यशैया 24:1 - नेवाः बाइबल

¹ स्‍व, परमप्रभुं पृथ्‍वीयात झिजांमिजां यानादी। वय्‌कलं उकियात नाश यानादी, वय्‌कलं पृथ्‍वीया सतहयात तहसनहस यानादी, अन च्‍वंपिं मनूतय्‌त छ्यालब्‍याल यानादी।

यशैया 24:1 ပူးပေါင်းရင်းမြစ်များ

२ राजा 21:13

जिं सामरियाय् तयागु नापे याइगु खिपः व आहाबया घरानाया लागि यख्‍खानागु गं हे यरूशलेमय् तयाबी। सुनानं न्‍याक्‍क सिलाः भ्‍वपुइकूगु भु थें जिं यरूशलेमयात न्‍याक्‍क सिलाबी।

नहेम्‍याह 1:8

“छिं मोशायात धयादीगु थ्‍व खँ लुमंकादिसँ, ‘छिपिं इस्राएलयापिं मनूत विश्‍वास मदुपिं जुल धाःसा जिं छिमित जाति जातितय्‌गु दथुइ छ्यालब्‍याल यानाबी।

भजनसंग्रहया सफू 146:9

परमप्रभुं झीगु देशय् दुपिं परदेशीतय्‌त रक्षा यानादी, वय्‌कलं मां-बौ मदुपिं व भाःत मदुपिं मिस्‍तय्‌त वास्‍ता यानादी। तर मभिंपिं मनूतय्‌गु ग्‍वसाःयात ताःलाकादी मखु।

यशैया 13:13

अथे जुयाः जिगु तमं व दिंखुन्‍हु आकाशयात थरथर खाकाबी। अले जि दक्‍व शक्ति दुम्‍ह परमप्रभुया क्रोधं पृथ्‍वी सनी।”

यशैया 13:5

इपिं पृथ्‍वीया दक्‍वसिबय् लिपांगु देशं वयाच्‍वंगु दु, थःगु क्रोधं देय् छगुलिंयात नाश यायेत परमप्रभु झायाच्‍वंगु दु।

यशैया 2:19

परमप्रभुं पृथ्‍वीइ ग्‍यानापुगु छ्वया हयादीबलय् परमप्रभुया दण्‍डपाखें बचय् जुइत व वय्‌कःया महिमा व तःजिगु शक्तिपाखें सुपिलेत इपिं तग्‍वःगु ल्‍वहंया गुफाय् व जमिनया प्‍वालय् दुहांवनी।

यशैया 24:19

पृथ्‍वी चिरिबाइ अले चिरिबायाः निगू ब्‍वः जुइ। पृथ्‍वी तसकं सनी।

यशैया 24:20

पृथ्‍वी अय्‌लाःगुलुत लँय् धेधेचुयाः जू थें व ग्‍वःफय् वयाः बल्‍चायात संकूगु थें सनी। अले थःपिन्‍सं यानागु विद्रोहया दोष वयात तःधंगु झ्‍यातुगु ल्‍ह्वने हे मफुगु कु थें जूगु दु गुकिं यानाः व गुबलें दने मफय्‌क क्‍वदःगु दु।

यशैया 27:10

रक्षा यानातःगु शहर झिजांमिजां जुल अले त्‍वःतातःगु थाय् मरुभूमि थें जुल। अन साचात ज्‍वयेगु याइगु खः, अन इपिं आराम काइगु खः अले इमिसं अनया कचात द्येनाः नांगां यानाबी।

यशैया 29:16

कुमालं न्‍हायाः तःगु चा थें धकाः छिमिसं मतिइ तयाः खँयात अःखः जःखः याइ! छु दय्‌कातःगु थलबलं दय्‌कीम्‍हय्‌सित “छं जितः दय्‌कूगु मखु” धकाः धाइ ला? “छं जितः दय्‌कूगु मखु?” छु दय्‌कूगु थलबलं कुमाःया खँय् “वं छुं नं मस्‍यू” धकाः धाये फइ ला?

यशैया 29:2

अय्‌नं जिं अरीएलयात घेरा लगय् याये अले व ख्‍वइ, दुखं च्‍वनी, व जिगु निंतिं वेदीइ च्‍यानाच्‍वंगु मि जुइ।

यशैया 30:32

सजाँय बीगु कथिं परमप्रभुं इपिं फुक्‍कसित कय्‌कादी, व ल्‍हाःया दम्‍फु व वीणाया सःनापं जुइ। थःगु ल्‍हाःया शक्तिं वय्‌कः इपिंनापं लडाइँ यानादी।

यशैया 32:12

जिमि मनूतय्‌गु यक्‍व सइगु बुँया निंतिं नुगःपा दा, अले फल बीगु दाखमातय्‌गु निंतिं,

