यशैया 23:4 - नेवाः बाइबल

⁴ अय् सीदोन व समुद्रय् लिक्‍क लाःगु किल्‍ला, लज्‍या चा, छाय्‌धाःसा समुद्रं थथे धाःगु दु, “न जि ला मचाबू ब्‍यथा जूम्‍ह थें, न जिं मचा बुइकूगु दु। जिं न काय्‌मचा ब्‍वलंकागु दु, न म्‍ह्याय्‌पिन्‍त तःधिक यानागु दु।”

यशैया 23:4 ပူးပေါင်းရင်းမြစ်များ

उत्‍पत्ति 10:15

कनानं सीदोनयात बुइकल।

उत्‍पत्ति 10:19

थुकथं कनान वंशयागु लागा सीदोनंनिसें दच्‍छिनपाखे गाजाया लिक्‍क च्‍वंगु गरार तक, पुर्बपाखे सदोम, गमोरा, अदमा व लाशाया लिक्‍क च्‍वंगु सबोयीम तक थ्‍यन।

यर्मिया 25:22

टुरोस व सीदोनया सकलें जुजुपिन्‍त, समुद्रया उखे सिथय् च्‍वंपिं सकलें जुजुपिन्‍त,

यर्मिया 27:3

अले यरूशलेमय् यहूदाया जुजु सिदकियाहयाथाय् वःपिं दूततय्‌गु ल्‍हातं एदोम, मोआब, टुरोस व सीदोनया जुजुपिन्‍थाय् खबर छ्व।

इजकिएल 28:21

“अय् सीमानिम्‍ह मनू, थःगु ख्‍वाः सीदोनपाखे स्‍वय्‌काः वयागु विरोधय् थ्‍व अगमवाणी ल्‍हा,

इजकिएल 28:22

अले थथे धा, ‘परमप्रभु परमेश्‍वरं थथे धयादी, “‘हे सीदोन, जि छंगु विरोधय् दु, छंगु दुने हे जिं महिमा काये। जिं वयात सजाँय बीबलय् छं जि हे परमप्रभु परमेश्‍वर खः धकाः सी। अले जिं थःगु पवित्रता वयागु दुने हे क्‍यने।

यहोशू 11:8

अले परमप्रभुं इमित इस्राएलीतय्‌गु ल्‍हातय् बियादिल। व इस्राएलीतय्‌सं इमित बुकाः उत्तरय् तःधंगु सीदोन व मिश्रपोत-मैम तक अले पुर्बय् मिस्‍पाया ब्‍यासि तक लिनायंकल। छम्‍हय्‌सित नं बाकि मतसें इस्राएलीतय्‌सं इमित स्‍यात।

प्रकाश 18:23

मतयागु जः नं अन गुबलें थी मखुत। भम्‍चा व जिलाजंपिनिगु सः अन गुबलें ताये दइ मखुत। छन्‍थाय् व्‍यापार याःवइपिं फुक्‍कं पृथ्‍वीयापिं ततःधंपिं मनूत खः। छंगु तन्‍त्रमन्‍त्रं जात जातियापिं मनूतय्‌त झंगः लानाः थगय् याना तल।

न्‍यायकर्ता 10:6

हाकनं इस्राएलीतय्‌सं अराम, सीदोन व मोआबयापिं अले अम्‍मोनीत व पलिश्‍तीतय् द्यःत अले बालद्यः व अश्‍तोरेत द्यःमय्‌जुयात पुजा यानाः परमप्रभुया मिखाय् मभिंगु ज्‍या यात। इमिसं परमप्रभुयात त्‍वःतल अले वय्‌कःया सेवा नं मयात।