यशैया 3:8 - नेवाः बाइबल

⁸ धात्‍थें, यरूशलेम छ्यालब्‍याल जुइ, अले यहूदा तनावनी, इमिसं ल्‍हाना जूगु खँ व याना जूगु ज्‍या परमप्रभुया विरोधय् जुइ। इमिसं परमप्रभुया महिमायात हेला याइ।

यशैया 3:8 ပူးပေါင်းရင်းမြစ်များ

२ इतिहास 28:18

पलिश्‍तीतय्‌सं नं डाँडाया शहरत व यहूदाया नेगेवया शहरत लुतय् यात। इमिसं बेथशेमेश, अय्‌यालोन व गदेरोत अले सोखो, तिम्‍ना व गिम्‍जोयात उमिगु वस्‍तितनापं त्‍याका काल।

२ इतिहास 33:11

उकिं इमित हमला यायेत परमप्रभुं अश्‍शूरया जुजुया सेनापतित हयादिल। इमिसं मनश्‍शेयात ज्‍वन, वयागु न्‍हासय् हुक तयाबिल। इमिसं वयात कँय्‌यागु सिखलं चिनाः बेबिलोनय् यंकल।

हितोपदेश 26:27

सुनां गाः म्‍हुइ, व थः हे गालय् कुतुं वनी। सुनां ल्‍वहं ग्‍वारातुइकी, लिखतं वयाः वयात हे लाःवइ।

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 49:19

“अय्, यरूशलेम, छ पतन व नाश जूसां अले छिमिगु देश झिजांमिजां यानाब्‍यूसां आवंलि मनूत च्‍वनेत छ तसकं चीकू जुइ। अले छन्‍त नुनाछ्वइपिं धाःसा छपाखें यक्‍व तापाक्‍क वनी।

यशैया 57:4

छं सुयात गिजय् यानाच्‍वनागु? छिमिसं सुयागु विरोधय् खँ ल्‍हानाः मे पिकयाच्‍वनागु? छु छिपिं हे विद्रोही मनूत थें ज्‍या याइपिं अले मखुगु खँ ल्‍हाइपिं थें ज्‍या याइपिं, मखु ला?

यशैया 59:3

छाय्‌धाःसा छिमिगु ल्‍हाः हिं त्‍वपूगु दु व छिमिगु पतिंचाय् दोष कीगु दु अले छिमिगु म्‍हुतुं मखुगु खँ ल्‍हाःगु दु अले छिमिगु मेचां मभिंगु खँ ल्‍हाःगु दु।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यशैया 9:17

उकिं इमि ल्‍याय्‌म्‍हपिं मनूत खनाः परमप्रभु लय्‌तायामदी, न वय्‌कलं इमि मां बौ मदुपिं व भाःत मदुपिन्‍त माया यानादी। छाय्‌धाःसा फुक्‍क मनूत परमेश्‍वरयात मानय् मयाइपिं व दुष्‍ट खः। सकसिगु म्‍हुतुं मभिंगु खँ पिहां वइ। अज्‍ज नं वय्‌कःया तं क्‍वलाःगु मदुनि, अले वय्‌कःया ल्‍हाः ल्‍ह्वनातःगु हे दनि।

यर्मिया 23:36

तर ‘परमप्रभुया अगमवाणी धकाः’ छिमिसं गुबलें अगमवाणी पिकाये मज्‍यू थुकिं यानाः छम्‍ह छम्‍ह मनूयागु थःगु अगमवाणी हे वयागु लागिं बोझ जुइ। थुकथं छिमिसं म्‍वाःम्‍ह परमेश्‍वर, दक्‍व शक्ति दुम्‍ह परमप्रभु झी परमेश्‍वरया अगमवाणीयात स्‍यंकाबी।

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 26:6

जिं थ्‍व देगःयात शीलोयात थें नाश यानाबी, अले पृथ्‍वीयागु फुक्‍क जातितय्‌सं थ्‍व शहरया नां कयाः सराः बी।’”

