यशैया 26:8 - नेवाः बाइबल

⁸ खः, परमप्रभु, जिपिं छिगु इच्‍छा कथं जुइ अले थःगु आशा छिके हे तये, जिमिगु मनया इच्‍छा छिगु नांयात तःधंकेगु खः।

यशैया 26:8 ပူးပေါင်းရင်းမြစ်များ

२ शमूएल 23:5

छु जिगु घराना परमेश्‍वरलिसें ठीक मजू ला? छु वय्‌कलं जिलिसें फुक्‍क खँय् सुरक्षित व बल्‍लाःगु छगू न्‍ह्याबलेंया बाचा चिनादीगु मदु ला? छु वय्‌कलं जितः ग्‍वाहालि मालीबलय् उद्धार यानाः मदी ला? अले जिगु फुक्‍क इच्‍छा पूवंकामदी ला?

भजनसंग्रहया सफू 106:3

धन्‍य खः वय्‌कःया आज्ञा मानय् याइपिं व न्‍ह्याबलें खःगु ज्‍या याइपिं।

भजनसंग्रहया सफू 130:5

जिं परमप्रभुयात पियाच्‍वना, जिं दुनुगलंनिसें हे वय्‌कःया लँ स्‍वयाच्‍वना। अले जिगु आशा वय्‌कःया वचनय् दु।

भजनसंग्रहया सफू 18:23

जि दोष मदुम्‍ह धकाः वय्‌कलं स्‍यू अले पापं चिलाच्‍वनागु दु।

भजनसंग्रहया सफू 42:2

जि परमेश्‍वरया निंतिं, म्‍वाःम्‍ह परमेश्‍वरया निंतिं प्‍याःचायागु दु। जि गुबलय् वनाः परमेश्‍वरयात नाप लाये दइ?

भजनसंग्रहया सफू 65:6

छिं थःगु शक्तिं च्‍वापुगुँतय्‌त दय्‌काः थथःगु थासय् तयादिल

भजनसंग्रहया सफू 73:25

स्‍वर्गय् छि बाहेक जि सु हे दु धकाः? पृथ्‍वीइ जितः छि बाहेक छु हे माःगु दु धकाः?

भजनसंग्रहया सफू 84:2

जितः परमप्रभुया चुकय् दुहां वने यः, जितः परमप्रभुया देगलय् च्‍वने मास्‍ति वः। दुनुगलंनिसें जिं म्‍वाःम्‍ह परमेश्‍वरया लागि लय्‌तातां म्‍ये हाले।

प्रस्‍थान 3:15

परमेश्‍वरं हानं मोशायात धयादिल, “इस्राएलीतय्‌त धा, ‘परमप्रभु छिमि पुर्खाया परमेश्‍वर आर्थात अब्राहाम, इसहाक, याकूबया परमेश्‍वरं जितः छिमिथाय् छ्वयाहःगु खः।’ “न्‍ह्याबलेंया निंतिं जिगु नां थ्‍व हे खः। जिगु थ्‍व हे नामं जितः छिमिसं पुस्‍तां पुस्‍ता तक लुमंकेगु याइ।

श्रेष्‍ठगीत 5:8

हे यरूशलेमया मिसापिं, जिं छिमित छगू आज्ञा बी, छं जिमि यःम्‍ह प्रिययात नापलात धाःसा छु धायेगु? वयात थथे धयाब्‍यु, जि वयागु मायाय् दुबय् जुयाच्‍वनागु दु।

यशैया 12:4

व दिंखुन्‍हु छिमिसं थथे म्‍ये हाली, “परमप्रभुयात सुभाय् ब्‍यु! अले वय्‌कःया नां घोषणा या। वय्‌कलं यानादीगु ज्‍या फुक्‍क जातितय्‌त न्‍यंकि, वय्‌कः गुलि तःधंम्‍ह खः धकाः फुक्‍कसित धयाब्‍यु!

