यशैया 24:4 - नेवाः बाइबल

⁴ पृथ्‍वीइ गनाः सुकूचिनी, संसार कमजोर जुइ अले सुकूचिनी, पृथ्‍वीयापिं ततःधंपिं मनूत बःमलानावनि।

यशैया 24:4 ပူးပေါင်းရင်းမြစ်များ

यशैया 24:21

व दिंखुन्‍हु, परमप्रभुं आकाशया शक्तियात व पृथ्‍वीया जुजुतय्‌त सजाँय बियादी।

यशैया 24:3

पृथ्‍वी फुक्‍क नाश जुयावनी अले फुक्‍क थासय् लुतय् यायेगु याइ, परमप्रभुं हे थ्‍व खँ धयादीगु खः।

यशैया 28:1

धिक्‍कार, एफ्राइमया अय्‌लाःगुलुतय्‌गु घमण्‍डया श्रीपेचयात! धिक्‍कार, सुकूगनावनीगु स्‍वांया श्रीपेचयात गुगु छकः तसकं बांलाःगु खः! थ्‍व शहर दाखमद्यं काःपिनिगु छगू यक्‍व सइगु ब्‍यासिया च्‍वय् पाखे लाः।

यशैया 3:26

सियोनया मू ध्‍वाखा ध्‍वाखाय् ख्‍वःसः जक जुइ अले मनू सीगुलिं नुगः मछिंका बँय् फेतुनाच्‍वम्‍ह मिसा थें फुक्‍क शहर झिजांमिजां दनी।

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

यशैया 64:6

जिपिं सकलें अशुद्ध मनूत थें जूगु दु, अले झीगु फुक्‍क धर्मया ज्‍या भ्‍वाथःगु कापः थें खः। जिपिं फुक्‍कं सिमाहः थें गनावनी अले जिमिगु पापं जिमित फसं थें पुइकायंकी।

यर्मिया 12:4

देशय् गुबलय् तक वा मवयाच्‍वनीगु? ख्‍यलय् च्‍वंगु घाँय् गुबलय् तक गनाः सुकूचिना च्‍वनीगु? देशय् च्‍वंपिं मनूतय्‌सं याःगु मभिंगु ज्‍याया कारणं पशुत व झंगःत फुक्‍क नाश जुइ धुंकल। छाय्‌धाःसा मनूतय्‌सं “झीत छु जुइ, वय्‌कलं खनी मखु” धयाच्‍वंगु दु।

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

विलाप 1:4

सियोन वनीगु लँ नुगः मछिंकाच्‍वंगु दु, छाय्‌धाःसा क्‍वछिनातःगु नखःचखःबलय् अन सुं वइ मखु। वया ध्‍वाखात झिजांमिजां जूगु दु, वया पुजाहारीतय्‌सं झसुकाः जक तइ। वया ल्‍यासेपिं मिस्‍त तसकं नुगः मछिंकाच्‍वंगु दु। वं तसकं दुःख सियाच्‍वंगु दु।

होशे 4:3

अथे जुयाः थ्‍व देशं नुगः मछिंकी, थन च्‍वनीपिं दक्‍व मनूतनापं पशुत, आकाशय् ब्‍वइपिं झंगःत व समुद्रय् च्‍वनीपिं न्‍यात नं नाश जुइ।

योएल 1:10

बुँयात उजाड यानाब्‍यूगु दु। बँ सुख्‍खा जूगु दु, अन्‍न नष्‍ट जूगु दु, न्‍हूगु दाखमद्य मदये धुंकल, चिकं नं मदये धुंकल।