यशैया 23:1 - नेवाः बाइबल

¹ टुरोसयाबारे अगमवाणी – अय् तर्शीशया जहाज, विलाप या, छाय्‌धाःसा टुरोसयात नाश याये धुंकूगु दु अले अन न छखा छेँ दु, न जहाजत दिकेगु थाय् दु। साइप्रसं छगू खँ इमिथाय् वःगु दु।

यशैया 23:1 ပူးပေါင်းရင်းမြစ်များ

उत्‍पत्ति 10:4

यावानया काय्‌पिं – एलीशाह, तर्शीश, कित्तीम व रोदानीम।

१ राजा 10:22

हीरामया जहाजतनापं समुद्रय् वनीगु वया ब्‍यापारी जहाज नं दु। वया जहाजं स्‍वदँ-स्‍वदँय् छकः लुँ, वहः, किसिया दं, माकः व म्‍हय्‌खा ज्‍वनाः वइगु।

१ राजा 22:48

यहोशापात जुजुं ओपीर देशं लुँ हयेत ब्‍यापारी जहाजत दय्‌कल। तर एस्‍योन-गेबेरय् उपिं स्‍यंगुलिं जहाजत बनेज्‍याया लागि न्‍ह्याके मफुत।

१ राजा 5:1

सोलोमन थः अबु दाऊदया थासय् जुजु अभिषेक जूगु दु धइगु खँ न्‍यनाः टुरोसया जुजु हीरामं वयाथाय् दूतत छ्वल। छाय्‌धाःसा व न्‍ह्याबलें दाऊदनापं मिलय् जुयाच्‍वंगु खः।

२ इतिहास 9:21

सोलोमनयाके हीरामया जहाज चले याइपिंनापं थुखे उखे सामान ल्‍ह्यइगु जहाजत नं दु। अले स्‍वदँ-स्‍वदँय् छकः तर्शीशयागु थुपिं ल्‍ह्यइगु जहाजत लुँ, वहः, किसिया दं, माकः व म्‍हय्‌खा ज्‍वनाः वइगु खः।

भजनसंग्रहया सफू 48:7

पुर्बयागु फसं तर्शीशया जहाजत कुचा कुचा दः थें छिं इमित नाश यानादिल।

यशैया 15:8

इमिगु दुःखया थ्‍वःसः मोआबया सिमानाय् तक हे थ्‍यंगु दु, इमिगु ख्‍वःसः सोर एग्‍लैम तक व इमिगु बिलाप बेअर-एलीम तक हे थ्‍यंगु दु।

यशैया 2:16

वय्‌कलं दक्‍वसिबय् तःधंगु व तसकं बांलाःगु जहाज थें च्‍वंपिं फुक्‍कसित नाश यानादी।

यशैया 23:12

वय्‌कलं धयादिल, “अय् कुमारी सीदोन, आः छं गुबलें नं लसता हने खनी मखुत। दं, साइप्रस टापुपाखे हुँ, छन्‍त अन नं आराम दइ मखु।”

यशैया 23:6

तर्शीशपाखे हुँ! अय् समुद्रया सिथय्‌यापिं मनूत विलाप या!

यशैया 24:10

नाश जूगु शहर छ्यालब्‍याल जुइ धुंकल। रक्षाया निंतिं मनूत फुक्‍कसिनं थथःपिनिगु छेँया खापा तिनाच्‍वंगु दु।

यशैया 60:9

धात्‍थें हे टापुतय्‌सं जितः स्‍वइ, तर्शीशया व्‍यापारीतय्‌गु जहाजत न्‍ह्यः न्‍ह्यः दु। परमप्रभु छिमि परमेश्‍वरया निंतिं, व इस्राएलया पवित्र परमेश्‍वरया हनाबनाया निंतिं इपिं छिमि काय्‌पिन्‍त तापाकं इमिगु लुँ व वहःनापं छन्‍थाय् हइ। छाय्‌धाःसा वय्‌कलं छन्‍त गौरवं जाय्‌कादी।

यर्मिया 2:10

“पच्‍छिमपाखे पारि साइप्रसय् वनाः प्‍यखेरं स्‍व, वा पुर्बपाखे केदार देशय् दूत छ्वयाः बांलाक स्‍व, थज्‍याःगु ज्‍या अन गुबलें जूगु दु ला?

