यशैया 26:6 - नेवाः बाइबल

⁶ आः क्‍वत्‍यका च्‍वंपिं इमिगु च्‍वंच्‍वं न्‍यासि वनी, अले दुःखकष्‍टय् लानाच्‍वंपिनिगु तुतिं इमित न्‍हुत्तुन्‍हुइ।

यशैया 26:6 ပူးပေါင်းရင်းမြစ်များ

२ राजा 9:33

येहूं धाल, “वयात क्‍वफानाछ्व!” उकिं इमिसं वयात क्‍वफानाछ्वल। वयागु हिया फुति अंगलय् लात अले सलतय्‌सं वयात न्‍हूबलय् इमिगु म्‍हय् नं हिया फुति लात।

यशैया 11:4

अय्‌नं वं मगाःमचाःपिनिगु न्‍याय धार्मिकतां यानादी, अले पृथ्‍वी च्‍वंपिं गरीबतय्‌गु न्‍याय निसाफ यानादी। थःगु वचनया शक्तिं पृथ्‍वीयात दायादी। अले थःगु म्‍हुतुया सासलं दुष्‍टतय्‌त नाश यानादी।

यशैया 25:10

थ्‍व पर्वतयात परमप्रभुं रक्षा यानादी मोआबया मनूतय्‌त धाःसा छ्वालियात सौलय् न्‍हुत्तुन्‍हु थें न्‍हुयादी।

यशैया 28:3

एफ्राइमया अय्‌लाःगुलुतय्‌गु घमण्‍डया श्रीपेचयात, पालि तलय् तयाः न्‍हुत्तुन्‍हुइतिनि।

यशैया 29:19

क्‍वमिलुपिन्‍सं हाकनं परमप्रभुयाके लसता हनी, अले मगाःमचाःपिन्‍सं परमप्रभु इस्राएलया पवित्र परमेश्‍वरयाके हे लय्‌तायाच्‍वनी।

यशैया 3:14

परमप्रभुं थकालित व थः प्रजायात शासन याइपिनिगु विरूद्धय् न्‍याय यानादी। वय्‌कलं इमित थथे द्वपं बियादीगु दु – “छिमिसं जिगु क्‍यबयागु दाख नाश याःगु दु। चीमिपिंपाखें लुतय् यानाहःगु मालसामानं छिमिगु छेँ जाःगु दु।

यशैया 3:15

छिमिसं जिमि प्रजायात क्‍वत्‍यःगु व मगाःमचाःपिनिगु ख्‍वालय् क्‍यःगु मतलब छु खः?” प्रभु, दक्‍व शक्ति दुम्‍ह परमप्रभुं धयादी।

यशैया 37:25

जिं तुं म्‍हुयाः विदेशया लः त्‍वना। अले थःगु तुति पालिं मिश्रया फुक्‍क खुसि सुकाबिया।’

यशैया 60:14

छन्‍त दुःख बिइपिनि काय्‌पिं छन्‍थाय् हे क्‍वमिलु जुयाः वइ। छन्‍त हेला याइपिं फुक्‍क छंगु पाली भ्‍वपू वइ। इमिसं छन्‍त परमप्रभुया शहर, इस्राएलया पवित्र परमेश्‍वरया सियोन धकाः धाइ।

यर्मिया 50:45

उकिं बेबिलोनया विरोधय् परमप्रभुं दय्‌कादीगु योजना। अले बेबिलोनीतय्‌गु देशया विरोधय् वय्‌कःया इच्‍छा छु दु न्‍यँ, बथांयापिं चिचीधिकःपिं फैया मस्‍तय्‌त घिसय् यानाः यंकी। इमिसं यानाः वं इमिगु घाँय्‌ख्‍यःयात भज्‍यंक नाश यानाबी।

