यशैया 30:7 - नेवाः बाइबल

⁷ मिश्र देशं याइगु ग्‍वाहालि तसकं हे सितिं वंगु खः। अथे जुयाः जिं वयात छुं नं याइ मखुम्‍ह राहाब धयागु दु।

यशैया 30:7 ပူးပေါင်းရင်းမြစ်များ

अय्‍यूब 9:13

परमेश्‍वरं थःगु तं क्‍वलाकादी मखु, राहाबया ग्‍वाहालिमितय्‌सं वय्‌कःया न्‍ह्यःने छ्यं क्‍वछुकी।

भजनसंग्रहया सफू 87:4

“जिगु आज्ञा पालन याइगु देशतय्‌गु धलखय् मिश्र व बेबिलोनया नां नं दइ। पलिश्‍त, टुरोस व कूशयापिं मनूतय्‌त यरूशलेमयापिं मनूतलिसें ल्‍याः खाइ।”

भजनसंग्रहया सफू 89:10

छिं हे तःधिकःम्‍ह समुद्रया जन्‍तुयात काच्‍याक कुचुक यानादिल, छिं थः शत्रुतय्‌त थःगु ल्‍हाःया बलं छ्यालब्‍याल यानादिल।

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

हितोपदेश 25:19

दुःख जुइबलय् मदुम्‍ह पासा किलं नःगु, स्‍याःगु वा व खुत्‍यां काःगु तुति थें खः।

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 2:22

छम्‍हू जक सासः दुम्‍ह मनूतय्‌के भलसा तये मते। व छु हे मू वंम्‍ह खः धकाः?

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 28:12

इमित वय्‌कलं धयादिल, “झासु लंकेगु थाय् थ्‍व हे खः, त्‍यानुचाःपिं थन हे झासु लंकः वा। अले आराम कायेगु थाय् थ्‍व हे खः।” अय्‌नं इमिसं वय्‌कःया खँ मन्‍यन।

यशैया 30:15

परमप्रभु परमेश्‍वर, इस्राएलया पवित्र परमेश्‍वरं थथे धयादी, “पश्‍चाताप व विश्रामय् छिमिगु उद्धार दु। ध्‍यान यायेगु व भरोसा तयेगुलिइ छिमित बल दइ। तर छिमिसं थुपिं छुं नं खँ यय्‌कूगु मदु।

यशैया 30:5

अय्‌नं थज्‍याःगु जातिया कारणं छिपिं फुक्‍क लाजय् लाइ, गुपिं इमिगु निंतिं ज्‍यागलय् मजूपिं खः, सुनां न छुं ग्‍वाहालि याइ, न लबः कायेखनी, तर थुपिंपाखें ला लाज व बेइज्‍जत जक हइ।

यशैया 36:9

रथत व सलतय्‌गु निंतिं मिश्र देशय् भलसा याःसां गुकथं छिमिसं जिमि मालिकया हाकिमत मध्‍ये छम्‍ह चीधिकःम्‍ह हाकिमयात ख्‍यानाः छ्वये फइ?

यशैया 51:9

छुं यानादिसँ! हे परमप्रभु, जिमित ग्‍वाहालि यानादिसँ, अले थःगु शक्ति छ्यलाः जिमित बचय् यानादिसँ, पुलांगु इलय् थें अले न्‍हापाया पुस्‍तातय्‌गु इलय् थें छुं यानादिसँ। छु छि व हे मखु ला, गुम्‍हय्‌सिनं समुद्रया अजिङ्‌गर राहाबयात कुचा कुचा थलादिल अले व अजिङ्‌गरयात सुयाबिल।

यशैया 7:4

वयात थथे धा, ‘होश‍यानाच्‍वँ, ग्‍याये मते अले शान्‍त जुयाच्‍वँ। अरामया जुजु रसीन व जुजु पेकहया तं ला च्‍यानाच्‍वंगु निका सिँ पिहां वयाच्‍वंगु कुँति हे मग्‍यं।

यर्मिया 37:7

“परमप्रभु, इस्राएलयाम्‍ह परमेश्‍वरं थथे धयादी – छन्‍त जिथाय् न्‍यनेत छ्वयाहःम्‍ह यहूदाया जुजुयात थथे धा, ‘छन्‍त ग्‍वाहालि यायेत वःगु फारोया सेना हाकनं मिश्रय् हे लिहांवनी।

विलाप 3:26

सुम्‍क च्‍वनाः परमप्रभुया उद्धारयागु लँपु स्‍वयेगु हे तसकं बांलाःगु खँ खः।

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।