यशैया 30:4 - नेवाः बाइबल

⁴ खःला इमि हाकिमत सोअनय् दु अले इमि राजदूतत हानेसय् थ्‍यंकः वःगु दु।

यशैया 30:4 ပူးပေါင်းရင်းမြစ်များ

२ राजा 17:4

तर अश्‍शूरयाम्‍ह जुजुं होशियां थःत ध्‍वंलाःगु खन। छाय्‌धाःसा वं मिश्र देशया जुजु सोया थाय् दूतत छ्वल। अले दँय्‌दसं बीमाःगु कर मबिल। उकिं शलमनेशेरं वयात ज्‍वनाः झ्‍यालखानाय् तल।

भजनसंग्रहया सफू 78:12

वय्‌कलं मिश्र देशयागु सोअन धाःगु थासय् इमि तापाःबाज्‍यापिन्‍त अजू चायापुगु ज्‍याखँ यानाः क्‍यनादीगु खः।

यशैया 19:11

सोअन शहरया हाकिमत तसकं मूर्खपिं खः। मिश्रय् दक्‍वसिबय् बुद्धि दुपिन्‍सं मभिंगु सल्‍लाह बी। छिमिसं गुकथं धायेफत फारोयात, “जि बुद्धि दुम्‍ह मनूत मध्‍ये छम्‍ह खः, तसकं पुलांपिं जुजुपिनि छम्‍ह चेला खः?”

यशैया 57:9

छिमिसं मोलोख द्यःयाथाय् छायेत जैतूनया चिकं ज्‍वनाः तसकं नस्‍वाः वय्‌कः यक्‍व चिकं थम्‍हं बुलावन। छिमिसं दूततय्‌त तातापाक्‍क छ्वल, अज्‍ज मृतलोक तक हे छ्वल।

यर्मिया 43:7

थुकथं परमप्रभुया आज्ञा पालन मयासें इपिं मिश्र देशय् वन, इपिं तहपनेसय् थ्‍यन।

यर्मिया 49:14

जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ, झीपिं वनापं लडाइँ याः वनेनु।”

इजकिएल 30:14

दच्‍छिन मिश्रयात जिं तहसनहस यानाबी, सोअनय् मि तयाबी, थेबेस शहरयात जिं सजाँय बी।

इजकिएल 30:18

तहपनेसय् जिं मिश्रीतय्‌गु जुवा त्‍वथुलाबीबलय् अन न्‍हिनय् हे खिउँसे च्‍वनी, वं घमण्‍ड याइगु वयागु शक्तिया नाश जुइ। वयात सुपाँचं त्‍वपुइ, वया गांतय्‌त ज्‍वना यंकी।

होशे 7:16

इपिं दकलय् तःधंम्‍हय्‌सिथाय् लिहां वइ मखु, इपिं त्‍वधूगु धनुष थें खः। इमि न्‍हेलुवाःतय्‌त इमिगु घमण्‍डया वचनं यानाः तरवारं स्‍याइ। थुकिया निंतिं मिश्र देशय् इमित गिजय् याइ।

ओबदिया 1:1

ओबदियायागु दर्शन। परमप्रभु परमेश्‍वरं एदोमयागु बारे थथे धयादी, जिमिसं परमप्रभुपाखें थ्‍व बुखँ न्‍यनागु दु। छम्‍ह दूतयात जाति जातितय्‌थाय् थथे धाय्‌के छ्वःगु खः, “दँ! झीपिं एदोमनापं लडाइँ याः वनेनु।”

गन्‍ती 13:22

इपिं नेगेवपाखें थहां वनाः हेब्रोनय् थ्‍यंकः वन। अन अनाकया सन्‍तान अहीमन, शेशै व तल्‍मै च्‍वनाच्‍वंगु जुल। हेब्रोन मिश्रया सोअन शहर स्‍वयाः न्‍हय्‌दँ न्‍ह्यः दय्‌कूगु खः।