यशैया 26:9 - नेवाः बाइबल

⁹ चान्‍हय् जिगु फुक्‍क नुगलं छितः यय्‌कीगु यानाच्‍वना। सुथय् जिगु आत्‍मां छितः यय्‌काच्‍वना। छिं पृथ्‍वी व अन च्‍वंपिनिगु न्‍याय यानादीबलय्, इमिसं धार्मिकता सय्‌काकाइ।

यशैया 26:9 ပူးပေါင်းရင်းမြစ်များ

१ इतिहास 16:14

वय्‌कः परमप्रभु झी परमेश्‍वर खः। वय्‌कःया न्‍यायया ज्‍या पृथ्‍वी न्‍यंक जुइ।

भजनसंग्रहया सफू 105:7

वय्‌कः हे परमप्रभु झी परमेश्‍वर खः। वय्‌कःया न्‍यायया ज्‍या पृथ्‍वी न्‍यंकं जुइ।

भजनसंग्रहया सफू 119:55

हे परमप्रभु, जिं चान्‍हय् छिगु नां लुमंकेगु यानागु दु। अले जिं छिगु व्‍यवस्‍था पालन यानागु दु।

भजनसंग्रहया सफू 119:62

छिगु धार्मिक विधिया लागि जि बाचा इलय् छितः सुभाय् बीत दने।

भजनसंग्रहया सफू 130:6

पालेतय्‌सं सुथय् पियाच्‍वंगु थें, पालेतय्‌सं सुथय् पियाच्‍वंगु स्‍वयाः अप्‍वः जिं परमप्रभुयात पियाच्‍वना।

भजनसंग्रहया सफू 58:11

अले मनूतय्‌सं धाइ, “धर्मीतय्‌सं आः नं सिरपाः कायेखनि तिनि। परमेश्‍वर धात्‍थें हे दनि, अले वय्‌कलं पृथ्‍वीइ न्‍याय यानादी।”

भजनसंग्रहया सफू 63:1

हे परमेश्‍वर, छि जिम्‍ह परमेश्‍वर खः। जिं छितः दुनुगलंनिसें मालाजुया। गंगु, झिजांमिझां दंगु व लः मदुगु बँ थें जिगु नुगः छि मदयाः प्‍याःचाः।

भजनसंग्रहया सफू 63:5

जिगु नुगः तःजिगु भ्‍वय् नये थें लुधंगु दु। जिगु म्‍हुतुं छिगु म्‍ये हालाः छितः तःधंकाच्‍वनी।

भजनसंग्रहया सफू 64:9

मनूत सकलें ग्‍याइ। इमिसं परमेश्‍वरं यानादीगु ततःधंगु ज्‍या लुमंकी। अले वय्‌कलं यानादीगु ज्‍या कनाजुइ।

भजनसंग्रहया सफू 78:34

गुबलय् परमेश्‍वरं इमि मनूतय्‌त स्‍यानादिल, उबलय् तिनि इपिं वय्‌कःयाथाय् लिफः स्‍वयावल। परमेश्‍वरयाथाय् लिहां वयाः इमिसं दुनुगलंनिसें वय्‌कःयात पत्‍याः यात।

भजनसंग्रहया सफू 83:18

छिगु नां परमप्रभु खः, इमिसं पृथ्‍वी न्‍यंकंयाम्‍ह दक्‍वसिबय् तःधंम्‍ह शासक खः धकाः म्‍हसीमा।

हितोपदेश 8:17

जितः यय्‌कीपिन्‍त जिं नं यय्‌के, जितः मालीपिन्‍सं जितः लुइकी।

यशैया 27:9

थुकिं याकूबया अर्धम्‍हयात पुइकायंकी, वय्‌कलं इमिगु पाप चिकाः छ्‌इबलय् थ्‍व लिच्‍वः जुइ– इमिसं वेदीया फुक्‍क ल्‍वहंत भ्‍वसाभ्‍वसा वंगु तुयुगु ल्‍वहं थें चुंचुं याइबलय् अशेरा द्यःमय्‌जुया थां व धुपाँय् च्‍याकीगु वेदीत हाकनं थनी मखु।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 55:6

गुबलय् तक परमप्रभुयात माले फु वय्‌कःयात मालेगु या। वय्‌कः लिक्‍क दुबलय् हे छिमिसं वय्‌कःयात सःति।

विलाप 2:19

पाः च्‍वनीगु ई शुरु जुइबलय् दनाः चान्‍हय् हा! परमप्रभुया न्‍ह्यःने हे छंगु नुगः लः थें प्‍वंकि। गल्‍लि गल्‍लिइ नयेपित्‍यानाः मूर्च्‍छा जुयाच्‍वंपिं मस्‍तय्‌गु प्राण म्‍वाकेगु निंतिं थःगु ल्‍हाः वय्‌कःपाखे ल्‍ह्वँ।

विलाप 3:25

परमप्रभुया लँपु स्‍वइपिं व वय्‌कःयात मालीपिं सकसिगु लागिं परमप्रभु भिंम्‍ह खः।

इजकिएल 5:15

जिगु तं व झ्‍वँक छंके लाइबलय् अले जिं छन्‍त सजाँय बीबलय् छिमि प्‍यखेरं च्‍वंपिं जातित ग्‍याइ। इमिसं छन्‍त बेक्‍वः मिखां स्‍वइ, अले छन्‍त हेस्‍याइ। जि परमप्रभुं हे थ्‍व धयागु खः।

होशे 5:15

इमिसं थःगु पाप स्‍वीकार मयातले जि लिहां वनाः थःगु थासय् च्‍वने, इमिसं जिगु ख्‍वाः स्‍वयेत माला जुइ। इमित दुःखकष्‍ट जुइबलय् इमिसं जितः तसकं माली।”

मत्ती 6:33

न्‍हापां परमेश्‍वरयागु राज्‍य मा, वय्‌कलं धयादी थें च्‍वँ। अले वय्‌कलं छिमित माःगु फुक्‍क बियादी।

मर्कूस 1:35

येशू सुथ न्‍हापां खिउँसे च्‍वंबलय् हे दनाः सुं मदुगु थासय् झायाः प्रार्थना यानादिल।

लूका 6:12

छन्‍हु वय्‌कः पहाडय् प्रार्थना याः झाल। अबलय् चच्‍छिं हे वय्‌कलं परमेश्‍वरयात प्रार्थना यानादिल।

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।