यशैया 30:1 - नेवाः बाइबल

¹ परमप्रभुं धयादी, “धिक्‍कार! उपिं अतेरि काय् म्‍ह्याय्‌पिन्‍त,” सुनां योजना दय्‌काः ज्‍याझ्‍वः न्‍ह्याकि तर उपिं जिगुपाखें मखु, सुनां स्‍वापु तइ, तर जिगु आत्‍मां मखु, अले पापय् पाप थपय् यानाब्‍यूगु दु।

यशैया 30:1 ပူးပေါင်းရင်းမြစ်များ

२ राजा 18:21

न्‍यँ! छं मिश्र देशयागु भर काःगु दु, व ला तज्‍याःगु तिंकथि जक खः, उकिं मनूतय्‌गु ल्‍हातय् सुइ। उकी लिधन धाःसा घाःपाः जक जुइ। मिश्र देशयाम्‍ह जुजु फारोयागु भर काःम्‍ह न्‍ह्याम्‍हय्‌सिगु लागि नं थथे हे खः।

२ राजा 18:24

रथत व सलतय्‌गु निंतिं मिश्र देशय् भलसा याःसां गुकथं छिमिसं जिमि मालिकया हाकिमत मध्‍ये छम्‍ह चिधिकःम्‍ह हाकिमयात नं ख्‍यानाः छ्वये फइ?

भजनसंग्रहया सफू 61:4

छिगु थासय् जितः सदांया निंतिं च्‍वने बियादिसँ। छिगु पपूया किचलय् जितः सुरक्षित यानाः तयादिसँ। सेला

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

यशैया 1:23

छिमि न्‍ह्यलुवाःत विद्रोही व खुँतय् पासापिं जुइ धुंकूगु दु। इमिसं न्‍ह्याबलें कोस्‍यालि व घुस नयेत माला जुइ। न्‍याय जुइबलय् इमिसं मांबौ मदुपिनिगु पँली मखु। भाःत मदुपिनिगु मुद्दा इमिथाय् थ्‍यनी मखु।

यशैया 1:4

धिक्‍कार पापी जाति! दोषं क्‍वत्‍यकाच्‍वने माःपिं मनूत, दुष्‍ट ज्‍या यानाजुइपिनि मस्‍त, मभिंगु ज्‍या यानाजुइपिनि सन्‍तान, इमिसं परमप्रभुयात ल्‍वमंकूगु दु, इमिसं इस्राएलया पवित्र परमेश्‍वरयात हेला याःगु दु अले वय्‌कःपाखें फहिलावंगु दु।

यशैया 1:5

छाय् छिमिसं अप्‍वः ल्‍हाः नयेमाःगु? छाय् छिपिं विद्रोही जुयाच्‍वनागु? छिमिगु छ्यं छगलं घालं जाःगु दु अले नुगः दुःखं जाःगु दु।

यशैया 28:15

छिमिसं थथे धयाः घमण्‍ड याइ, “जिमिसं मृत्‍युलिसें बाचा चिनागु दु, अले सीगाःलिसें सहलह यानागु दु। तसकं तःधंगु विपत्ति जिमिथाय् वःसां, उकिं जिमित थिइ फइ मखु। छाय्‌धाःसा जिमिसं मखुगु खँ ल्‍हाइपिन्‍थाय् शरण कयागु दु, अले असत्‍ययात सुपीगु थाय् दय्‌कागु दु।”

यशैया 28:20

छिपिं द्यनेगु खाता चिहाकः जुइ अले फांगा नं चिधं जुइ।

यशैया 29:15

धिक्‍कार छिमित! सुनां थःगु योजना परमप्रभुपाखें सुपीकीगु कुतः याइ, सुनां थःगु ज्‍या खिउँगु थासय् याइ अले मतिइ तइ, “सुनां जिमित खनी धकाः? सुनां सिइका कायेफइ?”

