यशैया 27:6 - नेवाः बाइबल

⁶ आः वइगु दिनय् याकूबया सन्‍तान इस्राएलया मनूतय्‌सं हा कयाच्‍वनी। अले इस्राएल मुखू ह्वयावइ व फल सय्‌की अले फुक्‍क पृथ्‍वी फलं जाइ।

यशैया 27:6 ပူးပေါင်းရင်းမြစ်များ

अय्‍यूब 37:12

उपिं सुपाँय् परमेश्‍वरं धयादीकथं चाचाःहिलाजुइ, वय्‌कलं बियादीगु आज्ञा पालन यायेत।

यशैया 35:1

झिजांमिजां दंगु बँ व गंगु बँ लय्‌ताइ। मरुभूमि लय्‌ताइ अले ह्वइ।

यशैया 35:2

व लिली स्‍वां थें चक्‍कना ह्वइ। व तसकं लय्‌ताइ अले तसलं म्‍ये हाली, अले वयात लेबनानया गौरव, कर्मेल व शारोनया एेश्‍वर्य बिइ। इमिसं परमप्रभुया महिमा व झी परमेश्‍वरया एेश्‍वर्य खनी।

यशैया 37:31

अले यहूदाया घरानाया म्‍वानाच्‍वंपिन्‍सं जमिनया क्‍वय् हा कयाः जमिनया च्‍वय् फल सय्‌की।

यशैया 4:2

व दिनय्, परमप्रभुया कचाय् बांलाक फल सइ अले झःझः धाइ अले इस्राएलय् बचय् जुयाच्‍वंपिं फुक्‍कसिगु निंतिं जमिनया फल छगू लसता व गौरवयागु जुइ।

यशैया 6:13

छुं जुयाः व देशय् झिब्‍वय् छब्‍व ल्‍यं दसां जिं इपिं फुक्‍कसित नाश याये। तर गथे तारपीनया सिमा व स्‍वसिमा पालिबलय् थुथा ल्‍यंदयाच्‍वनी। अथे हे व देशय् पवित्र पुसा धाःसा थुथा थें जुइ, व हाकनं बुया वइ।”

यशैया 60:22

छिपिं मध्‍ये कम दुपिं द्वलंद्वः दःवइ, अले दक्‍वसिबय् चिधिकःपिं दक्‍वसिबय् तःधंगु जाति जुइ। जि परमप्रभु खः, वयागु इलय् जिं व याकनं हे पूवंके।”

यर्मिया 30:19

अनयापिं मनूतय्‌सं प्रशंसाया म्‍ये हाली अले लय्‌ताइ। जिं इमिगु ल्‍याः अप्‍वय्‌काबी इमिगु ल्‍याः कम जुइ मखु। जिं इमित इज्‍जत बीके, सुनानं इमित क्‍वह्यंकी मखु।

इजकिएल 36:10

जिं अन च्‍वंपिं मनूतय्‌गु ल्‍याः, फुक्‍क इस्राएलया घरानाया ल्‍याः अप्‍वय्‌काबी। अले नाश जूगु शहरत हाकनं दय्‌की। अले अन मनूत च्‍वनी।

इजकिएल 36:8

“‘तर हे इस्राएलया पहाडत, छिमिसं थःगु कचात बुइकी, जिगु प्रजा इस्राएलया लागि फल सय्‌की, छाय्‌धाःसा इपिं याकनं हे छेँ लिहां वइ।

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

जकरिया 2:11

“उखुन्‍हु यक्‍व जातित परमप्रभुलिसे मिलय् जुइ अले जिम्‍ह मनूत जुइ। जि छिमिगु हे दथुइ च्‍वने। थुकिं यानाः छिमिसं दक्‍व शक्ति दुम्‍ह परमप्रभुं हे जितः छिमिथाय् छ्वयाहयादीगु खः धकाः सी।

गलाती 3:29

छिपिं ख्रीष्‍टया मनूत खःसा अब्राहामया सन्‍तान नं खः। अले परमेश्‍वरं बी धकाः बाचा चिनादीगु छिमित नं बियादी।

फिलिप्‍पी 3:3

धात्‍थेंगु चिं तइपिं ला झीपिं खः, छाय्‌धाःसा झीसं परमेश्‍वरयात पवित्र आत्‍मां सेवा यानाच्‍वना। येशू ख्रीष्‍टयाके भरोसा तयाच्‍वना, अले शरीरयागु ज्‍याखँय् झीसं भरोसा मतया।

प्रकाश 11:15

अले न्‍हय्‌म्‍हम्‍ह स्‍वर्गदूतं थःगु तुरही पुल। अले स्‍वर्गं तस्‍सलं थथे धयाहल – “संसारयागु राज्‍य झी प्रभु व वय्‌कःया ख्रीष्‍टयागु राज्‍य जुल। वय्‌कलं सदांया निंतिं राज्‍य यानादी।”