यशैया 33:9

देशं विलाप याइ अले झिजांमिजां दनि। लेबनान लाजय् लाइ अले सुकूगनावनी। शारोन अराबा थें जुइ। बाशान व कर्मेलं थःगु हःत कुर्का हइ।

यशैया 34:10

व चच्‍छि न्‍हिच्‍छि हे च्‍यानाच्‍वनी। उकियागु कुँ न्‍ह्याबलें थाहां वनाच्‍वनी। पुस्‍तां पुस्‍ता तक व झिजांमिजां दनाच्‍वनी, अनं जुयाः सुं नं हाकनं वनी मखु।

यशैया 34:2

परमप्रभु फुक्‍क देशयापिं मनूतनापं तंपिकयादीगु दु। वय्‌कःया तं इमि फुक्‍क सिपाइँतय्‌त लाःगु दु। वय्‌कलं इमित धात्‍थें हे भज्‍यंक नाश यानादी। वय्‌कलं इमित मनू स्‍याइपिनिगु ल्‍हातय् तयादीगु दु।

यशैया 42:15

जिं डाँडात व पर्वततय्‌त नाश याये, स्‍वांसिमात गंकाबी। जिं खुसितय्‌त टापुइ हिलाबी, अले पुखूत गंगु बँ यानाबी।

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यर्मिया 4:7

छम्‍ह सिंह थःगु गुफां पिहां वःगु दु। जातितय्‌त नाश याइम्‍ह पिहां वये धुंकूगु दु। छिमिगु देशयात नाश यायेत व थःगु थासं पिहां वये धुंकूगु दु। छिमिगु शहर मनूत मदयाः नाश जुइ।

यर्मिया 40:15

अले कारेहया काय् योहानानं मिस्‍पाय् गदल्‍याहयात सुं मदुगु थासय् थथे धाल, “जि वनाः नतन्‍याहया काय् इश्‍माएलयात स्‍याये ला? थ्‍व खँ सुनानं सी मखु। छिगु प्‍येखेरं मुंवःपिं यहूदाया मनूतय्‌त छ्यालब्‍याल जुइके बीत, अले यहूदाया ल्‍यनाच्‍वंपिं नाश जुइके बीत वयात छाय् छिगु ज्‍यान काय्‌के बीगु?”

यर्मिया 50:17

“इस्राएल ला सिंहं लिनाः छ्यालब्‍याल जूगु बथां थें खः। वयात न्‍हापा ला अश्‍शूरयाम्‍ह जुजुं नल, लिपतय् बेबिलोनयाम्‍ह जुजु नबूकदनेसरं वयागु क्‍वँय्‌त त्‍वथुलाबिल।”

यर्मिया 51:34

सियोनयापिं मनूतय्‌सं धाइ, “बेबिलोनयाम्‍ह जुजु नबूकदनेसरं जिमित नयाबिल, वं जिमित अलमल यानाबिल। जिमित वं छगः प्‍वंगु थल थें यानाब्‍यूगु दु। वं जिमित पपुदुपिं अजिङ्‌गरं थें नुनाछ्वल। साःगु नसायात थें जिमित नयाः थःगु प्‍वाः जाय्‌कल, अनंलि ल्‍ह्वयाः जिमित वांछ्वल।

यर्मिया 9:16

इमिसं वा इमि पुर्खातय्‌सं म्‍हमस्‍यूपिं जातितय्‌गु दथुइ जिं इमित छ्यालब्‍याल यानाबी। अले इमित नाश मयातले तरवार ज्‍वनाः जिं इमित लिनाच्‍वने।”

इजकिएल 12:20

मनूत च्‍वनाच्‍वंगु शहरत सुनसान जुइ, अले देश नाश जुइ। अले इमिसं जि हे परमप्रभु खः धकाः सी।’”

इजकिएल 24:11

अले थल खालि यानाः मिया च्‍वय् ति, व क्‍वायेमा, उकिया सिजः ह्याँउसे च्‍वनेमा। अले उकिया दुनेया फोहर नाया वनेमा, उकिया खतं नःगु क्‍वयावनेमा।

इजकिएल 35:14

परमप्रभु परमेश्‍वरं थथे धयादी – सारा पृथ्‍वी लय्‌तायाच्‍वंबलय् जिं छन्‍त झिजांमिजां दंगुथाय् यानाबी।

इजकिएल 5:14

“उकिं, जिं छन्‍त तहसनहस यानाबी। छंगु प्‍यखेंपाखेंयापिं जातियापिं मध्‍ये सुं अनं जुयाः वनीबलय् वं छिमित हेस्‍याइ।

