यशैया 26:2 - नेवाः बाइबल

² शहरय् च्‍वंगु मू ध्‍वाखा चाय्‌कि अले पाय्‌छिगु ज्‍या याइपिं विश्‍वासी जातित अन दुहां वनेमा।

यशैया 26:2 ပူးပေါင်းရင်းမြစ်များ

भजनसंग्रहया सफू 106:5

अले छिं ल्‍ययातःपिं मनूतय्‌गु भिं जूगु खनाः जि लय्‌ताये फयेमा। छिगु जातिया लसताय् जि नं लय्‌ताये फयेमा, अले छिकपिनि मनूतनापं मिलय् जुयाः छितः प्रशंसा याये फयेमा।

भजनसंग्रहया सफू 118:19

जिगु लागि धर्मीत दुहां वनीगु ध्‍वाखा चाय्‌कादिसँ, अनं दुहां वनाः जिं परमप्रभुयात सुभाय् बी।

भजनसंग्रहया सफू 118:20

परमप्रभुया ध्‍वाखा थ्‍व हे खः, धर्मीत थुकी दुने दुहां वनी,

भजनसंग्रहया सफू 24:7

पुलांगु ध्‍वाखात चालाहुँ! पुलांगु लुखात चालाहुँ! अले तःधंम्‍ह जुजुयात दुहां वयेब्‍यु!

प्रस्‍थान 19:6

छिपिं जिगु निंतिं पुजाहारीतय्‌गु छगू राज्‍य व छगू पवित्र जाति जुइ।’ छं इस्राएलीतय्‌त धायेमाःगु खँ थ्‍व हे खः।”

यशैया 45:25

तर परमप्रभुं हे फुक्‍क इस्राएलया सन्‍तानतय्‌त बचय् यानादी। इपिं सकसिनं वय्‌कःया प्रशंसा याइ।

यशैया 54:14

धार्मिकताय् छन्‍त थापं याइ। क्‍वत्‍यलिपिंपाखें छ तापाक्‍क हे च्‍वनी, छ सुं खनाः नं ग्‍यायेमाली मखु। भयपाखें छ तापाक्‍क हे च्‍वनी, आतंक छंगु लिक्‍क वइ मखु।

यशैया 54:17

तर छन्‍त नाश यायेत दय्‌कूगु न्‍ह्याथें ज्‍याःगु ल्‍वाभलं नं छन्‍त बुके फइ मखु। अले छन्‍त दोष बीपिन्‍त छं सुम्‍क तइ। थ्‍व परमप्रभुया दासतय्‌गु निंतिं सर्बय जुइ। थ्‍व जिमि दासतय्‌त कोस्‍यालि खः,” परमप्रभुं घोषणा यानादी।

यशैया 58:8

अले छिमिगु जः सुथय्‌सियागु थें पिहां वइ, अले छिपिं याकनं हे लनावनी। अनंलि छिमिगु धार्मिकता छिमिगु न्‍ह्यः न्‍ह्यः वनी, अले परमप्रभुया महिमा धाःसा छिमित रक्षा यायेत ल्‍यूल्‍यू वइ।

यशैया 60:11

छंगु शहरया मू ध्‍वाखात न्‍ह्याबलें चालाच्‍वनी। उपिं ध्‍वाखात चान्‍हि गुबलय् नं तीमखु। गुकिं यानाः मनूतय्‌सं छन्‍थाय् जाति-जातितय्‌गु धन-सम्‍पत्ति हयेमाः। इमि जुजुतय् न्‍ह्यः न्‍ह्यः त्‍याःगुया जुलूस ज्‍वनाः दुहां वयेमा।

यशैया 60:18

छंगु देशय् हाकनं गुबलें ल्‍वापुख्‍यापु न्‍यनेमाली मखु, छंगु सिमानाया दुने गुबलें स्‍यंगु व नाश जूगु न्‍यनेमाली मखु। तर छंगु पःखाःयात मुक्ति धकाः धाइ, अले छंगु मू ध्‍वाखायात प्रशंसा धकाः धाइ।

यशैया 60:21

अनंलि छिमि फुक्‍क प्रजात धर्मी जुइ, इमिसं सदांया निंतिं देशय् अधिकार याइ। जिगु गौरव क्‍यनेत इपिं जिं पिनागु माचा थें खः, अले इपिं जिगु ल्‍हाःया ज्‍या खः।

