यशैया 27:7 - नेवाः बाइबल

⁷ छु शत्रुतय्‌त कय्‌कू थें वय्‌कलं इस्राएलयात कय्‌कूगु, मदु ला? छु वं इमि शत्रुतय्‌त स्‍याः थें इमित स्‍यागु, मदु ला?

यशैया 27:7 ပူးပေါင်းရင်းမြစ်များ

यशैया 10:12

परमप्रभुं सियोन पर्वत व यरूशलेमया विरोधय् थःगु फुक्‍क ज्‍या यानादी धुंकाः वय्‌कलं धयादी, “जिं अश्‍शूरया जुजुया नुगःया तःधंसू व घमण्‍डी मिखाया निंतिं सजाँय बी।

यशैया 10:17

इस्राएलया जः, पवित्र परमेश्‍वरया तच्‍वकं च्‍याःगु मि खः। अले छन्‍हुं हे इमिगु कंमा व झाःतय्‌त वय्‌कःया तच्‍वकं च्‍याःगु मिं भस्‍म यानाबी।

यशैया 17:14

सन्‍ध्‍याकाः इलय् छक्‍वलं भय वइ। सुथय् जुइ न्‍ह्यः तक उपिं दयाच्‍वनी मखु। जिमिगु देय् लुतय् याइपिनिगु गतिपति नं अथे हे जुइ।

यशैया 17:3

दक्‍व शक्ति दुम्‍ह परमप्रभुं थथे धयादी, इस्राएलया घेरय् यानातःगु शहरत नाश जुइ अले दमस्‍कसया शाही शक्ति मदयावनी। अले बचय् जुयाः ल्‍यंदनीपिं अरामीत नं इस्राएलीतय्‌गु गौरव थें लाजय् लाइ।

यशैया 30:31

अश्‍शूरीत परमप्रभुया सः तायाः थरथर खाःगु दु। वय्‌कलं थःगु राजदण्‍डं इमित कय्‌कादी।

यशैया 31:8

“अश्‍शूरीत तरवारं क्‍वःदलीतिनि, गुगु तरवार मनूतय्‌पाखें मखु। व हे तरवारं इपिं नाश जुइतिनि, गुगु सीमानीपिं मनूतय्‌गु मखु। व तरवारया न्‍ह्यःनं इपिं बिस्‍युं वनी। अले इमि ल्‍याय्‌म्‍हपिं मनूतय्‌त दासयात थें ज्‍या याकी।

यशैया 31:9

इमि जुजु ग्‍यानाः बिस्‍युं वनी अले इमि सेनापतित लडाइँया ध्‍वाँय् खनाः ग्‍यानाः आत्ते जुइ।” परमप्रभु, सुयागु मि सियोनय् अले भट्टी यरूशलेमय् दु, वय्‌कलं धयादीगु दु।

यर्मिया 50:40

“सदोम व गमोरा अले उकिया जःखः च्‍वंगु शहरतय्‌त जि परमेश्‍वरं नाश यानागु थें, बेबिलोनय् सुं मनू च्‍वनी मखु। सुं नं मनू अन च्‍वनाच्‍वनी मखु। परमप्रभुं धयादी,

यर्मिया 51:24

“इमिसं सियोनय् याःगु फुक्‍क मभिंगु ज्‍याया कारणं जिं बेबिलोन व बेबिलोनियाय् च्‍वंपिं सकलें मनूतय्‌त छिमिसं खंक हे पलेसा बी,” परमप्रभुं धयादी।

नहूम 1:14

अय् निनवे, परमप्रभुं छंगु बारे छगू आज्ञा बियादीगु दु, “आवंलि छंगु नां ल्‍यंकातइपिं छं सुं सन्‍तान दइ मखु। छंगु देगलय् दुपिं कियातःपि द्यःत व नाय्‌काः दय्‌कातःपिं मूर्तित जिं भज्‍यंक नाश याये। जिं छंगु चिहान तयार याये, छाय्‌धाःसा छ भिंम्‍ह मखु।”

नहूम 3:19

छंगु घाःयात छुं वासलं नं लंके फइ मखु। छंगु घाः तसकं ग्‍यानापुगु घाः खः। सुनां सुनां छंगु बांमलागु खँ न्‍यनी इमिसं लय्‌तायाः ल्‍हाःपा थाइ, छाय्‌धाःसा छंगु गुबलें मदीगु सास्‍ती सुनां भोगे याःगु मदु धकाः?