यशैया 3:14 - नेवाः बाइबल

¹⁴ परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 3:14 ပူးပေါင်းရင်းမြစ်များ

अय्‍यूब 22:4

“छिगु भक्तिं यानाः वय्‌कलं छितः ब्‍वःबियादी ला? अले छिगु न्‍याय यानादी ला?

अय्‍यूब 24:14

ज्‍यानमारा धाःसा सुथय् खिउँ खिउँ धाबलय् दनाः गरीब व मगाःमचाःपिन्‍त स्‍याइ। चान्‍हय् धाःसा वं खुँनं थें लुटपाट याइ।

अय्‍यूब 24:9

दुष्‍टतय्‌सं मांम्‍हं बुया तःपिं बौ मदुपिं मस्‍तय्‌त लाकायंकी, अले गरीब मनूया दुरुत्‍वंम्‍ह मचायात इमिसं त्‍यासाया पलेसा यंकी।

अय्‍यूब 34:23

परमेश्‍वरया न्‍ह्यःने न्‍यायया निंतिं वयेत, मनूयात जाँचय् यानाच्‍वनेमाःगु मदु।

भजनसंग्रहया सफू 10:9

सिंह थें इपिं दुःखय् लाःपिन्‍त हय्‌कायेत सुलाच्‍वनी। अले इमिसं दुःखय् लाःपिन्‍त थःगु जालय् लाकाः लुत्तुलुयायनी।

भजनसंग्रहया सफू 14:4

थुपिं मभिंगु यानाजुइपिन्‍सं गुबलें हे सय्‌की मखु ला? इमिसं जिमि मनूतय्‌त मरि नये थें नयाच्‍वन। अले परमप्रभुया नां हे काइ मखु।

भजनसंग्रहया सफू 143:2

थः दासयात इन्‍साफय् हयादी मते, छिगु न्‍ह्यःने सुं नं धर्मी मदु।

हितोपदेश 30:14

छथ्‍वः मनूत चीमिपिं व हाःनाः मदुपिनिपाखें लबः कयाजुइपिं दु।

यशैया 10:1

धिक्‍कार इमित, सुनां मभिंगु व्‍यवस्‍था दय्‌की, सुनां मेपिन्‍त क्‍वत्‍यलिगु नियम दय्‌की,

यशैया 10:2

गरीबतय्‌गु अधिकार लाकाकायेत व क्‍वत्‍यलातःपिं जिमि प्रजातय्‌गु खःकथं न्‍याय मयायेत अले भाःत सी धुंकूपिं व मांबौ मदुपिनिगु सम्‍पत्ति लाकाकायेत इमिसं थथे याइगु खः।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 14:30

गरीब स्‍वयाः गरीबपिन्‍त ज्‍वयेत ख्‍यः दइ, मगाःमचाःपिं ढुक्‍क जुयाः आराम कायेखनी। तर जिं छिमि वंशयात नये मखंकाः नाश यानाबी। छिमि सुयातं नं उकिं म्‍वाका तइ मखु।

यशैया 26:6

आः क्‍वत्‍यका च्‍वंपिं इमिगु च्‍वंच्‍वं न्‍यासि वनी, अले दुःखकष्‍टय् लानाच्‍वंपिनिगु तुतिं इमित न्‍हुत्तुन्‍हुइ।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 30:12

अथे जुयाः इस्राएलया पवित्र परमेश्‍वरं धयादी, “छिमिसं जिगु बुखँयात हेला याःगु दु, अले अत्‍याचारय् व मखुगु खँय् भरोसा तइ।

यशैया 5:7

दक्‍व शक्ति दुम्‍ह परमप्रभुया दाखक्‍यब ला इस्राएल जाति खः, यहूदाया मनूत धाःसा वय्‌कःयात यःगु क्‍यब खः। स्‍व, वय्‌कलं न्‍यायया आशा यानादिल, अय्‌नं स्‍याये पालीगु जक जुल। वय्‌कलं धार्मिकताया आशा यानादिल, अय्‌नं दुःखया ख्‍वःगु सः ताये दत।

यशैया 58:4

छिपिं अपसं च्‍वंखुन्‍हु ल्‍वापु यायां हे क्‍वचाय्‌कीगु खः। अले छम्‍हय्‌सिनं मेम्‍हय्‌सित मभिंगुकथं दायेगु याइ। छिमिसं थ्‍व थें ज्‍याःगु अपसं च्‍वनाः छिमिगु सः स्‍वर्गय् थ्‍यनी धकाः आशा याये फइ मखु।

