यशैया 3:11 - नेवाः बाइबल

¹¹ धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 3:11 ပူးပေါင်းရင်းမြစ်များ

उत्‍पत्ति 18:25

छिं मभिंपिं मनूतलिसें भिंपिं मनूतय्‌त नं स्‍यानादी मखु। थथे जुल धाःसा ला भिंपिन्‍सं नं मभिंपिन्‍सं थें हे सजाँय फये मालिगु जुल। संसारया न्‍याय याइम्‍हय्‌सिनं खःकथं न्‍याय यानामदी ला?”

२ शमूएल 3:39

जि अभिषेक जूम्‍ह जुजु जूसां सरूयाहया थुपिं दयामदुपिं काय्‌पिनि न्‍ह्यःने जि बमलाःम्‍ह व शक्ति मदुम्‍ह जूगु दु। इपिं जिगु निंतिं तसकं हे बल्‍लाःपिं खः। परमप्रभुं मभिंगु ज्‍या याइपिन्‍त उकिया पाय्‌छिगु लिच्‍वः बियादीमा।”

१ राजा 21:21

अथे जुयाः परमप्रभुं छितः धयादीगु दु, ‘जिं छंके विपत्ति हयेत्‍यनागु दु। जिं छिमि सन्‍तानतय्‌त भस्‍म यानाबी। दास थजुइमा वा स्‍वतन्‍त्र थजुइमा, इस्राएलया आहाबया परिवारयापिं फुक्‍क मिजंतय्‌त स्‍यानाबी।

२ इतिहास 6:23

छिं स्‍वर्गं न्‍यनाः वकथं हे यानादिसँ। थः दासतय्‌गु दथुइ न्‍याय यानादिसँ। द्वं याःम्‍ह मनूयात पाय्‌छिगु सजाँय बियादिसँ। द्वंमयाःम्‍हय्‌सित त्‍वःतकादिसँ।

अय्‍यूब 10:15

जि धात्‍थें हे दोषी खःसा जितः धिक्‍कार! जि धर्मीम्‍ह खःसां जिं थःगु छ्यं धस्‍वाके मफु, छाय्‌धाःसा जि लज्‍यां जाःगु दु अले जिगु सास्‍तीइ दुंगु दु।

भजनसंग्रहया सफू 28:4

इमिगु ज्‍या व इमिसं याःगु मभिंगु ज्‍याकथं इमित सजाँय बियादिसँ, इमिगु ल्‍हातं याःगु ज्‍याकथं इमित पलेसा बियादिसँ, अले इमित बीमाःगु सजाँय बियादिसँ।

भजनसंग्रहया सफू 62:12

सदां दयाच्‍वनीगु माया नं जिगु हे खः।” हे परमप्रभु छिं मनूतय्‌गु ज्‍या स्‍वयाः सिरपाः बियादी।

हितोपदेश 1:31

छिमिसं छु यात, उकथं हे छिमित दइ। अले छिमिगु ज्‍यां छिमित हे दुःख जुइ।

हितोपदेश 11:31

पृथ्‍वीइ धर्मीतय्‌गु ला न्‍याय जुइ धाःसा दुष्‍ट व पापी मनूतय्‌त गुलि न्‍याय जुइगु जुइ।

हितोपदेश 12:14

झीत झीगु ज्‍या व खँ कथंया हे सजाँय व सिरपाः दइ।

हितोपदेश 26:27

सुनां गाः म्‍हुइ, व थः हे गालय् कुतुं वनी। सुनां ल्‍वहं ग्‍वारातुइकी, लिखतं वयाः वयात हे लाःवइ।

उपदेशक 8:13

तर मभिंपिन्‍सं परमेश्‍वरया भय मकाःगुलिं इमिगु भिं जुइ मखु अले इमिगु दिंत किचथें ताहाकः जुइ मखु।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 48:22

तर परमप्रभुं धयादिल, “दुष्‍टतय्‌त शान्‍ति दइ मखु।”

यशैया 65:20

“छुं दिं तक म्‍वानाच्‍वंम्‍ह ह्याउँ मचा वा थःगु पूरा दँ म्‍वायेमखंम्‍ह बुराम्‍ह मनू अन गुबलें दइ मखु। सछि दँ तक म्‍वानाः सीम्‍हय्‌सित ल्‍याय्‌म्‍ह ताय्‌की। अले सछि दँ तक मम्‍वाःम्‍हय्‌सित सराः लाःम्‍ह ताय्‌की।

यशैया 65:6

“स्‍व, जिगु न्‍ह्यःने च्‍वयातःगु दु, जि सुम्‍क च्‍वने मखु, तर जिं इमित पूरा बदला काये, धात्‍थें हे जिं पूरा बदला काये।

