया 32:1 - नेवाः बाइबल

¹ स्‍व, छम्‍ह जुजुं धार्मिकतां राज्‍य यानादी, अले शासकतय्‌सं न्‍यायलं शासन यानादी।

यशैया 32:1 ပူးပေါင်းရင်းမြစ်များ

२ शमूएल 23:3

इस्राएलया परमेश्‍वर नवानादिल, इस्राएलयात ल्‍वहंधी थें रक्षा यानादीम्‍हं जितः धयादिल, “गुम्‍हय्‌सिनं धार्मिकताकथं न्‍याय याइ, अले परमेश्‍वरया भय कयाः शासन याइ,

भजनसंग्रहया सफू 45:1

जुजुया निंतिं थ्‍व म्‍ये च्‍वयाबलय् जिगु नुगलय् बाबांलाःगु खँग्‍वः भय्‌बियावःगु दु। जिगु मेचु नं छम्‍ह बांलाःम्‍ह कविया कलम थें जुयाब्‍यूगु दु।

भजनसंग्रहया सफू 99:4

जुजु तःधंगु शक्ति दुम्‍ह खः, वय्‌कलं न्‍याययात यय्‌कादी, छिं इस्राएलय् न्‍यायया पलिस्‍था यानादीगु दु, न्‍याय व धार्मिकतां ज्‍या यानादीगु दु।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 11:5

वय्‌कःया जँनी धार्मिकतायागु जुइ, अले वय्‌कःया जँय् च्‍वंगु जँनी विश्‍वासयागु जुइ।

यशैया 16:5

परमेश्‍वरं दाऊदया सन्‍तानपाखें छम्‍ह जुजु पलिस्‍था यानादी। अले वं दया मायां व विश्‍वास यायेबहः कथं शासन याइ। वं न्‍यायया रक्षा अले धार्मिकताया ज्‍या जुक्‍व हथासं याइ।

यशैया 28:6

वय्‌कलं न्‍याय यायेत च्‍वनाच्‍वंम्‍ह न्‍याय याइम्‍हय्‌सित न्‍यायया ज्ञान व शहरया रक्षा यायेत मू ध्‍वाखाय् दनाच्‍वंम्‍ह ध्‍वाखापिवाःयात साहस बियादी।

यशैया 33:5

परमप्रभु दक्‍वसिबय् तःधंम्‍ह जुयादीगु दु, छाय्‌धाःसा वय्‌कः दक्‍वसिबय् च्‍वय् च्‍वनादी। वय्‌कलं सियोनयात न्‍याय व धार्मिकतां जाय्‌कादीगु दु।

यशैया 4:6

वय्‌कःया महिमां शहरतय्‌के न्‍हिनय् निभालं बचय् जुइत किचः व ग्‍वःफसं व वां बचय् जुइत सुपिलिगु थाय् दय्‌कादी।

यर्मिया 33:14

“‘जिं थःम्‍हं इस्राएलया घराना व यहूदाया घरानायात बियागु बचं पूरा यायेगु ई वयाच्‍वंगु दु, परमप्रभुं धयादी।

यर्मिया 33:15

“‘व दिंखुन्‍हु, जिं दाऊदया वंशपाखें छगू धर्मी कचायात पिकाय्। उम्‍ह जुजुं देशन्‍यंक भिंगु व न्‍याययागु ज्‍या याइ।

इजकिएल 37:24

“‘जिम्‍ह दास दाऊद इमि जुजु जुइ, इमि छम्‍ह हे फैजवाः जुइ। इमिसं जिगु नियम पालन याइ, अले जिगु विधित पालन यानाः वकथं जुइ।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

जकरिया 9:9

हे म्‍ह्याय् सियोन, लय्‌ताया च्‍वँ! हे म्‍ह्याय् यरूशलेम तसलं हा! स्‍व, छिमि जुजु छिमिथाय् झायादीगु दु। वय्‌कः धर्मीम्‍ह व मुक्ति बियादीम्‍ह खः। वय्‌कः क्‍वमिलुम्‍ह खः, वय्‌कः गधा गया, गधाया मचा गयाः झायादीगु दु।

रोमी 5:21

थथे जूगुलिं पापं यानाः फुक्‍क मनूत सीमाः थें तुं परमेश्‍वरयागु दया मायां धर्मी ठहरय् जुयाः झी प्रभु येशू ख्रीष्‍टयापाखें मनूतय्‌त अनन्‍त जीवन दत।

प्रकाश 17:14

थुपिं चीधिकःम्‍ह भ्‍याःचा नाप ल्‍वाः वइ। चीधिकःम्‍ह भ्‍याःचां थुमित बुका छ्वइ, छाय्‌धाःसा वय्‌कः प्रभुतय् नं प्रभु व जुजुतय् नं जुजु खः। वय्‌कः नाप दुपिं सःतातःपिं, ल्‍ययातःपिं व विश्‍वास यायेबहःपिं खः।”

प्रकाश 19:11

थुलि जुइ धुंकाः स्‍वर्ग चाल, जिं अन छम्‍ह तुयुम्‍ह सलयात खना। व सल गया च्‍वंम्‍हय्‌सित विश्‍वास याये बहःम्‍ह व सत्‍यम्‍ह धाइ। वय्‌कलं बांलाक सत्‍य कथं न्‍याय व लडाइँ यानादी।