यर्मिया 4:13

स्‍व, व सुपाँय् थें हथासं वयाच्‍वंगु दु। वयागु रथ ग्‍वःफय् थें व वयागु सल इमा स्‍वयाः तसकं ब्‍वाँय् वनी। आः गथे याये! जिपिं नाश जुइ धुंकल।

यर्मिया 44:3

थ्‍व इमिसं मभिंगु ज्‍या याःगुलिं जूगु खः। इमिसं छिमिसं म्‍हमस्‍यूपिं व छिमि पुर्खातय्‌सं म्‍हमस्‍यूपिं मेपिं द्यःत पुजा यानाः जितः तंचाय्‌कल।

विलाप 1:9

वयागु अशुद्धता वयागु वसतय् दु। वं थःगु लिपाजुइगुया वास्‍ता हे मयाः। व तसकं हे बांमलाक क्‍वःदल, वयात हःपाः बीपिं सुं हे मदु। “हे परमप्रभु, जिगु दुःखकष्‍टयात स्‍वयादिसँ, छाय्‌धाःसा शत्रु त्‍याःगु दु।”

इजकिएल 8:12

वय्‌कलं जितः धयादिल, “अय् सीमानिम्‍ह मनू, इस्राएलया घरानायापिं सकलें धर्म गुरुतय्‌सं खिउँगुलिइ थथःगु मूर्तिया पुजा क्‍वथाय् छु यानाच्‍वंगु दु छं खन ला? इमिसं धाइगु, ‘परमप्रभुं जिमित मखं, परमप्रभुं झीगु देशयात त्‍वःतादीगु दु।’”

इजकिएल 9:9

वय्‌कलं जितः धयादिल, “इस्राएल व यहूदाया घरानाया पाप तसकं तःधं। देश मनू स्‍यायेगु ज्‍यां जाःगु दु अले शहर अन्‍यायनं जाःगु दु। इमिसं धाइगु, ‘परमप्रभुं देशयात त्‍वःतादीगु दु, परमप्रभुं मखं।’

होशे 5:5

इस्राएलया तःधंसुं वयागु हे विरोधय् साक्षी बी। इस्राएल व एफ्राइम नं थथःगु पापय् लुफिं हाइ। यहूदा नं इपिंनापं लुफिं हाइ।

होशे 7:16

इपिं दकलय् तःधंम्‍हय्‌सिथाय् लिहां वइ मखु, इपिं त्‍वधूगु धनुष थें खः। इमि न्‍हेलुवाःतय्‌त इमिगु घमण्‍डया वचनं यानाः तरवारं स्‍याइ। थुकिया निंतिं मिश्र देशय् इमित गिजय् याइ।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।

मीका 6:12

थनयापिं तःमिपिं मनूत ल्‍वापुख्‍यापुं जाःगु दु। थनच्‍वंपिं सकसिनं मखुगु खँ ल्‍हानाच्‍वंगु दु। इमिगु म्‍हुतुं छलया खँ ल्‍हानाच्‍वनी।

हबकूक 1:13

तसकं मभिंगु खँ स्‍वयेत छिगु मिखा शुद्ध जु, अले छिं मखुगु ज्‍या स्‍वयादी मफु, अय्‌नं आः ध्‍वं ल्‍हाइपिं मनूतय्‌त छिं छाय् स्‍वयाच्‍वनादियागु? थः स्‍वयाः धर्मी मनूतय्‌त दुष्‍टतय्‌सं नूना छ्वःसां छाय् छि सुम्‍क च्‍वनादियागु?

१ कोरिन्‍थी 10:22

थज्‍याःगु ज्‍याखँ यानाच्‍वन धाःसा झीपिं खनाः प्रभु लय्‌तायादी मखु। छु झीपिं प्रभु स्‍वयाः बल्‍ला ला?

यहूदा 1:15

अले थज्‍याःपिं फुक्‍क मनूतय्‌त न्‍याय यानादी। परमेश्‍वरयात मानय् मयाइपिन्‍त, अले वय्‌कःयात मभिंकाः पापी ज्‍या जक यानाच्‍वंपिं फुक्‍कसितं दोषी ठहरय् यानाः सजाँय बियादी।