यशैया 3:13 - नेवाः बाइबल

¹³ परमप्रभु न्‍याय यायेत थःगु थासय् च्‍वनादी, थः प्रजायात विरोधय् न्‍याय यायेत वय्‌कः दनादी।

यशैया 3:13 ပူးပေါင်းရင်းမြစ်များ

भजनसंग्रहया सफू 12:5

परमप्रभुं धयादी, “आः जि वये। छाय्‌धाःसा चीमिपिन्‍सं क्‍वत्‍यय्‌काः च्‍वनेमाःगु दु, दुःखय् लानाच्‍वंपिन्‍सं झसुकाः तयाच्‍वंगु दु। जिं इपिं फुक्‍कसित इमित दुःख बियाच्‍वंपिनिपाखें बचय् याये।”

भजनसंग्रहया सफू 74:22

हे परमेश्‍वर, दनादिसँ, थःगु खँयात कयाः नवानादिसँ छकः लुमंकादिसँ, मूर्खतय्‌सं छितः न्‍हिन्‍हिं हेस्‍यानाच्‍वंगु दु।

भजनसंग्रहया सफू 82:1

परमेश्‍वर स्‍वर्गया सभाया नायः जुयादी, द्यःतय् दथुइ वय्‌कलं फैसला यानादी।

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

यशैया 51:22

छिमि परमप्रभु, छिमि परमेश्‍वर, गुम्‍हय्‌सिनं थः प्रजायात रक्षा यानादिल, वय्‌कलं थथे धयादी, “स्‍व, जिं छंगु ल्‍हातं व धेधेचुइकीगु ख्‍वला कयागु दु, व तंया ख्‍वला खः! व छं हाकनं गुबलें त्‍वनी मखु।

यशैया 66:16

मि व तरवारपाखें परमप्रभुं फुक्‍क मनूतय्‌गु न्‍याय यानादी, अले परमप्रभुपाखें सीपिं यक्‍व हे दइ।

योएल 3:12

“जातित सुरय् जुयाः यहोशापातया बेँसीइ वयेमा, छाय्‌धाःसा जिं अन हे प्‍यखेरं च्‍वंपिं जातितय्‌गु न्‍याय यायेत फेतुये।

मीका 6:1

परमप्रभुं धयादीगु खँ ध्‍यान बियाः न्‍यँ– “दँ, पर्वतय् न्‍ह्यःने छिमिसं थःगु उजुर न्‍ह्यःने तयाब्‍यु, छिमिसं छु धाइ डाँडातय्‌सं न्‍यनेमा।

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।