यशैया 27:12 - नेवाः बाइबल

¹² व दिंखुन्‍हु परमप्रभुं न्‍ह्यानाच्‍वंगु यूफ्रेटिस खुसिंनिसें मिश्रया खुसि तक हे थःगु अन्‍न दायाछ्वइ। अय् इस्राएलीत, छिपिं धाःसा छम्‍ह छम्‍ह यानाः मुंकादी।

यशैया 27:12 ပူးပေါင်းရင်းမြစ်များ

उत्‍पत्ति 15:18

अबलय् हे परमप्रभुं अब्रामलिसे थुकथं बाचा चिनादिल, “जिं छिमि सन्‍तानयात मिश्र देशयागु खुसिंनिसें तःधंगु खुसि यूफ्रेटिसतकयागु थ्‍व देशत बियागु दु –

१ राजा 8:65

सोलोमन व सकल इस्राएलीतय्‌सं देगलय् न्‍हय्‌न्‍हु तक व मेगु न्‍हय्‌न्‍हु तक यानाः मुक्‍कं झिंप्‍यन्‍हु बल्‍चाबाय्‌या नखः परमप्रभु झी परमेश्‍वरया न्‍ह्यःने हन। अन उत्तरय् च्‍वंगु लेबो हमातंनिसें दच्‍छिनय् च्‍वंगु मिश्रया खुसिचा तकयापिं यक्‍व मनूतय्‌गु भीड दु।

नहेम्‍याह 1:9

अय्‌नं छिपिं जिथाय् लिहां वल धाःसा अले छिमिसं जिगु खँ न्‍यन धाःसा जिं छिमित थःगु नां तयेत ल्‍ययागु थासय् लित हये। तापाःगु देशय् वंगु दुसां जिं छिमित लित हये।’

भजनसंग्रहया सफू 68:22

परमप्रभुं धयादी, “जिं इमित बाशानं लित हये। जिं इमित समुद्रया दुनें नं लित हये।

भजनसंग्रहया सफू 72:8

वयागु राज्‍य छगू समुद्रं मेगु समुद्र जुयाः न्‍यनावनेमा यूफ्रेटिस खुसिंनिसें पृथ्‍वीया कुनय् तक।

यशैया 17:6

अय्‌नं जैतूनया फल हाय्‌के धुंकाः उकिया सिमाया निगः वा स्‍वंगः फल च्‍वय्‌यागु कचालय् व प्‍यंगः वा न्‍यागः फल क्‍वय्‌यागु कचालय् जक ल्‍यं थें इस्राएल नांगा जूगु जैतूनया सिमा थें जुइ, अले थनच्‍वंपिं छुं मनूत जक ल्‍यनाच्‍वनी,” परमप्रभु, इस्राएलया परमेश्‍वरं थथे धयादी।

यशैया 49:5

परमप्रभुं जितः वय्‌कःया दास जुयाः याकूबयात हाकनं वय्‌कःयाथाय् हयेत अले इस्राएलयात वय्‌कःयाथाय् मुंकेत दय्‌कादिल। जि बुइ न्‍ह्यः हे मांया प्‍वाथय् दय्‌कादिल, छाय्‌धाःसा परमप्रभुया मिखाय् जि हनाबना दुम्‍ह खः, अले परमेश्‍वर हे जिगु बल खः।

यशैया 56:8

ज्‍वनायंकूपिं त्‍वःतकाः हःम्‍ह परमप्रभु परमेश्‍वरं थथे घोषणा यानादी, “छथाय् मुनाच्‍वंपिं बाहेक जिं मेपिन्‍त नं इपिंनापं हे छथाय् मुंके हये।”

यर्मिया 3:14

“अय् विश्‍वास याये बहःमजूपिं मनूत लिहां वा,” परमप्रभुं धयादी, “छाय्‌धाःसा जि छिमि मालिक खः। जिं छगू छगू शहरं छम्‍ह छम्‍ह व छगू छगू कुलं निम्‍ह निम्‍हय्‌सित सियोनय् हये।

यर्मिया 44:28

तरवारं बचय्‌जूपिं मिश्र देशं यहूदा देशय् कम हे जक लिहां वइ। अबलय् मिश्र देशय् च्‍वंवःपिं यहूदाया ल्‍यंदुपिं सकसिनं इमिगु वचन सत्‍य खः लाकि जिगु वचन सत्‍य खः, व सी।’

इजकिएल 20:34

जिं छिमित बल्‍लाःगु ल्‍हाः व चक्‍कंगु लपुं तं प्‍वंकूं प्‍वंकूं जाति जातियापिं मनूतय्‌गु दथुं लिगना हये, अले छिपिं छ्यालब्‍याल जूगु देशं जिं छिमित मुंके।

इजकिएल 20:41

जिं छिमित जाति जातितपाखें पित हयेबलय् अले छिमित छ्यालब्‍याल जुयाच्‍वंगु देशं छिमित मुंकेबलय् छिमित नस्‍वाःगु धुपाँय् थें नाले। अले जाति जातितय्‌गु न्‍ह्यःने जिं थःम्‍हं थःत छिमिगु दथुइ पवित्र क्‍यने।

इजकिएल 39:25

“उकिं परमप्रभु परमेश्‍वरं थथे धयादी – जिं याकूबया सुख व शान्‍ति हाकनं लित हयाबी, जिं इस्राएलयापिं फुक्‍कं मनूतय्‌त माया याये। जिं जिगु पवित्र नांया इज्‍जतयात रक्षा याये।

इजकिएल 47:19

“दच्‍छिन पाखेयागु सिमाना तामारंनिसें मेरीबा कादेशया बुंगाःचा तक अले मिश्रया बगःया लिक्‍क लिक्‍क जुयाः भूमध्‍यसागर तक थ्‍यनी। थ्‍व दच्‍छिनया सिमाना जुइ।

आमोस 9:9

“जिं आज्ञा बी, इस्राएलया घरानायात दक्‍व जातितय्‌गु दथुइ हासाय् अन्‍न हाःगु थें जिं हाये, छग्‍वः चिग्‍वःगु ल्‍वहं नं बँय् कुतुं वनी मखु।

जकरिया 8:7

दक्‍व शक्ति दुम्‍ह परमप्रभुं थथे धयादी, “जिं थः मनूतय्‌त पुर्बयागु देश व पच्‍छिमयागु देशं बचय् याये।

लूका 15:4

“छिकपिं मध्‍ये सुयां छम्‍हय्‌सिया सछिम्‍ह फैचा दु धाय्‌का। उकी छम्‍ह फैचा तन धाःसा वं छु याइ? वं गुइगुम्‍ह फैचायात ख्‍यलय् हे त्‍वःताः तंम्‍ह फैचायात माः मजुइ ला?

यूहन्‍ना 10:16

जिमि फैत थ्‍व फैगलय् जक मखु, मेथाय् नं दु। इमित नं जिं हयेमानि। इमिसं नं जिगु सः ताइ। थुकथं फुक्‍क फैत छथ्‍वः जुइ, अले इमि फैजवाः नं छम्‍ह हे जुइ।

यूहन्‍ना 6:37

बाःनं जितः बियादीपिं फुक्‍कं जिथाय् वइ। अले जिथाय् वःपिन्‍त जिं गुबलें हे त्‍वःते मखु।

यहोशू 15:4

अज्‍मोनपाखें वनाः मिश्रयागु ब्‍यासिया सिमाना जुयाः भूमध्‍यसागर तक थ्‍यन। उकियागु सिमाना अन हे क्‍वचाल। व हे इमिगु दच्‍छिनयागु सिमाना खः।