यशैया 3:26 - नेवाः बाइबल

²⁶ सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 3:26 ပူးပေါင်းရင်းမြစ်များ

अय्‍यूब 2:13

इपिं न्‍हय्‌न्‍हु तक चान्‍हि बँय् वनापं हे फ्‍यतुनाच्‍वन। अय्‍यूबयात सुनानं छसः नं मधाः, छाय्‌धाःसा इमिसं अय्‍यूबं गुलि दुःख स्‍यूगु खः व खन।

अय्‍यूब 2:8

चासुवय्‌त छकू चायागु तज्‍याःगु थलया कुचा कयाः अय्‍यूब नउलय् च्‍वन।

यशैया 14:31

हे शहरया मू ध्‍वाखात तःसलं ख्‍व! छिपिं सकलें पलिश्‍तीतय्‌सं भय का! उत्तरपाखें कुँया सुपाँय् वयाच्‍वंगु दु, वया सिपाइँतय् झ्‍वलय् छम्‍ह नं ग्‍याइ मखु।

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

यशैया 47:1

“अय् बेबिलोनया कुमारी म्‍ह्याय्, छ क्‍वय् क्‍वहां हुँ, धुलय् फेतु! अय् बेबिलोनीतय् म्‍ह्याय्, सिंहासन त्‍वःताः बँय् फेतु! आवंलि छन्‍त क्‍वमिलु व नाइसे च्‍वम्‍ह धाइ मखु।

यशैया 6:11

अले जिं न्‍यना, “हे परमप्रभु गुबलय् तक थथे जुयाच्‍वनी?” वय्‌कलं लिसः बियादिल, “शहरत नाश जुया व खालि मजुतले, बुँत फुक्‍क नाश जुयाः छेँत फुक्‍क दुना वनाः झिजांमिजां मदंतले,

यर्मिया 14:2

“यहूदा ख्‍वइ, वया शहरत कमजोर जूगु दु। इमिसं देशया निंतिं नुगः मछिंकी, यरूशलेमया ख्‍वःसः आकाश तक थ्‍यंगु दु।

यर्मिया 15:8

जिं इमि भाःत मदुपिं मिसातय्‌गु ल्‍याः समुद्रया फिया ल्‍याः स्‍वयाः अप्‍वः दय्‌काबी। जिं इमिगु विरोधय्, ल्‍याय्‌म्‍हपिनि मांया विरोधय् न्‍हिनय् नाश याइम्‍ह ब्‍वनाहये। जिं इमित आकांझाकां संकटय् लाकाबी अले इपांथिपां कंकाबी।

विलाप 1:1

न्‍हापा ग्‍वाः ग्‍वाः मनूत दुगु यरूशलेम, आः गुलि झिजांमिजां दंगु दु! आः व भाःत सी धुंकूम्‍ह थें जूगु दु। छगू इलय् व जाति जातितय्‌गु दथुइ तःधंगु, प्रान्‍त प्रान्‍तय् राजकुमारी थें खः, तर आः व दासी जूगु दु।

विलाप 1:4

सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

विलाप 2:10

म्‍ह्याय् सियोनया थकालिपिं बँय् फेतुनाः छुं हे मधासे च्‍वनाच्‍वनी, इमिसं थथःगु छेनय् धू तःगु दु अले भाग्रां फिनाच्‍वंगु दु। यरूशलेमया ल्‍यासेपिन्‍सं थथःगु छ्यं बँय् तक हे क्‍वछुका तःगु दु।

विलाप 2:8

परमप्रभुं म्‍ह्याय् सियोनयागु पःखाःयात नाश यायेगु क्‍वछिनादिल। वय्‌कलं नापे याइगु खिपतं व नापय् यानादिल। वयात नाश यायेगुपाखें वय्‌कलं थःगु ल्‍हाः पनामदी। वय्‌कलं धरहरा व पःखाः निगुलिंयात ख्‍वय्‌कादिल, उपिं निगुलिं छकलं दुन।

इजकिएल 12:20

मनूत च्‍वनाच्‍वंगु शहरत सुनसान जुइ, अले देश नाश जुइ। अले इमिसं जि हे परमप्रभु खः धकाः सी।’”

इजकिएल 26:16

अबलय् समुद्रया सिथय् दुगु देशयापिं फुक्‍कं शासकतय्‌सं थथःगु सिंहासनं क्‍वहां वयाः थथःगु वसः त्‍वइ, बुत्ता भरय् यानातःगु वसः त्‍वइ। ग्‍यानाः इपिं थुरथुर खाइ। इपिं बँय् च्‍वनाः थरथर खायाच्‍वनी, अले छ खनाः वातां जुइ।

मीका 1:9

सामरियायागु घाः लनी मखु। व यहूदाय् नं वःगु दु, यरूशलेमया ध्‍वाखा तक नं थ्‍यंगु दु।

मत्ती 11:17

“‘जिमिसं बाँसुरी पुयाः नं छिपिं प्‍याखं मल्‍हू, जिमिसं सी बाजं थानाः नं छिपिं मख्‍वः।’

लूका 19:44

अले मस्‍तनापं छिमित व छिमिगु शहरयात भज्‍यंक नाश यानाबी। छगः ल्‍वहंया द्यःने मेगु ल्‍वहं नं ल्‍यंका तइ मखु, छाय्‌धाःसा परमेश्‍वरं छिमित बचय् याः वःगु ईयात छिमिसं सीके मफुत।”