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 32:2

थुपिं मनूत फय्‌पाखें शरण कायेगु थाय् अले ग्‍वःफय्‌पाखें सुपिलिगु थाय्, मरुभूमिइ लः दुगु खुसित व गंगु मरुभूमिइ तग्‍वःगु ल्‍वहंया किचः थें जुइ।

यशैया 4:5

अनंलि सियोन पर्वतय् व अन मुनाच्‍वंपिं मनूतय्‌के परमप्रभुं न्‍हिनय् सुपाँय् व चान्‍हय् कुँ व मित्‍याः छ्वयाहयादी। फुक्‍क शहरयात परमेश्‍वरया महिमां त्‍वपुइ अले रक्षा यानादी।

यशैया 5:18

धिक्‍कार इमित, गुपिन्‍सं पापयात छलया खिपतं व मभिंगु ज्‍यायात गाडायात खिपतं साला हः थें साला हइ।

यशैया 63:10

अय्‌नं इपिं विद्रोही जुल, अले वय्‌कःया पवित्र आत्‍मायात दुःख बी। अथे जुयाः वय्‌कः इमि शत्रु जुयादिल, अले वय्‌कः थः हे इमिगु विरोधय् ल्‍वानादिल।

यशैया 65:2

जिं जिगु ल्‍हाः न्‍हिछि हे छगू विद्रोही प्रजाया न्‍ह्यःने ब्‍वय्‌काच्‍वना। तर इपिं थःगु हे बिचालं थज्‍याःगु मभिंगु लँपुइ जुइ।

यशैया 8:11

थुपिं मनूतय्‌गु लँपुइ जुइ मते धकाः थःगु तःधंगु शक्तिं परमप्रभुं जितः ख्‍याच्‍वः बियादीगु दु। वय्‌कलं जितः थथे धयादी,

यशैया 8:12

“गुगु नं खँयात थुमिसं जाः ग्‍वयातःगु धकाः धाइ उकियात छं पत्‍याः याये मते। छु खं इपिं ग्‍याइ छ ग्‍याये मते अले नुगः भाराभारा मिंके मते।

यशैया 8:19

गुबलय् छिमित मनूतय्‌सं झंगःत थे चुंइ चुंइ हालीपिं तन्‍त्रमन्‍त्र याइपिंलिसे सल्‍लाह का हुँ धकाः धाइ। छु मनूतय्‌सं परमेश्‍वरयाथाय् वनाः सल्‍लाहया निंतिं न्‍यं वनेमाःगु मखु ला? म्‍वापिनिगु निंतिं सीधुंकूपिन्‍थाय वनाः छाय् न्‍यंवनेगु?

यर्मिया 17:5

परमप्रभुं थथे धयादी, “व मनूयात सराः लायेमा, गुम्‍हय्‌सिगु मन जिपाखें फहिलावनी, गुम्‍हय्‌सिनं मनूयागु व सीनावनीपिं मनूया शक्तियागु भलसा काइ।

यर्मिया 2:18

नील खुसिया लः त्‍वनेत छाय् मिश्र देशय् वनेगु? यूफ्रेटिस खुसिया लः त्‍वनेत छाय् अश्‍शूर देशय् वनेगु?

यर्मिया 37:7

“परमप्रभु, इस्राएलयाम्‍ह परमेश्‍वरं थथे धयादी – छन्‍त जिथाय् न्‍यनेत छ्वयाहःम्‍ह यहूदाया जुजुयात थथे धा, ‘छन्‍त ग्‍वाहालि यायेत वःगु फारोया सेना हाकनं मिश्रय् हे लिहांवनी।

यर्मिया 4:17

मनूतय्‌सं क्‍यब पियाच्‍वंगु थें थुपिं शत्रुतय्‌सं यरूशलेमयात घेरय् याइ छाय्‌धाःसा अनयापिं मनूतय्‌सं परमप्रभुयागु विरोधय् विद्रोह याःगु दु,’” परमप्रभुं धयादी।

यर्मिया 42:19

“हे ल्‍यनाच्‍वंपिं यहूदाया मनूत, परमप्रभुं छिमित ‘मिश्रय् वने मते’ धयादीगु दु। थ्‍व खँ ल्‍वःमंके मते! जिं थौं छिमित ख्‍याच्‍वः बियागु दु।

यर्मिया 5:23

तर थुपिं मनूतय्‌के जिराहा व विद्रोही मन दु। इमिसं विद्रोह यात अले तापानावन।

इजकिएल 11:2

परमप्रभुं जितः धयादिल, “अय् सीमानिम्‍ह मनू, थ्‍व शहरय् मभिंगु ज्‍या यायेत ग्‍वसाः ग्‍वःपिं व मभिंगु सल्‍लाह ब्‍यूपिं मनूत थुपिं हे खः।

इजकिएल 2:3

वय्‌कलं जितः थथे धयादिल, “अय् सीमानिम्‍ह मनू, जिं छन्‍त इस्राएली जातियाथाय् छ्वयाच्‍वनागु दु, जिगु विरोधय् विद्रोही जूपिं जातियाथाय्। इपिं व इमि पुर्खात थौं तक नं जिगु विरोधय् विद्रोही जूगु दु।