यशैया 61:3

व सियोनय् दुखं च्‍वनाच्‍वंपिन्‍त नौया पलेसा तसकं बांलाःगु श्रीपेच, व दुखं पलेसा लसताया चिकं बीत, ख्‍वःगु नुगःया पलेसा प्रशंसाया वसः पुंकाबीत, वय्‌कःया गौरव खनेदयेमा धकाः इमित परमप्रभुं हे पिनादीगु धार्मिकताया स्‍वसिमात धकाः धाइ।

यशैया 62:1

यरूशलेमया धार्मिकता सुथ न्‍हापांया जः थें खनेमदुतले, अले वयागु मुक्ति च्‍यानाच्‍वंगु मिप्‍वाःया जः थें खनेमदुतले, सियोनया निंतिं जि सुम्‍क च्‍वने मखु। यरूशलेमया निंतिं जि सुम्‍क च्‍वने मखु।

यशैया 62:10

हुँ, मू ध्‍वाखापाखें जुयाः हुँ! मनूतय्‌गु निंतिं लँपु दय्‌कि! दय्‌कि, मू लँ दय्‌कि! अन दुगु ल्‍वहंत चीकाछ्व। अले जाति जातितय्‌गु निंतिं चिंया झण्‍डा धस्‍वाकि।

यशैया 62:2

जाति जातितय्‌सं छंगु धार्मिकता व फुक्‍क जुजुपिन्‍सं छंगु गौरव खनी, अले छन्‍त धाःसा परमप्रभु थःम्‍हं हे तयादीगु न्‍हूगु नामं सःती।

जकरिया 8:20

दक्‍व शक्ति दुम्‍ह परमप्रभुं थथे धयादी, “यक्‍व मनूत व यक्‍व शहरयापिं मनूत यरूशलेमय् वइगु ई वइतिनि।

प्रेरित 2:47

थुकथं इमिसं परमेश्‍वरयात तःधंका च्‍वन। मनूतय्‌सं नं इमित मानय् या। अले उद्धार जूपिन्‍त प्रभुं न्‍हिं न्‍हिं इमिगु पुचलय् तना बियादिल। थुकथं इपिं अप्‍वः दयावन।

१ पत्रुस 2:9

छिपिं ला ल्‍ययातःपिं, जुजुया पुजाहारी, पवित्रपिं व परमेश्‍वरया थः हे मनूत खः। वय्‌कःयात तःधंका जुइत हे छिमित खिउँथासं वय्‌कःया अजू चायापुगु जलय् हयादीगु खः।

२ पत्रुस 3:13

थथे जुइ धुंकाः हानं मेगु हे न्‍हूगु आकाश व पृथ्‍वी दय्‌कादी धकाः परमेश्‍वरं धयादीगु दु। थ्‍व न्‍हूगु आकाश व पृथ्‍वीइ धर्मीपिं मनूत जक च्‍वने खनी। थ्‍व हे न्‍हूगु आकाश व पृथ्‍वीयात झीसं पियाच्‍वनागु खः।

यहूदा 1:3

यःपिं दाजुकिजापिं, जिं छिमित परमेश्‍वरं झी सकसितं इना बियादीगु मुक्तियागु खँ च्‍वयेगु मतिइ तयागु खः। अय्‌नं आः छिमित परमेश्‍वरं बियादीगु सत्‍य खँय् हे छिपिं क्‍वात्तुक च्‍वनाच्‍वँ धकाः न्‍वायेगु हे जितः तसकं बांलाः ताल।

प्रकाश 21:24

थुकियागु जलय् जात जातियापिं मनूत जुइ। अले संसारयापिं जुजुपिन्‍सं थःगु सम्‍पत्ति व महिमा अन हे हइ।

प्रकाश 5:9

इमिसं थथे धकाः छपु न्‍हूगु म्‍ये हाल – “थ्‍व भ्‍वंथुइ च्‍वंगु छाप तछ्यानाः छिं हे जक फ्‍यनादी फु, छाय्‌धाःसा छितः स्‍याये धुंकल, अले छिगु हिं परमेश्‍वरया लागि फुक्‍क कुलयापिं, फुक्‍क भाषां नवाइपिं, फुक्‍क देशयापिं व फुक्‍क जात जातियापिन्‍त न्‍यानादिल।