यशैया 26:18 - नेवाः बाइबल

¹⁸ जिमित दुःखकष्‍ट व सास्‍ती जुल तर जिमिसं छुं नं बुइकागु मदु। जिमिसं थः देशयात बचय् याये मफुत। न संसारय् जीवन हे हयेफत।

यशैया 26:18 ပူးပေါင်းရင်းမြစ်များ

होशे 13:13

मचा बुइकीबलय् मिसायात जूगु थें कष्‍ट वयाके वइ, व बुद्धि मदुम्‍ह मचा थें खः, गुम्‍ह बुइत मानय् जुइ मखु, बुइगु ई जुइ धुंकल तर व कोखय् च्‍वनाच्‍वनी।

भजनसंग्रहया सफू 17:14

जीवनय् थःत यःगु फुक्‍क खँ धायेफु धकाः जुइपिं मनूतपाखें जितः बचय् यानादिसँ। इमिगु लागिं छिं मुंकातयादीगु दुःखं इमित सजाँय बियादिसँ। अज्‍याःगु सजाँय इमि सन्‍तान तकयात यक्‍व दयेमा, अले इमि छय्-छुइपिनिगु लागिं नं छुं ल्‍यनेमा।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यशैया 37:3

इमिसं वयात धाल, “हिजकिया जुजुं थथे धाःगु दु – थौं झीसं दुःख सीगु दिं खः। झीसं सजाँय फयाच्‍वनागु दु अले झीगु बेइज्‍जत जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

२ राजा 19:3

इमिसं वयात धाल, “हिजकिया जुजुं थथे धयादी, थौं झीसं दुःख सीगु दिं खः। झीत क्‍वह्यंकूगु दु अले झीगु अपमान जूगु दु! थ्‍व मचाबुइगु ई त्‍ययाः नं मचाबुइकेगु बल मदुगु थें खः।

यशैया 33:11

छिमिसं छ्वसयात प्‍वाथय् दय्‌की, छिमिसं सुपाखें गनावने धुंकूगु सुयात बुइकी। छिमिगु सासः छिमित हे नाश याइगु मि खः।

१ शमूएल 14:45

तर मनूतय्‌सं शाऊलयात धाल, “छु जोनाथनयात स्‍यायेगु ला? थथे ला जुइ हे फइ मखु! व हे जोनाथन गुम्‍हय्‌सिनं फुक्‍क इस्राएलीतय्‌गु निंतिं थुलि तःधंगु विजय यानादिल, व सीगु ला? धात्‍थें परमप्रभु म्‍वाःम्‍ह खः थें, वयागु छपु नं सँ बँय् कुतुं वनी मखु, छाय्‌धाःसा थौं वं हे परमेश्‍वरया ग्‍वाहालिं ज्‍या याःगु दु।” थुकथं मनूतय्‌सं जोनाथनयात सीगुपाखें बचय् यात।

१ शमूएल 11:13

तर शाऊलं धाल, “थौं छम्‍ह नं स्‍यायेगु जुइ मखु छाय्‌धाःसा थौंयागु न्‍हिइ परमप्रभुं इस्राएलीतय्‌त बचय् यानादी।”

१ यूहन्‍ना 5:19

झीपिं परमेश्‍वरया सन्‍तान खः, अले थ्‍व संसारय् च्‍वंपिं मेपिं फुक्‍क मनूत शैतानया मनूत खः धकाः नं झीसं स्‍यू।

यूहन्‍ना 7:7

संसारय् च्‍वंपिन्‍सं छिमित हेला याये फइ मखु। जिं संसारय् च्‍वंपिन्‍सं याना जूगु ज्‍याखँ मभिं धकाः धयागुलिं इमिसं जितः हेला याइ।