इजकिएल 5:2

शहरयात घेरय् याःगु दिं सिधइबलय् सँयागु स्‍वब्‍वय् छब्‍वयात शहरया दुने मिइ छ्वय्‌काब्‍यु! मेगु स्‍वब्‍वय् छब्‍व सँयात शहरया प्‍यखेरं तरवारं कुचा कुचा यानाब्‍यु, ल्‍यं दुगु स्‍वब्‍वय् छब्‍वयात धाःसा फसय् ब्‍वय्‌काब्‍यु। छाय्‌धाःसा उमित जिं तरवार ज्‍वनाः लिनाछ्वये।

इजकिएल 6:14

उकिं जिं इमिगु विरोधय् थःगु ल्‍हाः ल्‍ह्वने। दच्‍छिनय् च्‍वंगु मरुभूमिंनिसें उत्तरय् च्‍वंगु दिब्‍ला तक हे इपिं च्‍वनाच्‍वंगु फुक्‍क थाय् अर्थात इमिगु देशयात तहसनहस व सुनसान यानाबी। अले इमिसं जि हे परमप्रभु खः धकाः सी।’”

इजकिएल 6:6

छिपिं न्‍ह्याथाय् च्‍वंसां छिमिगु शहरतय्‌त तहसनहस यानाबीगु जुइ। अले छिमिगु पुजा यायेगु थाय्‌त थुनाबीगु जुइ। छिमिगु वेदीत तहसनहस जुइ अले भज्‍यंक स्‍यनी। छिमिगु मूर्तित चुंचुं यानाबीगु जुइ, छिमिगु धुपाँय् च्‍याकीगु वेदीत कुचा कुचा याइगु जुइ। अले छिमिगु ज्‍या न्‍हंका छ्वइगु जुइ।

इजकिएल 7:12

ई वःगु दु, दिं लिक्‍क वये धुंकल। न्‍याइम्‍ह लय्‌मतायेमा। मीम्‍ह दुःखी मजुइमा। छाय्‌धाःसा तं इमि फुक्‍क भीडयाके लाःगु दु।

इजकिएल 7:14

“‘इमिसं थःगु तुरही पुयाः फुक्‍क तयारी याये धुंकूसां सुं नं लडाइँलय् वनी मखु, छाय्‌धाःसा जिगु तं फुक्‍क भीडयाके लाःगु दु।

नहूम 1:5

वय्‌कःया न्‍ह्यःने पहाडत थुरथुर खाइ, अले डाँडात नायावनी। वय्‌कःया न्‍ह्यःने पृथ्‍वी थुरथुर खाइ, संसार व अन दुपिं फुक्‍क मनूत थुरथुर खाइ।

नहूम 2:10

निनवे शहरयात लुतय् याःगु दु, अन झिजांमिजां दंगु दु व तहसनहस जूगु दु। मनूतय्‌गु नुगः ग्‍यानाः न्‍यले धुंकल, इमिगु तुति थुरथुर खानाच्‍वंगु दु, म्‍ह छम्‍हं खानाच्‍वंगु दु, इमिगु ख्‍वाः ग्‍यानाः म्‍हासुइ धुंकल।

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

प्रेरित 17:6

इमित लुइके मफुगुलिं यासोन व सुं मेपिं दाजुकिजापिन्‍त हे शहरयापिं हाकिमतय्‌थाय् साला यंकाः थथे धाल – “संसारयात फाता पुइकेत स्‍वइपिं मनूत थुखे नं वये धुंकल।

व्‍यवस्‍था 28:64

अले पृथ्‍वीयागु छगू कुन्‍चांनिसें मेगु कुन्‍चा तक थीथी जातिया दथुइ परमप्रभुं छिमित छ्यालब्‍याल यानादी। अले अन च्‍वनाः छिमिसं थःपिन्‍सं व थः पुर्खां म्‍हमस्‍यूपिं सिँ व ल्‍वहंयापिं मेपिं द्यःतय्‌त पुजा याइ।

व्‍यवस्‍था 32:26

जिं धया, ‘जिं इमित तातापाक तक छ्यालब्‍याल यानाबी, मनूतय्‌गु दथुं इमिगु लुमन्‍ति तकं मदय्‌काबी।’

व्‍यवस्‍था 4:27

परमप्रभुं छिमित जाति जातितय्‌गु दथुइ उखेलाः थुखेलाः यानाबी। वय्‌कलं छिमित लिनाछ्वःगु देश देशय् मेगु जातितय्‌गु दथुइ छिपिं कम जक म्‍वानाच्‍वनी।

याकूब 1:1

परमेश्‍वर व प्रभु येशू ख्रीष्‍टया दास याकूबयापाखें सारा संसारय् न्‍यंक वनाच्‍वंपिं इस्राएलीतय्‌गु झिंनिगू कुलयापिं मनूतय्‌त ज्‍वजलपा।