यशैया 3:24 - नेवाः बाइबल

²⁴ नस्‍वाःगु अत्तरया पलेसा ध्‍वग्‍गीगु नवःगु जुइ, बांलाःगु जँनीया पलेसा खिपः जुइ, बांलाःक सँप्‍वः थुनातःगु सँया पलेसा सुचुक्‍क खाना तःगु सँ जुइ, बांलाःगु वसःया पलेसा बोराया वसः फीगु जुइ। इमिगु बांलाःसू लज्‍याय् हिलावनी।

यशैया 3:24 ပူးပေါင်းရင်းမြစ်များ

एस्‍तर 2:12

मिसायात महाराज अहासूरसया न्‍ह्यःने यंके न्‍ह्यः वयात दच्‍छि थीथी कथं समाः यायेगु याइ, खुला तक मूर्रया चिकं व खुला तक चिकं व अत्तरया चिकं नं थाकेगु याइ। अले तिनि छम्‍ह छम्‍ह यानाः पालंपाः जुजुयाथाय् यंकीगु खः।

अय्‍यूब 16:15

जिगु म्‍ह त्‍वपुयेत जिं भांग्रा सुया, जिगु थःगु कपाः धुलय् थुना।

हितोपदेश 31:24

वं कापः थानाः बन्‍जाःतय्‌थाय् मीयंकी।

हितोपदेश 7:17

जिं थःगु लासायात मूर्र, कुनुस्‍वां व दालाचिनि ह्वलाः नस्‍वाः वय्‌कातयागु दु।

यशैया 15:2

दीबोन ख्‍वयेत देगलय् अले अन च्‍वंगु पुजा यायेगु थासय् थाहां वन। नेबो व मेदबाया निंतिं मोआब ह्वाँय्‌ह्वाँय् ख्‍वल। फुक्‍क सँ खाःगु दु, अले फुक्‍क दाह्री खाःगु दु।

यशैया 15:3

इपिं भांग्रा फिनाः लँय् लँय् च्‍वनी। इपिं छेँया कःसि व चुकय् ख्‍वख्‍वं दुखं च्‍वनी।

यशैया 22:12

व दिंखुन्‍हु प्रभु, दक्‍व शक्ति दुम्‍ह परमप्रभुं छिमित ख्‍वयेत व विलाप यायेत, छेनय् सँ खायेत व भांग्रा फीत सःतादिल।

यशैया 3:23

न्‍हाय्‌कं, थानातःगु वसः, छेनय् तीगु तिसा, गाःत लाकायंकादी।

यशैया 4:4

परमप्रभुं निसाफया आत्‍मा व मिया आत्‍मापाखें सियोनया मिसातय्‌गु फोहर सिलादी धुंकाः अले यरूशलेमया हिया दाग शुद्ध यानादी धुंकाः थथे जुइ।

यशैया 57:9

छिमिसं मोलोख द्यःयाथाय् छायेत जैतूनया चिकं ज्‍वनाः तसकं नस्‍वाः वय्‌कः यक्‍व चिकं थम्‍हं बुलावन। छिमिसं दूततय्‌त तातापाक्‍क छ्वल, अज्‍ज मृतलोक तक हे छ्वल।

यर्मिया 4:8

अथे जुयाः भांग्राया वसः फ्‍यु। ह्वाँय्‌ह्वाँय् ख्‍व, छाय्‌धाःसा परमप्रभु आः तक नं झीपिं खनाः तंचायाच्‍वनादीगु दु।

यर्मिया 48:37

इपिं सकसिनं सँ खाःगु दु, दारी खाःगु दु। सकसिगु ल्‍हाः चिरिबाःगु दु। सकसिनं भांग्रां जँ त्‍वपूगु दु।

यर्मिया 49:3

“हे हेश्‍बोन, ख्‍व! छाय्‌धाःसा ऐ शहर नाश जुल। हे रब्‍बायापिं मनूत, चिल्‍लाय् दनाः ख्‍व! भांग्रा हिनाः दुखं च्‍वँ अले ख्‍वख्‍वं पःखाःया दुने थुखे उखे ब्‍वाँय् हुँ! छाय्‌धाःसा छिमि द्यः मोलोखयात, वया पुजाहारीत व हाकिमतनापं मेगु देशय् यंकी।

