यशैया 26:21 - नेवाः बाइबल

²¹ परमप्रभु थः स्‍वर्गलोकं पृथ्‍वीइ च्‍वंपिं मनूतय्‌त इमिगु पापया निंतिं सजाँय बियादीत झायादीत्‍यंगु दु। पृथ्‍वीं थःके प्‍वंकूगु हि क्‍यनी, अले हत्‍या यानातःपिन्‍त सुचुका तइ मखु।

यशैया 26:21 ပူးပေါင်းရင်းမြစ်များ

अय्‍यूब 16:18

हे पृथ्‍वी, जिगु हियात त्‍वपुइ मते! अले जिगु बिन्‍ति गुबलें मदीमा!

अय्‍यूब 20:27

आकाशं वयागु अधर्म बांलाक क्‍यनी। पृथ्‍वी वयागु विरोधय् दनी।

यशैया 10:3

सजाँयया दिं व तापाकं वइगु आपत विपत वइबलय् छिमिसं छु यायेगु? छिपिं ग्‍वाहालिया निंतिं गन वनेगु? छिमिगु धन-सम्‍पत्ति गन त्‍वःतावनेगु?

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 18:4

परमप्रभुं जितः थथे धयादी, “तसकं छाःगु निभाः वा बाली लयेगु इलय् सुतिया सुपाँय् थें जि सुम्‍क च्‍वने अले जि च्‍वनागु थासं स्‍वये।”

यशैया 22:14

दक्‍व शक्ति दुम्‍ह परमप्रभुं जिगु न्‍हाय्‌पं लिक्‍क थथे धयादिल, “छिपिं सीगु दिं तक नं थ्‍व पापया प्रायश्‍चित जुइ मखु,” प्रभु, दक्‍व शक्ति दुम्‍ह परमप्रभुं धयादी।

यशैया 29:6

दक्‍व शक्ति दुम्‍ह परमप्रभु नँ न्‍याःगु सः, भुखाय्, तःधंगु सः, चाकः फय् व ग्‍वःफय्, नाश याइगु मिंनापं झायादी।

यशैया 65:6

“स्‍व, जिगु न्‍ह्यःने च्‍वयातःगु दु, जि सुम्‍क च्‍वने मखु, तर जिं इमित पूरा बदला काये, धात्‍थें हे जिं पूरा बदला काये।

यशैया 65:7

जिं छिमिगु व छिमि पुर्खातय्‌गु पापया बदला काये” परमप्रभुं धयादी। “छाय्‌धाःसा इमिसं पर्वतय् बलि छ्वय्‌कल, अले डाँडाय् जितः हेपय् यात। जिं इमिगु न्‍हापाया ज्‍याया पलेसा इमित पूरा बदला काये।”

यशैया 66:6

शहरपाखें पिहां वःगु हाःसः न्‍यँ! देगलं पिहां वःगु सः न्‍यँ! थः शत्रुतय्‌त पाय्‌छिगु बदला कायेगु थ्‍व परमप्रभुया सः खः!

इजकिएल 8:6

वय्‌कलं जितः धयादिल, “अय् सीमानिम्‍ह मनू, इमिसं छु यानाच्‍वंगु छं खं ला? इस्राएलया घरानां जितः जिगु पवित्र थासं तापाक तयेत थन घच्‍चाइपुगु ज्‍या यानाच्‍वंगु दु। तर छं व स्‍वयाः झन अप्‍वः घच्‍चाइपुगु ज्‍या खनी।”

लूका 11:40

छिपिं ला तसकं हे मूर्खत खनीसा। पिने च्‍वंगु दय्‌कूम्‍हय्‌सिनं हे दुने च्‍वंगु नं दय्‌कूगु मखु ला?

लूका 11:50

“अय्‌जूगुलिं पृथ्‍वी सृष्‍टि जूसांनिसें थौं तक स्‍याःपिं अगमवक्तातय्‌गु हियागु सजाँय थौंकन्‍हय्‌यापिं मनूतय्‌सं फये मालीतिनि।

प्रकाश 16:6

छाय्‌धाःसा छितः विश्‍वास याःपिं मनूतय्‌त व अगमवक्तातय्‌त स्‍याःपिं थुपिं हे खः। उकिं छिं थुमित हि त्‍वंकादिल। इपिं थथे हे यायेमाःपिं खः।”

प्रकाश 18:24

अगमवक्तातय्‌गु, परमेश्‍वरया मनूतय्‌गु व पृथ्‍वीइ स्‍याःपिनिगु हि अनं लुया वःगुलिं बेबिलोन थुकथं नाश जुल।”