यर्मिया 12:10

यक्‍व फैजवाःतय्‌सं जिगु दाखया क्‍यबयात स्‍यंकाब्‍यूगु दु। इमिसं जिगु बुँयात न्‍हुत्तुन्‍हुगु दु, इमिसं जिगु न्‍ह्याइपुगु बुँयात मरुभूमि थें छुं नं मसइगु थाय् यानाब्‍यूगु दु।

यर्मिया 5:27

गथे पंजः शिकारीं झंगःतय्‌सं जाइ, अथे हे इमिगु छेँनं छलं जाःगु दु। उकिं इपिं तःमि व बल्‍लाःपिं जूगु दु।

इजकिएल 18:12

गरीब व मगाःमचाःपिन्‍त क्‍वत्‍यलीगु, खुइगु, बरः तयातःगु सामान लित मबीगु, मूर्तितपाखे स्‍वइगु व घच्‍चाइपुस्‍से च्‍वंगु ज्‍या याइगु।

इजकिएल 20:35

जिं छिमित जाति जातितय्‌गु मरुभूमिइ हये, अले अन जिं इमिगु न्‍ह्यःने हे छिमिगु न्‍याय याये।

इजकिएल 20:36

जिं मिश्र देशय् छिमि पुर्खातय्‌गु न्‍याय यानागु थें हे जिं छिमिगु न्‍याय याये। जि, परमप्रभु परमेश्‍वर न्‍ववानागु दु।

लेवी 25:14

“‘थः जःलाखःलालिसे बुँ न्‍यायेगु मीगु यायेबलय् छम्‍हं मेम्‍हय्‌सित क्‍वाये मते।

लेवी 25:17

छिमिसं छम्‍हं मेम्‍हय्‌सित क्‍वाये मते। परमप्रभुया ग्‍याःभय का। छाय्‌धाःसा जि परमप्रभु छिमि परमेश्‍वर खः।

आमोस 2:7

इमिसं चीमितय्‌गु छेनय् बँय् च्‍वंगु धू थें न्‍हूत्तुमतु न्‍हुइ, क्‍वत्‍यका च्‍वनेमाःपिन्‍त न्‍याय याइ मखु। अबु व काय् छम्‍ह हे मिसायाथाय् वनाः जिगु पवित्र नांयात क्‍वह्यंकी।

आमोस 4:1

अय् सामरिया डाँडाय् च्‍वनीपिं बाशानया ल्‍ह्वंपिं सात, छिपिं मिसात, गुपिन्‍सं चीमिपिन्‍त क्‍वत्‍यलाच्‍वन अले मगाःमचाःपिन्‍त दुःख बियाच्‍वन। अले थः भाःतयात धयाच्‍वन, “जिमित त्‍वनेत छुं हयाबियादिसँ।”

मीका 2:1

लासाय् ग्‍वारतुलाः मेपिन्‍त स्‍यंकेगु व मभिंगु ज्‍या यायेगु ग्‍वसाः ग्‍वइपिं मनूतय्‌त धिक्‍कार दु। सुथ जुइवं इमिसं व ज्‍या याइ, छाय्‌धाःसा इमिके अथे यायेगु शक्ति दु।

मीका 2:2

इमिसं मनूतय्‌गु छेँबुँ लोभ यानाः लाका काइ। इमिसं मनूतय्‌गु छेँ व सर्बय ठगय् यानाः काइ।

मीका 3:3

छिमिसं जि प्रजाया ला नइगु, इमिगु छेंगू तुलीगु अले इमिगु क्‍वँय्‌त थलय् दय्‌केत कुचा कुचा यानाः त्‍वथुलीगु। इमिगु ला थलय् दय्‌केत कुचा कुचा याइगु।”

मीका 6:10

हे दुष्‍ट घराना, छिमिसं बांमलाःगु अले अधर्मयागु ज्‍या यानाः कमय् यानातःगु सम्‍पत्ति व छंगु ध्‍वंलाइगु धःताल्‍जु घच्‍चाइपुसे मच्‍वं ला?

मत्ती 21:33

येशूं इमित धयादिल – “मेगु छगू उखान नं न्‍यनादिसँ – छम्‍ह तःसिं दु। वं थःगु क्‍यबय् दाख पित। अले प्‍यखें वालं चिनाबिल। वं अन दाख तिसीगु साः नं तयाबिल। अले क्‍यबय् स्‍वयेत छगू बल्‍चा नं दय्‌का थकल। क्‍यब म्‍हय्‌तय्‌त त्‍वःताः व मेगु देशय् वन।

याकूब 2:6

तर छिमिसं ला चीमिपिन्‍त हे हेला यानाच्‍वन। छिमित त्‍यला तःपिं सु? तःमिपिं हे मखु ला? छिमित अदालतय् यंकीपिं सु? तःमिपिं हे मखु ला?