यशैया 26:12 - नेवाः बाइबल

¹² हे परमप्रभु, छिं जिमित सुख शान्‍ति बियादी, जिमिसं छु क्‍वचाय्‌के धुनागु खः, व फुक्‍क छिं हे जिमिगु निंतिं यानादीगु खः।

यशैया 26:12 ပူးပေါင်းရင်းမြစ်များ

भजनसंग्रहया सफू 29:11

परमप्रभुं थः मनूतय्‌त बल बियादी परमप्रभुं थः मनूतय्‌त शान्‍तिया सुवाः बियादी।

भजनसंग्रहया सफू 57:2

जिं दक्‍वसिबय् तःधंम्‍ह परमेश्‍वरयात प्रार्थना याये। वय्‌कलं जिगु सकतां पूवंकादी।

भजनसंग्रहया सफू 57:3

वय्‌कलं जिगु निंतिं स्‍वर्गं ग्‍वाहालि छ्वयाहयादी, अले जितः बचय् यानादी। वय्‌कलं जितः लित्तुलिनाजूपिन्‍त बुकाछ्वयादी। सेला वय्‌कलं गुब्‍सं मफुइगु थःगु दया माया व वय्‌कः विश्‍वास याये बहःम्‍ह खः धकाः क्‍यनादी।

भजनसंग्रहया सफू 68:28

हे परमेश्‍वर, छिं थःगु शक्ति क्‍यनादिसँ, न्‍हापा क्‍यनादी थें थःगु शक्ति क्‍यनादिसँ,

भजनसंग्रहया सफू 90:17

परमप्रभु, जिमि परमेश्‍वर, छिगु दया माया जिमिके दयेमा, जिमिसं यानागु फुक्‍क ज्‍याय् जिमित ताःलाकादिसँ।

यशैया 26:3

परमप्रभु, सुनां सुनां थःगु मन क्‍वातुकी इमित पूवंक शान्‍ति बियादी छाय्‌धाःसा इमिसं छिके भलसा तइ।

यशैया 27:5

तर जिमि शत्रुत जिं रक्षा याःगु यय्‌काच्‍वंगु दु धयागु खःसा इमिसं जिनापं मिलय् जुइमा। खः, धात्‍थें इपिं जिनापं मिलय् जुइमा।”

यशैया 29:23

इमिसं थः यक्‍व काय्‌म्‍ह्याय्‌पिं व जिं इमित बियागु आशिष खनीबलय् इमिसं जिगु नांयात पवित्र याइ। इमिसं याकूबया तच्‍वकं पवित्रम्‍ह परमेश्‍वरयात धात्‍थें हे पवित्रम्‍ह खः धकाः नाला काइ, अले इस्राएलया परमेश्‍वरया भय काइ।

यशैया 32:18

जिमि प्रजा धाःसा शान्‍ति च्‍वनेगु थाय् जुइ, सुरक्षा दुगु छेँत, व हाःसः मदुगु आराम कायेगु थासय् च्‍वनी।

यशैया 57:10

छिमिगु फुक्‍क चालचलनं यानाः छिपिं त्‍यानुचाल, अय्‌नं छिमिसं थथे मधाः, ‘आशा मन्‍त।’ छिमित न्‍हूगु बल दत, अय्‌जूगुलिं छिपिं इकुसे च्‍वंसां क्‍वमदल।

यशैया 57:19

जिं इमिगु म्‍हुतुइ प्रशंसा हये, तापाक्‍क व लिक्‍क च्‍वंपिन्‍त शान्‍ति दयेमा,” परमप्रभुं धयादी, “जिं छिमित लंकाबी।”

यशैया 9:6

छाय्‌धाःसा झीगु निंतिं छम्‍ह मचा बूगु दु। झीगु निंतिं छम्‍ह काय् ब्‍यूगु दु। वं हे झीत राज्‍य याइ। वय्‌कःया नां “तसकं अजू चाइपुसे च्‍वंम्‍ह सल्‍लाहकार,” “शक्ति दुम्‍ह परमेश्‍वर,” “सदांयाम्‍ह अबु,” “शान्‍तिया राजकुमार” जुइ।

यर्मिया 33:6

“‘अथेजूसां, जिं थःम्‍हं हे थ्‍व शहरयात लाय्‌काः हाकनं स्‍वस्‍थ यानाबी। अले थनयापिं मनूतय्‌त गाक्‍क सुरक्षा व शान्‍ति बी।

इजकिएल 20:14

तर गुगु जातियापिं मनूतय्‌गु मिखाया न्‍ह्यःने जिं इमित पित हया, उपिं जातियापिं मनूतय्‌गु मिखाया न्‍ह्यःने जिगु नां अपवित्र मजुइमा धकाः जिं जिगु नांया इज्‍जतयात रक्षा यायेगु ज्‍या याना।

इजकिएल 20:22

तर जिं इमित पित हयागु खंपिं जातितय्‌गु न्‍ह्यःने जिगु नां बदनाम मजुइमा धकाः जिं थःगु ल्‍हाःयात पना, जिं जिगु नांया इज्‍जतयात रक्षा यायेगु ज्‍या याना।

इजकिएल 20:9

तर जिं अथे मयाना, छाय्‌धाःसा जिं जिगु नांया इज्‍जतयात रक्षा यायेगु ज्‍या याना। जिं इस्राएलीतय्‌त मिश्र देशं पितहःगु खंपिं जःखः च्‍वंगु जातितय्‌गु दथुइ जिं थःगु नांयात बदनाम जुइके मबिया।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

गन्‍ती 6:26

परमप्रभुं थःगु ख्‍वाः छपाखे हीकादीमा अले छन्‍त शान्‍ति बियादीमा।”’

यूहन्‍ना 14:27

“छिमित शान्‍ति बिया थके। जिं जिगु शान्‍ति छिमित बी। संसारं बीगु थज्‍याःगु शान्‍ति ला जिं छिमित बी मखु। छिमिसं नुगः मछिंके म्‍वाः, अले ग्‍याये नं म्‍वाः।

एफिसी 2:10

छाय्‌धाःसा झीपिं भिंगु ज्‍याया निंतिं ख्रीष्‍ट येशूपाखें सृष्‍टि यानातःपिं वय्‌कःया ल्‍हाःया सीप खः। वय्‌कलं न्‍हापांनिसें दय्‌कातःगु भिंगु ज्‍याखँ झीगुपाखें जुइ फयेमा धकाः झीत तयार यानादीगु खः।

व्‍यवस्‍था 30:6

गुकिं यानाः छिपिं म्‍वानाच्‍वनेत छिमिसं परमप्रभु थः परमेश्‍वरयात दुनुगलंनिसें व थःगु फुक्‍क प्राणं वय्‌कःयागु माया याये फयेमा, वय्‌कलं छिमिगु व छिमि सन्‍तानतय्‌गु नुगः हीकादी।

हिब्रू 13:20

परमेश्‍वरं तःधंम्‍ह फैजवाः झी प्रभु येशूयात सीम्‍हं हानं म्‍वाकादीगु दु। अले वय्‌कःयागु हे हिं शान्‍ति बीम्‍ह परमेश्‍वरं झीपिंलिसे सदांया निंतिं बाचा चिनादीगु दु।