यशैया 30:8 - नेवाः बाइबल

⁸ आः हुँ, वइतिनिगु ईया निंतिं सदां साक्षी जुइमा धकाः इमिगु निंतिं छगू ग्‍वरलय्, छगू सफूया थूलय् व च्‍व।

यशैया 30:8 ပူးပေါင်းရင်းမြစ်များ

हबकूक 2:2

अले परमप्रभुं जिगु लिसलय् धयादिल, “जिं धयागु खँ पौलय् बांलाक च्‍व, बुखँ हइपिन्‍सं थ्‍व खँ बांलाक ब्‍वने खनी।

यशैया 8:1

परमप्रभुं जितः धयादिल, “तःपागु ग्‍वरः छपा का अले उकी हंचां कियाः ‘महेर-शालल-हाज-बज’ धकाः च्‍व।”

व्‍यवस्‍था 31:22

अले मोशां उखुन्‍हु हे थ्‍व म्‍ये च्‍वयाः इस्राएलीतय्‌त स्‍यन।

यर्मिया 51:60

बेबिलोनय् याकनं वइगु विपत्तित यर्मियां छथू भ्‍वँतय् च्‍वःगु खः, वं च्‍वःगु फुक्‍क खँ बेबिलोनया बारे खः।

यर्मिया 36:2

“छथू थूतुलातःगु भ्‍वँ कयाः उकी इस्राएल, यहूदा व मेगु फुक्‍क जातिया बारे जिं छन्‍त धयागु फुक्‍क खँ च्‍व। योशियाह जुजुया पालय् जिं छलिसें खँ ल्‍हानागु दिनंनिसें थौं तक जिं छु छु धया, व फुक्‍क खँ च्‍व।

व्‍यवस्‍था 31:19

“आ छं थ्‍व म्‍ये च्‍वयाः इस्राएलीतय्‌त स्‍यं अले इमित हाय्‌कि। इमिगु विरोधय् थ्‍व म्‍ये जिगु निंतिं छगू साक्षी जुइमा।

गन्‍ती 24:14

आः जि थः मनूतय्‌थाय् लिहां वनेत्‍यना। वने न्‍ह्यः जिं छितः इस्राएलीतय्‌सं छिकपिनि मनूतय्‌त लिपा छु याइतिनि धकाः कनाथके।”

व्‍यवस्‍था 4:30

लिपांगु इलय् छिमित आपत जुइबलय् अले थुपिं फुक्‍क खँ छिमित वइबलय् छिपिं थः परमप्रभु परमेश्‍वरपाखे लिहां वइ अले छिमिसं वय्‌कःया खँ मानय् याइ।

यहूदा 1:18

इमिसं छिमित थथे धयावंगु खः – “दकलय् लिपा छिमित हेस्‍याइपिं व थःत यःथें यानाजुइपिं मनूत वइ।”

२ पत्रुस 3:3

दकलय् न्‍हापां थ्‍व खँ सीकि, लिपा लिपायागु दिनय् थःत यःथें सना जुइपिं मनूत वइतिनि। अले थज्‍याःपिं मनूतय्‌सं छिमित गिजय् याइ।

१ तिमोथी 4:1

लिपा लिपा मनूतय्‌सं विश्‍वास यायेगु त्‍वःताः मखुगु खँ न्‍यनाः शैतानं धाःथें याना जुइ धकाः पवित्र आत्‍मां बांलाक थुइकाब्‍यूगु दु।

होशे 3:5

अनंलि इस्राएलीत लिहां वइ, इमिसं परमप्रभु थः परमेश्‍वरयात व जुजु दाऊदया सन्‍तानयात माली। लिपांगु दिनय् इमिसं परमप्रभुया भय काइ अले वय्‌कःपाखे वयाः सुवाः काइ।

इजकिएल 38:16

गथे सुपाँचं जमिनयात त्‍वपुइ, अथे हे छं जिगु जाति इस्राएलया देशय् हमला याइ। उकिं हे गोग, लिपा वइगु इलय् जिं थःत छपाखें इमिगु मिखाया न्‍ह्यःने पवित्र क्‍यनीबलय् जातितय्‌सं जितः सीमा धकाः जिं छन्‍त जिगु देशया विरोधय् हये।

यर्मिया 48:47

“अय्‌नं लिपा वइगु दिनय् जिं मोआबया सुख शान्‍ति हाकनं लित हये,” परमप्रभुं धयादी। मोआबया न्‍याय थन तक।

यर्मिया 23:20

थःगु मनय् दुगु इच्‍छा पूमवंतले परमप्रभुया तं क्‍वलाइ मखु। लिपा छिमिसं थ्‍व बांलाक सी।

यशैया 2:2

लिपांगु दिनय् परमप्रभुया देगः पलिस्‍था यानातःगु पर्वत मेगु फुक्‍क पर्वत स्‍वयाः मू वंगु जुयाः थापं जुइ। व हिमालत स्‍वयाः तसकं तःजाः जुइ, अले फुक्‍क जातित अन मूंवइ।

व्‍यवस्‍था 31:29

छाय्‌धाःसा जि सी धुंकाः छिपिं तसकं स्‍यनाः जिं हुँ धकाः धयागु लँपु त्‍वःती धकाः जिं स्‍यू। छिमिसं परमप्रभुया मिखाय् मभिंगु ज्‍या याःगुलिं व थःगु ल्‍हातं दय्‌कूगु द्यःतय्‌त पुजा यानाः वय्‌कःयात तंचाय्‌कूगुलिं लिपाया इलय् छिमिके विपत्ति वइ।”

यशैया 34:16

परमप्रभुया भ्‍वंथू स्‍व अले ब्‍वँ! उकी छम्‍ह नं तनावनी मखु। सुयातं निम्‍ह तिपुया निंतिं मगाःमचाः जुइ मखु, छाय्‌धाःसा वय्‌कःया म्‍हुतुं थथे धयादीगु दु, वय्‌कःया आत्‍मां इपिं सकसितं छथाय् मुंकादी,

यर्मिया 30:2

“परमप्रभु, इस्राएलया परमेश्‍वरं थथे धयादी, ‘जिं छन्‍त धयागु फुक्‍क खँ छगू सफुलिइ च्‍व।

यर्मिया 36:4

उकिं यर्मियां नेरियाहया काय् बारूकयात सःतल अले बारूकं परमप्रभुं यर्मियायात धयादीगु फुक्‍क खँ यर्मियायागु म्‍हुतुं न्‍यनाः भ्‍वँतय् च्‍वल।