यशैया 23:9 - नेवाः बाइबल

⁹ तःधंछुया जुइगु व शहरयागु फुक्‍क गौरवयात क्‍वह्यंकाबीत, पृथ्‍वीया सकलें नां जाःपिन्‍त क्‍वमिलु यानादीत दक्‍व शक्ति दुम्‍ह परमप्रभुं थ्‍व ग्‍वसाः ग्‍वयादीगु दु।

यशैया 23:9 ပူးပေါင်းရင်းမြစ်များ

अय्‍यूब 12:21

वय्‌कलं शासकतय्‌के अपमान प्‍वंकादी, अले बल्‍लाःपिन्‍त ल्‍वाभः मदुपिं यानाबी।

भजनसंग्रहया सफू 107:40

वय्‌कलं शासकतय्‌त क्‍वह्यंकाः स्‍वयादी, अले इमित लँ हे मदुगु ज्‍याख्‍यलय् मदुगु थासय् चाचाःहीकादिल।

प्रस्‍थान 8:4

ब्‍यांचा छ, छिमि मनूत व छिमि भारदारतय्‌गु म्‍हय् तकं थहां वइ।’”

यशैया 10:33

अय्‌नं स्‍व! प्रभु, दक्‍व शक्ति दुम्‍ह परमप्रभुं तःमागु सिमायागु कचात न्‍हायादी। अनयागु तम्‍मागु सिमायात क्‍वथला चीमा यानादी।

यशैया 13:11

परमप्रभुं धयादी, “जिं संसारय् विपत्ति हये, अले फुक्‍क मभिंपिं मनूतय्‌त सजाँय बी। तःधंछुया जूपिनिगु तःधंसू जिं मदय्‌काछ्वये। दया मदुपिनिगु घमण्‍डयात क्‍वमिलु यानाबी।

यशैया 14:24

दक्‍व शक्ति दुम्‍ह परमप्रभुं थथे धयाः पाफयाः धयादीगु दु, “धात्‍थें, छु जिं योजना दय्‌कागु दु व जिं पक्‍का हे पूवंके। जिं छु याये धकाः बिचाः यानागु दु व याना हे त्‍वःते।

यशैया 14:26

थ्‍व संसारया निंतिं थ्‍व जिगु योजना खः अले जाति जातितय्‌त सजाँय बीत जिं थःगु ल्‍हाः ल्‍ह्वनागु दु।

यशैया 14:27

दक्‍व शक्ति दुम्‍ह परमप्रभुं थथे यायेगु पक्‍का यानादीगु दु। सजाँय बीत वय्‌कलं थःगु ल्‍हाः ल्‍ह्वनादीगु दु अले वय्‌कःयात सुनां पने फइ मखु।

यशैया 2:11

परमप्रभुया दिं वयाः मनूतय्‌गु फुइँ व तःधंछु नाश जुयावनी। थ्‍व दिंखुन्‍हु परमप्रभुयात जक तःधंकेगु जुइ।

यशैया 2:12

उखुन्‍हु दक्‍व शक्ति दुम्‍ह परमप्रभुं फुइँ यानाजुइपिं व तःधंछुया जुइपिं सकसित क्‍वमिलु यानादी।

यशैया 2:17

वय्‌कलं मनूतय्‌गु घमण्‍डयात क्‍वमिलु यानादी। व दिंखुन्‍हु मूर्तित फुक्‍कं मदय्‌का छ्वइ। अले परमप्रभुयात जक तःधंकेगु जुइ।

यशैया 23:10

अय् तसकं बांलाःगु तर्शीशयापिं मनूत, नील खुसिया सिथय् थें बुँ पा, छाय्‌धाःसा आः छंगु छगू नं जहाज दिकेगु थाय् मदये धुंकल।

यशैया 32:13

अले जिमि मनूतय्‌गु जमिनय् कंमा व झाःया निंतिं ख्‍वः। खः, लसतां जाःगु फुक्‍क छेँया निंतिं थ्‍व न्‍ह्याइपुगु शहरया निंतिं विलाप या।

यशैया 5:13

अथे जुयाः जिमि प्रजा ज्ञां मदयाः ज्‍वनायंकेबिया च्‍वनेमाली, इपिं मध्‍ये तःधंपिं व हनेबहःपिं नये मखनाः व चीमिपिं मनूत लः त्‍वनेमखनाः सी माली।

यशैया 9:15

थकालिपिं व हनेबहःपिं मनूत छ्यं खः, अले मखुगु खँ स्‍यनीपिं अगमवक्तात न्‍हिप्‍यं खः।

यर्मिया 13:9

“परमप्रभुं थथे धयादी, ‘थुकथं हे यहूदाया घमण्‍ड व यरूशलेमया तःधंगु घमण्‍ड नाश यानाबी।

यर्मिया 51:62

अनंलि धा, ‘हे परमप्रभु, छिं थ्‍व थाय्‌यात नाश याये धयादीगु दु, अले थुकी न मनू च्‍वनी न पशु च्‍वनी, थ्‍व सदांया निंतिं झिजांमिजां दंगुथाय् जुइ।’

दानिएल 4:37

आः जि, नबूकदनेसरं, स्‍वर्गयाम्‍ह जुजुयात तःधंके, वय्‌कःयात तःधंके, अले हनाबना याये छाय्‌धाःसा वय्‌कलं यानादीगु फुक्‍क खँ पाय्‌छि जू व वय्‌कःया फुक्‍क लँपु न्‍यायलं जाः। तःधंछु जुया जुइपिन्‍त वय्‌कलं क्‍वमिलु यानादी फु।

ओबदिया 1:2

“स्‍व, एदोम, जिं छन्‍त जाति जातिया दथुइ चिधं यानाबी। छन्‍त दक्‍वसिनं हेपय् याइ।

मलाकी 4:1

“स्‍व! मि च्‍यानाच्‍वंगु भट्टी थें च्‍वंगु व दिं वयाच्‍वंगु दु। उखुन्‍हु सकल घमण्‍डीत व मभिंगु ज्‍या याइपिं सु थें याकनं च्‍याइ। व दिनं इमित हा व कचा तक हे ल्‍यं मदय्‌क छ्वय्‌काबी,” दक्‍व शक्ति दुम्‍ह परमप्रभुं धयादी।

प्रेरित 4:28

थ्‍व ला छिं न्‍हापांनिसें हे ग्‍वसाः ग्‍वयादी थें जक इमिसं याःगु खः।

एफिसी 1:11

परमेश्‍वरं थ्‍व फुक्‍क न्‍हापा हे क्‍वःछिना तःकथं यानादीगु खः। वय्‌कलं झीत न्‍हापांनिसें हे ख्रीष्‍टनाप मिलय् यानाः थः मनू यायेत ल्‍ययादीगु खः।

एफिसी 3:11

परमेश्‍वरं न्‍हापांनिसें हे ग्‍वसाः ग्‍वयादीगु थ्‍व ज्‍या झी प्रभु ख्रीष्‍ट येशूपाखें पूवंकादिल।

याकूब 4:6

परमेश्‍वरं अज्‍ज यक्‍व दया माया यानादी। धर्मशास्‍त्रय् थथे च्‍वयातःगु दु – “परमेश्‍वरयात तःधंछुया जुइपिं मनूत मयः। चिधंछुया जुइपिं मनूतय्‌त धाःसा वय्‌कलं यक्‍व दया माया यानादी।”