यशैया 25:3 - नेवाः बाइबल

³ अथे जुयाः बल्‍लाःपिं जातितय्‌सं छिगु प्रशंसा याइ। दया मदुपिनि जातितय् शहरं छितः हनाबना तइ।

यशैया 25:3 ပူးပေါင်းရင်းမြစ်များ

भजनसंग्रहया सफू 66:3

परमेश्‍वरयात धा, “छिं यानादीगु ज्‍या गपाय्‌सकं अजू चायापु। छिगु शक्ति नं थुलि तःधं, शत्रुत छिगु न्‍ह्यःने ग्‍यानाः कय्‌कुनी।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 24:15

अथे जुयाः पुर्बय् च्‍वनीपिन्‍सं परमप्रभुया प्रशंसा या! समुद्रया सिथय् च्‍वनीपिन्‍सं परमप्रभु इस्राएलया परमेश्‍वरया नांया प्रशंसा या!

यशैया 29:5

तर छं यक्‍व शत्रुत नचुगु धू थें जुइ। अले दया मदुपिंनिगु पुचः याकनं फसं पुइके यंकेगु छ्वसँ थें जुइ। छक्‍वलं, अले मतिइ मतःगु इलय्!

इजकिएल 38:23

थुकथं फुक्‍क जातितय्‌त जि तःधंम्‍ह व पवित्रम्‍ह खः धकाः क्‍यने। अबलय् इमिसं जि हे परमप्रभु खः धकाः सी।’”

मीका 7:17

इमिसं ताहानं थें, बँय् घिसय् जुया जुइपिं जन्‍तुं थें म्‍हुतुं धू फ्‍यइ। थथःगु प्‍वालं थुरथुर खाखां इपिं पिहां वइ। इपिं ग्‍यानाः परमप्रभु झी परमेश्‍वरपाखे लिहां वइ, अले इपिं छिपिं खनाः ग्‍याइ।

जकरिया 14:16

अनं लिपा यरूशलेमय् हमला याःपिं जाति जातितपाखें म्‍वाःपिं सकलें दक्‍व शक्ति दुम्‍ह परमप्रभुयात जुजु भाःपियाः आराधना यायेत व बल्‍चाबाय्‌या नखः हनेत दँय्‌दसं यरूशलेमय् वनी।

जकरिया 14:9

उखुन्‍हु हे परमप्रभु फुक्‍क पृथ्‍वीयाम्‍ह जुजु जुयादी। सकल मनूतय्‌सं वय्‌कःयात परमप्रभु धकाः आराधना याइ अले व हे नामं वय्‌कःयात म्‍हसीकी।

प्रकाश 11:13

अबलय् हे तसकं भ्‍वखाय् ब्‍वल। झिब्‍वय् छब्‍व शहर दुनावन। भ्‍वखाय् ब्‍वःबलय् न्‍हय्‌द्वः मनूत सित। ल्‍यंदनिपिं मनूत फुक्‍क ग्‍यानाः स्‍वर्गय् च्‍वंम्‍ह परमेश्‍वरयात तःधंकल।