यशैया 3:18 - नेवाः बाइबल

¹⁸ व दिं वयाच्‍वंगु दु, परमप्रभुं इमिगु फुक्‍क बांबांलाःगु तिसा व समा ज्‍वलंत लाका यंकेत्‍यंगु दु। गथेकि– तिसा, छ्यंबाला, गःपःया सिखः,

यशैया 3:18 ပူးပေါင်းရင်းမြစ်များ

यशैया 3:17

अथे जुयाः जि परमप्रभुं सियोनया मिसाया छेनय् घाःया घालं जाय्‌काबी अले इमिगु सँ सुचुक्‍क खानाबी।”

यशैया 3:19

न्‍हाय्‌पंचाः, ल्‍हातय् न्‍ह्यायेगु चुरा, ख्‍वाः त्‍वपुइगु कापः,

इजकिएल 23:26

इमिसं छंगु वसः खुनाः छंगु बांबांलाःगु तिसातासा लाकायंकी।

इजकिएल 23:40

इमिसं तातापापिं मनूतय्‌त दूतत छ्वयाः नं सःतल, इपिं वल। “अय् ओहोला व ओहोलिबा छिमिसं इमिगु निंतिं म्‍वःल्‍हुल, मिखाय् अजः तल, अले तिसा पुनाः थःत बांलाकल।

१ पत्रुस 3:3

छिमिसं पिने जक सँ छ्यनाः तिसां तियाः व वसतं बांलाका जुइ मते।

न्‍यायकर्ता 8:21

उकिं जेबह व सल्‍मुन्‍नां धाल, “छिं थः हे दनाः जिमित स्‍यानादिसँ, ‘मनू गथे च्‍वं वयागु बल नं अथे हे जुइ।’” उकिं गिदोनं इपिं निम्‍हय्‌सित स्‍यात अले वं इमि ऊँटया गःपतय् दुगु तिसा काल।

न्‍यायकर्ता 8:26

वयात ब्‍यूगु लुँयागु मार्वरितय्‌गु तौल निइगू किलोग्राम ति दुगु जुल। तर उकी मिद्यानी जुजुतय्‌सं पुनीगु तिसा, सिखः व बैजनी रंगयागु वसः अले उँटतय्‌गु गःपःयागु सिखःत मलाः।