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

विलाप 2:10

म्‍ह्याय् सियोनया थकालिपिं बँय् फेतुनाः छुं हे मधासे च्‍वनाच्‍वनी, इमिसं थथःगु छेनय् धू तःगु दु अले भाग्रां फिनाच्‍वंगु दु। यरूशलेमया ल्‍यासेपिन्‍सं थथःगु छ्यं बँय् तक हे क्‍वछुका तःगु दु।

इजकिएल 27:31

छं यानाः इमिसं थःगु सँ खाइ, अले इमिसं भांग्रा फी, अले छंगु निंतिं मनय् पीर कयाः इपिं ह्वाँय्‌ह्वाँय् ख्‍वइ।

इजकिएल 7:18

इमिसं भांग्रा हिनी अले इमित आतंकं त्‍वपुइ। इमिगु ख्‍वाः लज्‍यां त्‍वपूगु जुइ अले इपिं सकसिगु सँ खाइगु जुइ।

योएल 1:8

थः ल्‍यासे जूबलय्‌याम्‍ह भाःतया निंतिं भांग्रा फिनाः ख्‍वइम्‍ह ब्‍याहा जुइत्‍यंम्‍ह मिसा थें ह्वाँय्‌ह्वाँय् ख्‍व।

लेवी 26:16

जिं नं छिमिथाय् आकाझाकां भय छ्वयाहये, अले म्‍ह सुकुगना वनीगु, मिखायात स्‍यंकीगु, ग्‍यानपुसे च्‍वंगु ल्‍वय् छ्वयाहये। छिमिसं ह्वलातःगु पुसा अथें सितिं वनी छाय्‌धाःसा छिमि शत्रुतय्‌सं बाली नयाबी।

आमोस 8:10

जिं छिमिगु नखःचखःयात दुखं च्‍वनीगु दिनय् व छिमिगु दक्‍व म्‍येयात ख्‍वःसलय् हिलाबी। जिं छिपिं सकसितं भांग्रा फीकेबी अले सँ खाकेबी। याकः काय्‌या निंतिं दुखं च्‍वंथें व ईयात यानाबी। व दिं तसकं म्‍हाइपूगु दिं जुइ।

मीका 1:16

थःयःपिं मस्‍तय्‌गु लागि दुखं च्‍वनाः थःगु छेनय् च्‍वंगु सँ खा। थःत गिद्ध थें पाचु छ्यं दय्‌की। छाय्‌धाःसा छिमि मस्‍तय्‌त ज्‍वनाः छिमिगुपाखें तापाक यंकी

व्‍यवस्‍था 28:22

परमप्रभुं छिमित सुकूगनावनीगु ल्‍वचं काय्‌कादी अले छिपिं ज्‍वर व मनावइगु ल्‍वचं दने फइ मखु। छिमिगु अन्‍न बाली नाश यानाछ्वयेत वय्‌कलं वा मवइगु ई व तसकं क्‍वाःगु फय् छ्वयाहयादी। वय्‌कलं क्‍वःगु व फ्‍वसा वःगुलिं कय्‌कादी, अले म्‍वातले छिमिके थुपिं आपत विपत वया हे च्‍वनी।

व्‍यवस्‍था 32:24

इपिं नये मखनाः सिनावनी, ग्‍यानापुगु ल्‍वचं कयाः सी। जिं इमिथाय् जंगली पशुतय् धंवा छ्वये, अले बिख दुपिं सर्पत छ्वये।

१ पत्रुस 3:3

छिमिसं पिने जक सँ छ्यनाः तिसां तियाः व वसतं बांलाका जुइ मते।

प्रकाश 11:3

अले जिं जिमि निम्‍ह साक्षी बीपिन्‍त भांग्रायागु वसतं पुंकाः द्वःछि व निसः व खुइन्‍हु तक अगमवाणी कनेगु शक्ति बी।”

प्रकाश 16:9

तसकं तांन्‍वयाः मनूतय्‌त पुत। थथे दुःखकष्‍ट छ्वयाहयेगु अधिकार दुम्‍ह परमेश्‍वरयागु नां कयाः इमिसं सराः बिल। अय्‌नं इमिसं पश्‍चाताप मयाः अले परमेश्‍वरयात नं तःमधंकू।

प्रकाश 18:9

व नाप व्‍यभिचार यानाः मोजमज्‍जा याना जूपिं संसारयापिं जुजुपिं वयात उनातःगु कुँ खनाः नुगः मछिंकाः ख्‍वइ।