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

यशैया 25:1

हे परमप्रभु, छि जिमि परमेश्‍वर खः, जिं छिगु नांयात तःधंके अले छिगु नांया प्रशंसा याये, छाय्‌धाःसा छिं विश्‍वास यायेबहः जुयाः अजू चायापुगु ज्‍या यानादीगु दु, उपिं ज्‍यात यक्‍व न्‍हापा हे छिं ग्‍वसाः ग्‍वयादीगु खः।

यशैया 25:9

व दिंखुन्‍हु फुक्‍कसिनं धाइ, “धात्‍थें वय्‌कः हे झी परमेश्‍वर खः। झीसं वय्‌कःयाके भलसा तयाः अले वय्‌कलं हे झीत बचय् यानादिल। वय्‌कः परमप्रभु खः, वय्‌कःयाके हे झीसं भलसा तयागु खः। वय्‌कलं यानादीगु उद्धारया निंतिं झीपिं लय्‌ताया न्‍ह्यइपुकेनु।”

यशैया 26:13

हे परमप्रभु जिमि परमेश्‍वर, मेपिन्‍सं जिमित राज्‍य याःगु दु, तर छिगु नांयात जक जिमिसं हनाबना तये।

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 33:2

हे परमप्रभु, जिमित दया यानादिसँ। जिमिसं छिके आस यानाच्‍वना। सुथ पतिकं छि जिमिगु निंतिं शक्ति व दुःखपाखें उद्धार याइम्‍ह जुयादिसँ।

यशैया 49:23

छंगु निंतिं जुजुपिं बौ थें अले इमि रानीपिं सुसाकुसा याइम्‍ह मां थें जुइ। इपिं छंगु न्‍ह्यःने बँय् भ्‍वसू वइ। इमिसं छंगु तुतिया धू फ्‍यइ। अनंलि छं थुइकि जि हे परमप्रभु खः, जिके भलसा तइपिं लाजय् लाइ मखु।”

यशैया 51:4

“हे जिमि प्रजा, जिगु खँ न्‍यँ। हे जिमि प्रजा, जिगु खँय् ध्‍यान ब्‍यु। जिगुपाखें हे स्‍यनातःगु खँ पिहां वइ, अले जिगु न्‍याय जाति-जातितय्‌गु निंतिं जः जुइ।

यशैया 56:1

परमप्रभुं थथे धयादी, “न्‍याय यायेगु त्‍वःते मते। छु पाय्‌छि जू व हे या, छाय्‌धाःसा जिपाखें उद्धार कायेगु दिं लिक्‍क वयाच्‍वंगु दु, अले जिगु धार्मिकता याकनं खनेदः वइ।

मीका 4:5

देश देशयापिं फुक्‍क मनूत थथःगु द्यःया ल्‍यूल्‍यू वंसां झीपिं धाःसा न्‍ह्याबलें परमप्रभु झी परमेश्‍वरया ल्‍यूल्‍यू वने। जिपिं धाःसा न्‍ह्याबलें न्‍ह्याबलें परमप्रभु जिम्‍ह परमेश्‍वरयागु नां कयाः जुयाच्‍वने।

मीका 7:7

तर जिं धाःसा जिम्‍ह परमप्रभुयाके आशा तयाच्‍वने, जि जितः उद्धार याइम्‍ह परमेश्‍वरयात पियाच्‍वने छाय्‌धाःसा वय्‌कलं जिगु प्रार्थना बिन्‍ति न्‍यनादी।

मलाकी 4:4

“जिं होरेब पर्वतय् सकल इस्राएलीतय्‌गु निंतिं जिम्‍ह दास मोशायात बियागु विधि व नियम दुगु व्‍यवस्‍थायात लुमंकी अले उकियात बांलाक मानय् या।

गन्‍ती 36:13

परमप्रभुं यरीहो शहरया उखे यर्दन खुसिया सिथय् मोआबया ख्‍यलय् मोशापाखें इस्राएलीतय्‌त बियादीगु उजं व नियम थुपिं हे खः।

लूका 1:6

इपिं निम्‍हं परमेश्‍वरया न्‍ह्यःने धर्मीपिं खः। इपिं व्‍यवस्‍था फुक्‍कं मानय् याइपिं खः। उकिं इमित छुं धायेथाय् मदु।

प्रेरित 1:4

छन्‍हु इपिं नाप नयेत फ्‍यतुनादीबलय् वय्‌कलं थथे धयादिल – “यरूशलेमं गनं मवँसे बाःनं बियादीतिनि धकाः जिं धयागु वरदान कायेत पियाच्‍वँ।

रोमी 8:25

झीसं खंके मफुगु आशा यानागु खः धयागु जूसा थ्‍व आशाय् संका मयासें, अले हथाय् मचासे झीसं पियाच्‍वनेमाः।

२ थेसलोनिकी 3:5

प्रभुं छिमित परमेश्‍वरयागु माया व ख्रीष्‍टयागु सह यानाच्‍वनेगु शक्ति थुइकादीमा।