यशैया 26:3 - नेवाः बाइबल

³ परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यशैया 26:3 ပူးပေါင်းရင်းမြစ်များ

१ इतिहास 5:20

इमिसं ग्‍वाहालिया लागि परमेश्‍वरयात प्रार्थना यात। इमिसं परमेश्‍वरयाके भलसा तःगुलिं वय्‌कलं इमित ग्‍वाहालि बियादिल। परमेश्‍वरं हग्रीत व इपिंनापं मिलय् जूपिं सकसितं इमिगु ल्‍हातय् लाकादिल।

२ इतिहास 13:18

यहूदायापिं सिपाइँतय्‌सं इस्राएलीतय्‌त बुकल। छाय्‌धाःसा इमिसं परमप्रभु इमि पुर्खातय् परमेश्‍वरयागु भरोसा काःगु खः।

२ इतिहास 16:8

छु कूशीत व लिबियालीतय् सेना तःधंगु सेना मखु ला? इमिगु सेनाय् यक्‍व रथ व रथ गइपिं सिपाइँत दुगु मखु ला? तर छिं परमप्रभुयागु भरोसा कयादीगुलिं वय्‌कलं इमित छिगु ल्‍हातय् लःल्‍हानादिल।

भजनसंग्रहया सफू 119:165

छिगु स्‍यनातःगु खँयात माया याइपिन्‍त तःधंगु शान्‍ति दइ, इमित लुफिं हाइगु छुं कारण दइ मखु।

भजनसंग्रहया सफू 125:1

परमप्रभुयाके भरोसा तइपिं सकलें सियोन पर्वत थें खः, गुकियात संके फइ मखु तर न्‍ह्याबलें दनाच्‍वनी।

भजनसंग्रहया सफू 9:10

छिगु नां स्‍यूपिं सकसिनं छिगु हे भलसा काइ, छाय्‌धाःसा, हे परमप्रभु, छितः मालाजुइपिन्‍त छिं त्‍वःतादी मखु।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 26:12

हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यशैया 27:5

तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 32:17

धार्मिकताया फल शान्‍ति जुइ अले धार्मिकताया लिच्‍वः धाःसा सदांया निंतिं शान्‍ति व भरोसा जुइ।

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 42:19

तर जिमि दासत बाहेक मेपिं सु कांपिं दु धकाः? वा जिं छ्वयापिं दूत थें ख्‍वाँय्‌पिं सु दु धकाः? जिं थःगु लागिं अलग यानाम्‍ह थें ज्‍यापिं कांपिं सु दु धकाः? परमप्रभुया दास थें कांम्‍ह मेपिं सु दु धकाः?

यशैया 42:6

“जि, परमप्रभुं जिगु धार्मिकताकथं छन्‍त सःतागु दु, जिं छंगु ल्‍हाः ज्‍वनाः छन्‍त रक्षा याये। जिं छन्‍त जिमि मनूतलिसें जिगु बाचाया चिं अले यहूदीमखुपिनिगु निंतिं जः दय्‌काबी।

यशैया 48:2

छिमिसं थःपिं पवित्र शहरया नागरिक खः धकाः धाइ अले इस्राएलया परमेश्‍वरयाके भलसा तइ। वय्‌कःया नां दक्‍व शक्ति दुम्‍ह परमप्रभु खः।

यशैया 49:8

परमप्रभुं थथे धयादी, “जिं दयामाया यायेगु इलय् छन्‍त लिसः बी, अले उद्धारया दिनय् छन्‍त जिं ग्‍वाहालि याये। जिं छन्‍त जिमि मनूतलिसें जिगु बाचा चिनेत, देश हाकनं पलिस्‍था यायेत व उकिया नाश जूगु फुक्‍क सम्‍पत्ति हाकनं छिमिगु अधिकारय् हयेत,

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 50:10

छिपिं मध्‍ये सुनां परमप्रभुया भय काइ, अले वय्‌कःया दासया खँ मानय् याइ? जः मदय्‌क खिउँथाय् जुइपिं, परमप्रभुया नामय् भलसा ति अले थः परमेश्‍वरयाके हे भलसा या।

यशैया 66:12

परमप्रभुं थथे धयादी, “जिं शान्‍तियात खुसि थें अले जाति-जातितय्‌गु सम्‍पत्ति खुसिबाः थें यरूशलेमपाखे न्‍ह्याकाबी। छिमिसं दुरु त्‍वनेखनी अले छिमित ब्‍वहलय् क्‍वबियायंकी, अले मुलय् म्‍हितकीगु याइ।

यर्मिया 39:18

‘जिं छन्‍त बचय् याये। छन्‍त तरवारं स्‍याइ मखु, तर छ थःगु ज्‍यान बचय् यानाः बिस्‍युं वनी। छाय्‌धाःसा छं जितः भरोसा याःगु दु,’ परमप्रभुं धयादी।”

दानिएल 3:17

ह्वाना ह्वाना च्‍यानाच्‍वंगु मिया भट्टीइ जिमित वांछ्वःसां जिमिसं सेवा यानाम्‍ह परमेश्‍वरं जिमित बचय् यानादी फु। वय्‌कलं जिमित छःपिनिगु ल्‍हातं त्‍वःतकादी फु।

दानिएल 3:28

जुजुं धाल, “शद्रक, मेशक व अबेद्‌नगोया परमेश्‍वरया प्रशंसा जुइमा। थःत विश्‍वास याइपिं व थःगु सेवा याइपिं थुपिं स्‍वम्‍ह मनूतय्‌त बचय् यायेत वय्‌कलं थः स्‍वर्गदूतयात छ्वयाहयादिल। इमिसं जिगु खँ मन्‍यं, थः परमेश्‍वरयात त्‍वःताः मेपिं द्यःतय्‌त पुजा यायेगु स्‍वयाः थः सिनावनेत तयार जुल।

दानिएल 6:23

जुजु तसकं लय्‌तायाः दानिएलयात गालं थकाय्‌गु आज्ञा बिल। दानिएलयात सिहंत तयातःगु तःजाःगु गालं थकाःबलय् वयाके घाःया छुं चिं मलू, छाय्‌धाःसा वं परमेश्‍वरयाके भलसा तःगु खः।

मीका 5:5

अले वय्‌कःपाखें जक इमित शान्‍ति दइ। अश्‍शूरीत झीगु देशय् वयाः झीगु किल्‍लाय् हमला याइबलय् झीसं न्‍हय्‌म्‍ह जवाःत वा च्‍याम्‍ह नायःत इपिंलिसें ल्‍वायेत छ्वये।

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

यूहन्‍ना 16:33

जिगुपाखें छिमित शान्‍ति दयेमा धकाः जिं थथे धयाच्‍वनागु खः। थ्‍व संसारय् छिमित दुःख जुइ, अय्‌नं साहस या, जिं संसारयात त्‍याके धुन।”

रोमी 5:1

थुकथं झीगु विश्‍वासं झीत धर्मी ठहरय् यानाबी धुंकूगुलिं झी प्रभु येशू ख्रीष्‍टयापाखें परमेश्‍वरलिसे झीपिं मिलय् जुइदत।

फिलिप्‍पी 4:7

सुयागुं ज्ञान बुद्धिं थुइके मफुगु परमेश्‍वरयागु शान्‍तिं छिमिगु नुगः व मनयात ख्रीष्‍ट येशूपाखें बचय् याना तइ।