यर्मिया 25:15

परमप्रभु इस्राएलया परमेश्‍वरं जितः थथे धयादिल, “जिगु ल्‍हातं थ्‍व तंया दाखमद्यया ख्‍वला का, अले जिं छन्‍त गुगु गुगु जातियाथाय् छ्वये, उपिं फुक्‍क जातियात व त्‍वंकि।

यर्मिया 25:22

टुरोस व सीदोनया सकलें जुजुपिन्‍त, समुद्रया उखे सिथय् च्‍वंपिं सकलें जुजुपिन्‍त,

यर्मिया 47:4

छाय्‌धाःसा पलिश्‍तीत नाश जुइगु दिं वःगु दु, अले बचय्‌जूपिं मध्‍ये टुरोस व सीदोनयात ग्‍वाहालि बी फुपिं सकलें नाश जुइ। परमप्रभुं पलिश्‍तीतय्‌त नाश यानादीत्‍यंगु दु, कप्‍तोरया सिथं वःपिं सकसितं।

इजकिएल 26:1

जिमित ज्‍वनाः बेबिलोनय् यंकूगु झिंनिगूगु दँया झिंछगूगु लाया न्‍हापांगु दिंखुन्‍हु परमप्रभुया थ्‍व वचन जिथाय् वल।

इजकिएल 26:2

“अय् सीमानिम्‍ह मनू, यरूशलेमया बारे टुरोस शहरं थथे धाःगु दु, ‘आहा! जाति जातियापिं मनूतय् मू ध्‍वाखा दुंगु दु। ध्‍वाखात जिगु निंतिं चाःगु दु। व नाश जुल, आः जि च्‍वन्‍ह्याइ।’

इजकिएल 27:30

छंगु निंतिं तःसलं हालाः इपिं ह्वाँय्‌ह्वाँय् ख्‍वइ। इमिसं थःगु छेनय् धू ह्वली अले नउलय्‌ ग्‍वारा ग्‍वारातुली।

इजकिएल 27:6

इमिसं बाशानया स्‍वसिमां छंगु चतंत दय्‌कल। साइप्रसया समुद्रया सिथं हःगु धूपीया सिँ जहाजया बँ दय्‌कल, अले उकियात किसिया दंनं बांलाकल।

दानिएल 11:30

वयात हमला यायेत पच्‍छिमं जहाजत वइ, उकिं व नुगः क्‍वतुंकाः लिहां वनाः पवित्र बाचा मानय् याइपिन्‍त वं थःगु तं क्‍यनी। पवित्र बाचा त्‍वःतूपिन्‍त धाःसा दया क्‍यनी।

योना 1:3

योना परमप्रभुयापाखें बिस्‍युं वनेत मेखे स्‍वयाः वन। व योप्‍पा थ्‍यन। वं अन तार्शीश वनेत्‍यंगु जहाज नापलात। धिबा पुलाः व जहाजय् च्‍वन। परमप्रभुयापाखें बिस्‍युं वनेत व तार्शीशपाखे वन।

गन्‍ती 24:24

कित्तीमया सिथं जहाजत वइ, उमिसं अश्‍शूर व एबेरयात हमला याइ, तर इपिं नं न्‍हनावनी।”

लूका 10:13

“हे खोराजीन व बेथसेदाय् च्‍वंपिं मनूत, छिमित धिक्‍कार दु, छाय्‌धाःसा छिमिथाय् याःगु अजू चायापुगु ज्‍याखँ टुरोस व सीदोनय् याःगु जूसा अन च्‍वंपिन्‍सं उबलय् हे भांग्रा हिनाः नौनं बुयाः पश्‍चाताप याये धुंकल जुइ।

यहोशू 19:29

अले व सिमाना चाःहिल रामा जुयाः पखाः दुगु टुरोस शहर तक वन। अनं व सिमाना होसापाखे चाःहिलाः अक्‍जीब इलाकाया न्‍ह्यःने समुद्रय् क्‍वचाल।