यशैया 25:2 - नेवाः बाइबल

² छिं शहरत नाश यानादीगु दु अले इमिगु किल्‍लात नं नाश यानादीगु दु। शत्रुतय्‌सं दय्‌कूगु जुजुया दरबारत नं नाश यानादीगु दु, उपिं हाकनं गुबलें नं दय्‌की मखुत।

यशैया 25:2 ပူးပေါင်းရင်းမြစ်များ

यशैया 17:1

दमस्‍कसया विरोधय् अगमवाणी, “स्‍व, दमस्‍कस शहर दइ मखुत। व दुना वनाः तःजाःगु द्वँ जक जुइतिनि।

यशैया 13:22

अनयागु किल्‍ला व दरबारय् ध्‍वंचातय्‌सं व फ्‍याकाधोंतय्‌सं थ्‍वय्‌कः हाःगु सः ताये दइ। बेबिलोनया ई लिक्‍क वःगु दु, वयागु ई आः अप्‍वः मन्‍त।

यशैया 25:12

छंगु तःतज्‍जाःगु किल्‍लात दुगु पःखात वय्‌कलं थुनादी, अले उमित बँय् धुलय् वान्‍छ्‌वयादी।

प्रकाश 18:19

ह्वाँय्‌ह्वाँय् ख्‍वख्‍वं छेनय् धू बुतुबुलाः नुगः मछिंकाः इपिं थथे धकाः हाल – “धिक्‍कार, धिक्‍कार, व तःधंगु शहर! समुद्रय् जहाज चले याइपिं फुक्‍कं वयागु धनं यानाः तःमि जुल। घौछिं हे व शहर नाश जुयाः वन।

यर्मिया 51:26

इमिसं छंकेनं छेँया कुन्‍चाय् तयेत व जग तयेत छगः मू ल्‍वहं नं काइ मखु। छाय्‌धाःसा व थाय् न्‍ह्याबलेंया लागि सुनसान जुयाच्‍वनी,” परमप्रभुं धयादी।

यशैया 23:13

बेबिलोनीतय् देशयात स्‍व, व जातियागु आः छुं नं ल्‍याःचाः मन्‍त। अश्‍शूरीतय्‌सं उकियात मरुभूमिया पशुततय्‌गु निंतिं थाय् दय्‌कूगु दु। इमिसं घेरय् यायेगु धरहरात दय्‌कल अले उकिया किल्‍लात धाःसा नाश यानाः झिजांमिजां यानाबिल।

यशैया 21:9

स्‍वयादिसँ! सलया पुचः दुगु रथय् छम्‍ह मनू वयाच्‍वंगु दु। अले वं लिसः बियाः थथे धाइ, ‘बेबिलोन स्‍यने धुंकूगु दु, उकिया कतां कियाः दय्‌कातःगु मूर्तित कुचा कुचा जुयाः बँय् कुतुं वयाच्‍वंगु दु।’”

यशैया 14:23

अले जिं बेबिलोनयात न्‍हिकांझंगः च्‍वनीगु थाय् व ध्‍याचःया ध्‍याचः दुगु थाय् यानाबी। जिं तुफिं बँ पुयाः सुचूकु थें यायेत इमिगु सामान फुक्‍क नाश यानाबी।” दक्‍व शक्ति दुम्‍ह परमप्रभुं धयादी।

व्‍यवस्‍था 13:16

अनयागु फुक्‍क मालसामान शहरया लाछिइ मुंकाः व शहर व मालसामानयात छ्वय्‌काब्‍यु। परमप्रभु छिमि परमेश्‍वरयागु निंतिं व होमबलि थें जुइ। व शहर न्‍ह्याबलेंया लागि भस्‍म जुया हे च्‍वनेमाः। उकियात हानं दय्‌के मते।

यशैया 17:3

दक्‍व शक्ति दुम्‍ह परमप्रभुं थथे धयादी, इस्राएलया घेरय् यानातःगु शहरत नाश जुइ अले दमस्‍कसया शाही शक्ति मदयावनी। अले बचय् जुयाः ल्‍यंदनीपिं अरामीत नं इस्राएलीतय्‌गु गौरव थें लाजय् लाइ।

अय्‍यूब 12:14

वय्‌कलं स्‍यंकादीगुयात हाकनं दय्‌के फइ मखु। वय्‌कलं ज्‍वनायंकूपिन्‍त छुत्‍कारा दइ मखु।

यशैया 23:11

परमप्रभुं थःगु ल्‍हाः समुद्रय् चकंकादीगु दु। अले जःखः च्‍वंगु राज्‍ययात थरथर खाके बियादीगु दु। वय्‌कलं फोनिकेया किल्‍लात नाश यायेत उजं बियादीगु दु।

यशैया 26:5

वय्‌कलं घमण्‍डीतय्‌त क्‍वमिलु यानादी। इपिं बाय् च्‍वनाच्‍वंगु बल्‍लाःगु शहर नाश यानादी। अले उकियात चुंचुं यानाः धुलय् मिलय् यानादी।

यशैया 27:10

रक्षा यानातःगु शहर झिजांमिजां जुल अले त्‍वःतातःगु थाय् मरुभूमि थें जुल। अन साचात ज्‍वयेगु याइगु खः, अन इपिं आराम काइगु खः अले इमिसं अनया कचात द्येनाः नांगां यानाबी।

यशैया 32:14

जुजुया दरबार त्‍वःताछ्वइ, यक्‍व मनूत दुगु लिमलाःगु शहर सुनसान जुइ। किल्‍लात व धरहरात सदांया लागिं उजाड जुइगु बुँ जुइ। गुँ गधातय्‌गु निंतिं लसता व सा द्वहं व फैच्‍वलय्‌तय्‌गु निंतिं घाँय्‌ख्‍यः जुइ।

यशैया 32:19

प्‍वँनं गुँयात नाश याःथें वा फुक्‍क शहर माथं वंकूसां नं,

यशैया 34:13

उकिया किल्‍लाया च्‍वय् कंमा अले किल्‍लाय् न्‍हाय्‌कंमा व झाःत बुया वइ। व ध्‍वंचात च्‍वनेगु थाय् व न्‍हिकांझंगःत च्‍वनेगु छेँ जुइ।

यशैया 37:26

“यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

यर्मिया 9:11

परमप्रभुं धयादी, “जिं यरूशलेमयात नाश यानाः ध्‍वंचात च्‍वनीगु नाशया द्वँ दय्‌काबी, यहूदाया शहरतय्‌त झिजांमिजां दंगुथाय् यानाबी। अन सुं नं च्‍वने फइ मखु।”

यशैया 13:20

अन हाकनं सुं बाय् च्‍वने फइ मखु। सुं चाचाःहिला जुइपिं मनूतय्‌सं अन पाल ग्‍वइ मखु। सुं जवालं अन पशु ज्‍वये यंकी मखु।

यशैया 13:21

तर अन मरुभूमिइ च्‍वनीपिं पशुत आराम कायेगु याइ। इमिगु छेँत ध्‍वंचातय्‌सं जाइ। अन न्‍हिकांझंगःतय्‌सं स्‍वँ दय्‌की। गुँ च्‍वलय्‌चात अन तितिंन्‍हुया म्‍हितिगु थाये जुइ।

यशैया 24:10

नाश जूगु शहर छ्यालब्‍याल जुइ धुंकल। रक्षाया निंतिं मनूत फुक्‍कसिनं थथःपिनिगु छेँया खापा तिनाच्‍वंगु दु।