यशैया 31:3 - नेवाः बाइबल

³ तर मिश्रीत ला मनूत जक खः परमेश्‍वर मखु। इमि सलत म्‍ह खः, आत्‍मा मखु। परमप्रभुं थःगु ल्‍हाः ल्‍ह्वनादीबलय् ग्‍वाहालि याइपिं लुफिं हाइ अले ग्‍वाहालि काःपिं क्‍वदली, इपिं निगू पुचलं छक्‍वलं नाश जुइ।

यशैया 31:3 ပူးပေါင်းရင်းမြစ်များ

२ इतिहास 32:8

वयाके मनूया शक्ति दु तर झीके परमप्रभु झी परमेश्‍वर दी। वय्‌कलं झीत ग्‍वाहालि यानादी, अले झीगु लडाइँ ल्‍वानादी।” मनूतय्‌सं हिजकिया जुजुया खँ पत्‍याः यात।

भजनसंग्रहया सफू 118:8

मनूतय्‌त भरोसा यायेगु स्‍वयाः परमप्रभुयागु शरण कायेगु बांलाः।

भजनसंग्रहया सफू 33:17

सल दयेवं जक नं लडाइँलय् त्‍याकेफइ मखु, थुमिगु फुक्‍क बल मुंकाः नं बचय् याये फइ मखु।

भजनसंग्रहया सफू 9:20

हे परमप्रभु, इमित ख्‍यानादिसँ! जाति जातियापिन्‍त थःपिं सीमानिपिं खः धकाः सीकेबियादिसँ। सेला

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 20:4

थुकथं हे अश्‍शूरया जुजुं मिश्र देशयात लाजय् लाकेत मिश्र देशं ज्‍वनाहःपिं व कूश देशं लाकाहःपिं ल्‍याय्‌म्‍हपिं व बुरापिं निथ्‍वःयात नं पचिंनांगा, लाकां मदय्‌क व नांगा प्‍यं ज्‍वना यंकी।

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 30:16

छिमिसं धाल, ‘मखु, जिपिं ला सल गयाः बिस्‍युं वने।’ अथे जुयाः छिपिं बिस्‍युं हे वने मालीतिनि! इमिसं धाल, ‘जिपिं याकनं सल गयाः बिस्‍युं वने।’ अथे जुयाः छिमित लिनाहइपिं याकनं वइतिनि।

यशैया 30:5

अय्‌नं थज्‍याःगु जातिया कारणं छिपिं फुक्‍क लाजय् लाइ, गुपिं इमिगु निंतिं ज्‍यागलय् मजूपिं खः, सुनां न छुं ग्‍वाहालि याइ, न लबः कायेखनी, तर थुपिंपाखें ला लाज व बेइज्‍जत जक हइ।

यशैया 30:7

मिश्र देशं याइगु ग्‍वाहालि तसकं हे सितिं वंगु खः। अथे जुयाः जिं वयात छुं नं याइ मखुम्‍ह राहाब धयागु दु।

यशैया 36:6

न्‍यँ! छं मिश्र देशयागु भलसा काःगु दु, व ला तज्‍याःगु तिंकथि खः, उकिं मनूतय्‌गु ल्‍हातय् सुइ। उकी लिधन धाःसा घाःपाः जक जुइ। मिश्र देशयाम्‍ह जुजु फारोयागु भलसा काःम्‍ह न्‍ह्याम्‍हय्‌सिगु लागि नं थथे हे खः।

यशैया 36:9

रथत व सलतय्‌गु निंतिं मिश्र देशय् भलसा याःसां गुकथं छिमिसं जिमि मालिकया हाकिमत मध्‍ये छम्‍ह चीधिकःम्‍ह हाकिमयात ख्‍यानाः छ्वये फइ?

यशैया 9:17

उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 15:6

छं जितः त्‍वःतूगु दु,” परमप्रभुं धयादी। “छ लिचिला वनाच्‍वंगु दु। उकिं जिं थःगु ल्‍हाः ल्‍ह्वनाः छन्‍त नाश याये, छाय्‌धाःसा जिगु तंयात सह यायां थाकय् जुल।

यर्मिया 17:5

परमप्रभुं थथे धयादी, “व मनूयात सराः लायेमा, गुम्‍हय्‌सिगु मन जिपाखें फहिलावनी, गुम्‍हय्‌सिनं मनूयागु व सीनावनीपिं मनूया शक्तियागु भलसा काइ।

इजकिएल 28:2

“अय् सीमानिम्‍ह मनू, टुरोसयाम्‍ह जुजुयात धा, ‘परमप्रभु परमेश्‍वरं थथे धयादी – “‘छं तःधंछुयाः थथे धाःगु दु, जि छम्‍ह द्यः खः, जि समुद्रया दथुइ द्यःयागु सिंहासनय् च्‍वंच्‍वनागु दु। तर छ छम्‍ह मनू जक खः, द्यः मखु, खः ला, छं थःत द्यः ति हे बुद्धिमान ताय्‌कूगु दु।

इजकिएल 28:9

छु छन्‍त स्‍याइपिनिगु न्‍ह्यःने छं अज्‍ज नं “जि द्यः खः” धकाः धायेगु ला? छन्‍त स्‍याइपिनिगु ल्‍हातय् छ द्यः मखु, मनू जक जुइ।

आमोस 2:15

धनुष वाण चले याइम्‍ह नं थःगु थासय् दनाच्‍वने फइ मखु, फुर्ति पिकयाः ब्‍वाँय् वनीम्‍हं नं थःत बचय् याये फइ मखु, न त सल गया वनीम्‍हं थःगु प्राण बचय् याये फइ।

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”