यशैया 28:4 - नेवाः बाइबल

⁴ सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं लगय् जूपिनिगु छगू यक्‍व सइगु ब्‍यासिया च्‍वय् पाखे लाः। थ्‍व बसन्‍त ऋतुइ नेभाराया न्‍हापां सइगु फल थें मदयावनी, गुगु फल पाकय् जुइवं मनूतय्‌सं खानाः नइ।

यशैया 28:4 ပူးပေါင်းရင်းမြစ်များ

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

यशैया 8:4

मचां ‘जिमि अबु’ व ‘जिमि मां’ धाये सय्‌के न्‍ह्यः हे दमस्‍कसया फुक्‍क धन व सामरियाय् लुतय् यानाहःगु सामान अश्‍शूरया जुजुं यंकी।”

होशे 13:1

एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

होशे 6:4

“अय् एफ्राइम, जिं छन्‍त छु यायेगु? अय् यहूदा, जिं छन्‍त छु यायेगु? छंगु दयामाया सुथया खसु थें व याकनं मदयावनीगु सुतिलः थें च्‍वं।

होशे 9:16

एफ्राइमया मनूत हानापं गनावंगु व फल सइ मखुगु सिमा थें जूगु दु। इमिसं काय्‌म्‍ह्याय् बुइकुसां इमि यःपिं मस्‍तय्‌त जिं स्‍यानाबी।”

मीका 7:1

जितः गज्‍याःगु कष्‍ट वःगु दु! जिं थःत फल खायेगु सिधय् धुंकाः फल खायेत वनीम्‍ह मनू थें तायेका, गुम्‍हय्‌सिनं नयेगु निंतिं छुं नं लुइके मफु। थःगु नयेपित्‍यागु लंकेत दाखया झुप्‍पा वा न्‍हापांयागु छगः यःमरि नं लुइके मफु।

नहूम 3:12

छंगु दक्‍व किल्‍लात न्‍हापा सःगु फल यःमरिया सिमात थें च्‍वं। व संकीबलय् यःमरिया फल नइपिनिगु म्‍हुतिइ हे कुतुंवइ।

प्रकाश 6:13

ग्‍वःफसं पाकय् मजूनिगु यःमरि कुतुं वंकु थें आकाशय् च्‍वंगु नगु नं पृथ्‍वीइ कुतुंवल।