दानिएल 7:27

पृथ्‍वीया फुक्‍क राज्‍यतय्‌गु शक्ति व तःधंसू दकलय् तःधंम्‍ह परमेश्‍वरया पवित्र मनूतय्‌गु ल्‍हातय् बी। वय्‌कःया राज्‍य न्‍ह्याबलें दयाच्‍वनीगु राज्‍य जुइ। फुक्‍क राज्‍यं वय्‌कःया खँ न्‍यनी व वय्‌कःयागु सेवा याइ।’

सपन्‍याह 3:11

व दिं, जिगु विरोधय् छं याःगु फुक्‍कं ज्‍याखँया हुनिं छ लज्‍या चायेमाली मखु, छाय्‌धाःसा तःधंछुयाः लय्‌ताया जुइपिन्‍त उबले जिं छिमिगु दथुइ लिकया छ्वये, अले जिगु पवित्र पहाडय् छ हाकनं तःधंछुयाः जुइ मखु।

मलाकी 4:3

जिं थ्‍व ज्‍या यायेगु दिनय् छिमिसं दुष्‍टतय्‌त तुतिं न्‍हुइ, अले इपिं छिमिगु तुति क्‍वय्‌यागु नउ थें जुइ,” दक्‍व शक्ति दुम्‍ह परमप्रभुं धयादी।

लूका 10:19

न्‍यँ, जिं छिमित सर्प, बिच्‍छी व शत्रुतय्‌गु न्‍ह्याथें ज्‍याःगु शक्तियात नं न्‍हुइ फइगु अधिकार बियातयागु दु। अय्‌जूगुलिं छिमित छुकिं नं स्‍यंके फइ मखु।

रोमी 16:20

थुकथं याना जूसा शान्‍ति बियादीम्‍ह परमेश्‍वरं शैतानयात छिमिगु तुतिं याकनं हे न्‍हुइके बी। झी प्रभु येशू ख्रीष्‍टयागु दया माया छिमिके दयाच्‍वनेमा।

१ कोरिन्‍थी 1:26

यःपिं दाजुकिजापिं, परमेश्‍वरं सःतादीबलय् छिपिं गज्‍याःपिं खः छकः लुमंका स्‍व। मनूतय्‌गु न्‍ह्यःने छिपिं गुम्‍हं गुम्‍हं जक बुद्धिमान, शक्ति दुपिं, अले तःधंपिं खः।

याकूब 2:5

यःपिं दाजुकिजापिं, जिं धयागु खँ न्‍यँ – संसारय् चीमिपिन्‍त हे परमेश्‍वरं विश्‍वासय् तःमि यायेत व वय्‌कःयात माया याःपिन्‍त दुकाये धकाः धयादीगु राज्‍यय् दुकायेत ल्‍ययादीगु मखु ला?

यहोशू 10:24

इमिसं थुपिं जुजुपिन्‍त यहोशूयाथाय् हये धुंकाः वं इस्राएलयापिं सकल मनूतय्‌त सःतल अले इपिंलिसे वःपिं लडाइँया सेना नायःतय्‌त सःताः धाल, “थुखे वा, छिमिगु तुति जुजुपिनिगु ककुइ ति।” अले इपिं वयाः थथःगु तुति थुमिगु ककुइ तल।

प्रकाश 2:26

“लिपा तकं जिं धाःथे यानाच्‍वंम्‍हय्‌सित व त्‍याइम्‍हय्‌सित जात जातियापिन्‍त शासन याकेबी।

प्रकाश 3:9

स्‍व, यहूदीत मखुसां यहूदीत खः धकाः मखुगु खँ ल्‍हानाजुइपिं शैतानयागु बाखं कनीगु छेँय् मुनिपिन्‍त जिं यायेगु स्‍यू। स्‍व, जिं इमित छिमिथाय् छ्वयाहयाः छिमिगु तुति भागि याकेहये। अले जक जिं माया याना तयापिं मनूत छिपिं हे खः धकाः इमिसं सीकी।