यशैया 27:5 - नेवाः बाइबल

⁵ तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 27:5 ပူးပေါင်းရင်းမြစ်များ

अय्‍यूब 22:21

“हे अय्‍यूब, आः परमेश्‍वरया अधीनय् च्‍वनादिसँ, अले वय्‌कःनापं मिलय् जुयादिसँ। थुकिं छिमित भिं जुइ।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 25:4

मगाःमचाःपिं व चीमिपिनिगु निंतिं, छि बल्‍लाःगु शरण कायेगु थाय् जुयादीगु दु। छि इमिगु निंतिं ग्‍वःफय् वइबलय् शरण कायेगु थाय् व क्‍वइगु निभालं बचय् जुइत किचः जुयादीगु दु। दयामदुपिं मनूतय्‌सं पखालय् ग्‍वःफय् जू वः थें,

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यशैया 42:19

तर जिमि दासत बाहेक मेपिं सु कांपिं दु धकाः? वा जिं छ्वयापिं दूत थें ख्‍वाँय्‌पिं सु दु धकाः? जिं थःगु लागिं अलग यानाम्‍ह थें ज्‍यापिं कांपिं सु दु धकाः? परमप्रभुया दास थें कांम्‍ह मेपिं सु दु धकाः?

यशैया 45:24

इमिसं जिगु बारे थथे धाइ, ‘परमप्रभुयापाखें जक धार्मिकता व शक्ति वइ।’” वय्‌कःया विरोधय् तंपिकापिं फुक्‍क वय्‌कःयाथाय् हे वइ अले लाजय् लाइ।

यशैया 56:2

व मनू धन्‍य खः गुम्‍हय्‌सिनं थ्‍व याइ, व मनू धन्‍य खः गुम्‍ह थ्‍व खँय् बलाक्‍क च्‍वनाच्‍वनी। गुम्‍हय्‌सिनं विश्रामबार अशुद्ध मयासें मानय् याइ, अले थःगु ल्‍हाःयात छुं नं मभिंगु ज्‍या यायेगुपाखें अलग तइ।”

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

यशैया 64:7

छिगु नां काइपिं छम्‍ह नं मदु, छितः ज्‍वनेगु सुनानं कुतः याइ मखु, छाय्‌धाःसा छिं थःगु ख्‍वाः जिपिंपाखें सुपिकादीगु दु, अले जिमित जिमिगु पापया शक्तिइ त्‍वःतादीगु दु।

लूका 13:34

“हे यरूशलेमय् च्‍वंपिं मनूत, छिमिसं अगमवक्तातय्‌त स्‍याना छ्वत, अले परमेश्‍वरं छ्वयाहयादीपिं दूततय्‌त ल्‍वहँतं कय्‌काः स्‍याना छ्वत। जिं छिमित माखां थः खाचातय्‌त त्‍वपुया तः थें गुलि बचय् यायेत स्‍वये धुन। अय्‌नं छिपिं मानय् मजू।

लूका 14:32

शत्रुपाखे च्‍वंपिं सिपाइँत नाप ल्‍वाये मफु धयागु जूसा, इमिसं हय्‌काः वये न्‍ह्यः हे मनूत छ्वयाः मिलय् जुइत स्‍वइ।

लूका 19:42

“थौं छिमिसं शान्‍तियागु लँपु स्‍यूगु जूसा गुलि ज्‍यूगु। आः थ्‍व छिमिगु मिखां तापाय् धुंकल।

हिब्रू 6:18

थथे गुब्‍सं हिली मखुगु थ्‍व निता खं वय्‌कःपाखें बचय् जुया च्‍वनापिं झीत नं झीसं आशा यानाच्‍वनागु खँय् बल्‍लाना च्‍वनेत साहस बी।

यहोशू 10:6

गिबोनीतय्‌सं गिलगालया छाउनीइ यहोशूयाथाय् थ्‍व बुखँ छ्वल, “छःपिनि दासतय्‌त त्‍वःतादी मते। जिमिथाय् याकनं झायाः जिमित ग्‍वाहालि यानादिसँ, छाय्‌धाःसा पहाडी देशय् च्‍वनिपिं एमोरीतय् फुक्‍क जुजुपिं जिपिंनापं ल्‍वाः वयेत मुंगु दु।”