इजकिएल 24:3

थ्‍व विद्रोही घरानायात थ्‍व उखान धा, ‘परमप्रभु परमेश्‍वरं थथे धयादी – “‘मिया च्‍वय् थल ति, उकी लः नं ति,

इजकिएल 29:16

इस्राएलयापिं मनूतय्‌सं हाकनं गुबलें मिश्र देशयात भलसा याइ मखु। तर झीसं न्‍हापा मिश्रयात भलसा यानाः गुलि बांमलाःगु ज्‍या याना धकाः मिश्रयागु छ्यालब्‍याल जूगु अवस्‍थां इस्राएलयात सिइके बी। अनंलि इमिसं जि हे परमप्रभु परमेश्‍वर खः धकाः सी।’”

इजकिएल 3:9

जिं छंगु कपाःयात च्‍वल्‍वहं स्‍वयाः छाःगु ल्‍वहं थें छाकाबी। उपिं विद्रोही घराना जूसां इपिं खनाः ग्‍याये मते! इमिगु ख्‍वाः खनाः नं ग्‍याये मते!”

होशे 11:6

इमिगु शहरय् लडाइँ जुइ, इमिगु मू ध्‍वाखात स्‍यंकाबी, अले इमिगु योजनायात नाश यानाबी।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

होशे 7:13

धिक्‍कार इमित, छाय्‌धाःसा इपिं जिपाखें फहिलाः वंगु दु। इमिगु भज्‍यंक नाश जुइमा, छाय्‌धाःसा इपिं जिगु विरोधय् विद्रोही जूगु दु। इमित मू पुलाः त्‍वःतकेगु जिगु इच्‍छा दु, अय्‌नं इमिसं जिगु विरोधय् मखुगु खँ ल्‍हाइ।

जकरिया 4:6

उकिं वं जितः धाल, “थ्‍व यरूबाबेलया निंतिं परमप्रभुया वचन खः, ‘शक्तिं मखु, बलं नं मखु, तर जिगु आत्‍मापाखें’ धकाः दक्‍व शक्ति दुम्‍ह परमप्रभुं धयादी।

गन्‍ती 32:14

“हे पापीतय् सन्‍तान! आः हाकनं छिपिं परमप्रभुयात इस्राएलीतलिसे अझ यक्‍व तं चाय्‌केत छिमि बौपिनि थासय् दंवयाच्‍वंगु दु।

रोमी 2:5

छिमिसं थःगु छाःगु नुगः व पश्‍चात्ताप मयाःगु नुगलं यानाः परमेश्‍वरया धार्मिक न्‍याय खने दइगु उगु तंया दिंया निंतिं थःगु निंतिं तं मुंका च्‍वंगु दु।

व्‍यवस्‍था 29:19

थ्‍व बाचाया वचन व सुवाः न्‍यंपिं मनूतय् दथुइ “जि जिद्दी जुयाः थःगु हे लँपुइ वनाच्‍वंसां नं बचय् जुयाच्‍वनी” धकाः बिचाः याइम्‍ह सुं मनू मदयेमाः। थज्‍याःगु बिचारं लखं लाःगु जमिनय् व गंगु जमिनय् विपत्ति हइ।

व्‍यवस्‍था 9:24

जिं छिमित म्‍हस्‍यूबलय्‌निसें हे न्‍ह्याबलें छिमिसं परमप्रभुया विरोध याःगु दु।

व्‍यवस्‍था 9:7

मरुभूमिइ छिमिसं गथे यानाः परमप्रभु छिमि परमेश्‍वरयात तं चाय्‌कागु खः, व खँ लुमंकि, अले गुबलें ल्‍वःमंके मते। छिपिं मिश्र त्‍वःता वःगु दिंनिसें थन थ्‍यंकः वःगु दिं तक छिमिसं परमप्रभुयागु विरोध याना हे च्‍वंगु दु।

२ तिमोथी 3:13

मभिंपिं व थगाहा मनूतय्‌सं कर्पिन्‍त थगय् यायां थःत हे थगय् याका च्‍वनेमाली। अले थुपिं झन झन स्‍यनावनी।

यहोशू 9:14

इस्राएली मिजंतय्‌सं परमप्रभुयाके मन्‍यंसे इमिगु नयेगु नसां छुं कयाः गथे च्‍वं स्‍वल।