यशैया 65:7

जिं छिमिगु व छिमि पुर्खातय्‌गु पापया बदला काये” परमप्रभुं धयादी। “छाय्‌धाःसा इमिसं पर्वतय् बलि छ्वय्‌कल, अले डाँडाय् जितः हेपय् यात। जिं इमिगु न्‍हापाया ज्‍याया पलेसा इमित पूरा बदला काये।”

यर्मिया 21:14

जि, परमप्रभुं धाये, जिं छिमिगु ज्‍या स्‍वयाः छिमित सजाँय बी, जिं छिमिगु गुँइ मि तयाबी, उकिं छिमिगु प्‍यखें दुगु फुक्‍क भस्‍म याइ।’”

यर्मिया 31:30

“उकिया पलेसा, सुनां खायुगु अंगुर नइ, वयागु हे वा तुनी, छम्‍ह छम्‍ह मनूत थःगु पापं यानाः थः हे सी।”

इजकिएल 16:59

“‘परमप्रभु परमेश्‍वरं थथे धयादी – छं व्‍यवहार याःथें जिं छलिसें व्‍यवहार याये, छाय्‌धाःसा छं जिलिसें पाफःगुयात हेला याःगु दु अले झीसं चिनागु बाचायात त्‍वाःथूगु दु।

इजकिएल 18:20

सुनां पापयात, व हे सी। काय्‌नं थः अबुया दोषया फल भोगय् याइ मखु, न अबुं काय्‌म्‍हय्‌सिगु पाप भोगय् याइ। धर्मीयात थःगु धार्मिकताया फल व दुष्‍टयात थःगु मभिंगु ज्‍याया फल दइ।

इजकिएल 2:10

वय्‌कलं उकियात जिगु न्‍ह्यःने फ्‍यनादिल। उकियागु न्‍ह्यःने व ल्‍युने निखेंपाखे शोक, बिलाप व विपत्तिया खँ च्‍वयातःगु दु।

इजकिएल 24:14

“‘जि परमप्रभुं हे थ्‍व खँ धयागु खः। जिं ज्‍या यायेगु ई वःगु दु। जि लिचिले मखु। जिं छन्‍त त्‍वःते। जिं छन्‍त दया याये मखु, जिं थःम्‍हं धया थें या हे याये। छंगु चाला व छंगु ज्‍या स्‍वयाः जिं छंगु न्‍याय याये, परमप्रभु परमेश्‍वरं धयादी।’”

इजकिएल 33:8

जिं छम्‍ह मभिंम्‍ह मनूयात ‘हे मभिंम्‍ह मनू, छ धात्‍थें हे सी’ धकाः धायेबलय् तर वयागु ज्‍यान बचय् यायेत छं ख्‍याच्‍वः मबिल, वा वयागु मभिंगु पहःचहःया लागि वयागु विरोधय् सल्‍लाह मबिल धाःसा व मनू पापया कारणं सी, अले वयागु हियागु ल्‍याःचाः जिं छंके काये।

मीका 3:4

उबलय् नायःतय्‌सं परमप्रभुयाके ग्‍वाहालि फ्‍वनी। तर वय्‌कलं इमित लिसः बियादी मखु। इमिसं बांमलाःगु ज्‍या याःगुलिं उबलय् वय्‌कलं थःगु ख्‍वाः इपिंपाखें फस्‍वय्‌कादी।

मीका 7:13

तर इमिगु ज्‍यायागु कारणं व अनयापिं मनूतय्‌गु कारणं पृथ्‍वी सुनसान हे जुयावनी।

गन्‍ती 32:23

“छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

२ कोरिन्‍थी 5:10

न्‍याय यानादी खुन्‍हु झीपिं सकलें ख्रीष्‍टया न्‍ह्यःने दंवने मानि। अबलय् थन संसारय् च्‍वनाः भिंगु यानावंपिन्‍त भिंक हे, अले मभिंगु यानावंपिन्‍त मभिंक हे न्‍याय यानादी।

याकूब 2:13

छाय्‌धाःसा परमेश्‍वरं न्‍याय यानादीबलय् दया माया मदुम्‍ह मनूयात दया माया यानादी मखु। दया माया दुपिं मनूतय्‌त दया माया हे क्‍यनादी।

न्‍यायकर्ता 9:57

अले शकेमयापिं मनूतय्‌सं याःगु फुक्‍क मभिंगु ज्‍या नं परमेश्‍वरं इमिगु हे छेनय् लितः छ्वयादिल। यरूब-बालया काय् योतामयागु सराः इमित हे लात।