यशैया 22:4 - नेवाः बाइबल

⁴ अथे जुयाः जिं धया, “जिपाखें फःहिला हुँ! जितः ह्वाँय्‌ह्वाँय् ख्‍वये ब्‍यु, जिमि प्रजाया नाशया कारणं जितः ह्यय्‌केगु कुतः याये मते।”

यशैया 22:4 ပူးပေါင်းရင်းမြစ်များ

एस्‍तर 4:1

थ्‍व फुक्‍क खँ न्‍यनेवं मोर्दकैनं थःगु वसः खुत, भांग्रा फिनाः नलीं बुलाः तःसलं हालाः विलाप यायां शहरया प्‍यखेरं चाःहुलाजुल।

भजनसंग्रहया सफू 77:2

तःधंगु दुःख जूबलय् जिं परमप्रभुयात मालाजुया। चच्‍छि चच्‍छिं जिं ल्‍हाः ल्‍ह्वनाः प्रार्थना याना। अय्‌नं जिगु मन याउँसे मच्‍वं।

यशैया 15:3

इपिं भांग्रा फिनाः लँय् लँय् च्‍वनी। इपिं छेँया कःसि व चुकय् ख्‍वख्‍वं दुखं च्‍वनी।

यशैया 33:7

स्‍व, इमि तसकं बल्‍लाःपिं मनूत लँय् तसकं ख्‍वयाच्‍वंगु दु। मिलय् याइपिं राजदूतत ह्वाँय्‌ह्वाँय् ख्‍वयाच्‍वंगु दु।

यर्मिया 13:17

तर छिमिसं ध्‍यान बियाः मन्‍यन धाःसा छिपिं तःधंछु जूगुलिं जि याकःचा ख्‍वये। परमप्रभुया बथांयात ज्‍वना यंकूगु जुयाः जि ह्वाँय्‌ह्वाँय् ख्‍वये, अले जिगु मिखां ख्‍वबिया धाः पिहां वइ।

यर्मिया 31:15

परमप्रभुं थथे नं धयादी, “न्‍यँ, रामा शहरय् नुगः हे तज्‍याइ थें च्‍वंक ख्‍वःसः ताये दत। राहेल थः मस्‍तय्‌त लुमंकाः ख्‍वयाच्‍वन। न्‍ह्याक्‍व ह्ययेकूसां व मानय् मजू, छाय्‌धाःसा वया मस्‍त स्‍याये धुंकल।”

यर्मिया 4:19

जिगु नुगः! जिगु नुगः! जिगु नुगः स्‍यानाः वाथा वाथा कनाच्‍वंगु दु। जि सुम्‍क च्‍वने मफु। जिं तुरहीया सः व लडाइँया सः ताःगु दु।

यर्मिया 6:26

हे जिमि मनूत, भांग्राया वसः फिनाः नउलय् ग्‍वारा ग्‍वारा तु। याकः काय्‌या लागि ख्‍वय् थें हे ह्वाँय्‌ह्वाँय् ख्‍व। छाय्‌धाःसा नाश याइम्‍ह झीथाय् आकाझाकां वइ।

यर्मिया 8:18

हे जितः दुःखबलय् सान्‍त्‍वना ब्‍यूपिं, जिगु नुगः दुने कमजोर जुयावंगु दु।

यर्मिया 9:1

जिगु छ्यं बुँगाःचा व जिगु मिखा ख्‍वबिया मुहान जूगु जूसा, स्‍याःपिं जिमि मनूतय्‌गु निंतिं जि चान्‍हि ख्‍वयाच्‍वनेगु।

यर्मिया 9:18

इपिं याकनं वयेमा, झीगु मिखां ख्‍वःबि पिहां वय्‌क अले झीगु मिखासं ख्‍वःबि स्‍वः स्‍वः वय्‌क झीगु निंतिं नुगःपा दादां ख्‍वये मा।

विलाप 2:11

ख्‍वख्‍वं ख्‍वबिं हे जिगु मिखा न्‍यलय् धुंकल। जिगु नुगः क्‍वतुन। जिमि मनूत नाश जूगुलिं, जिमि मस्‍त व दुरु त्‍वंपिं मस्‍त शहर शहरय् व गल्‍लि गल्‍लिइ मूर्च्‍छा जूगुलिं जिगु नुगः तसकं ख्‍वःगु दु।

इजकिएल 21:11

“‘तरवारयात छ्यलेत प्‍वालप्‍वाल थीकल अले ज्‍वय्‌कल, ल्‍हातय् ज्‍वनेत, व स्‍याइम्‍हय्‌सिगु ल्‍हातय् बीत तयार याःगु दु।

इजकिएल 27:31

छं यानाः इमिसं थःगु सँ खाइ, अले इमिसं भांग्रा फी, अले छंगु निंतिं मनय् पीर कयाः इपिं ह्वाँय्‌ह्वाँय् ख्‍वइ।

मीका 1:8

अथे जुयाः जिं ख्‍वख्‍वं विलाप याये। जि खालि तुति व नांगा जुयाः थुखे उखे जुये। जि ध्‍वंचा थें हाले अले न्‍हिकांझंगः थें ख्‍वये।

मत्ती 2:18

“रामाय् नुगः हे तज्‍याइ थें च्‍वंक ख्‍वःसः ताये दत। राहेल थः मस्‍तय्‌त लुमंकाः ख्‍वयाच्‍वन। वयात सुनानं दिके मफुत, छाय्‌धाःसा वया मस्‍त स्‍याये धुंकल।”

मत्ती 26:75

अले वं येशूं धयादीगु खँ लुमंकल – “खा हाले न्‍ह्यः छं जितः स्‍वकः तक म्‍हमस्‍यू धकाः धाइ।” अले व पिने वनाः ह्वाँय्‌ह्वाँय् ख्‍वल।

लूका 1:2

शुरु शुरुंनिसें थ्‍व खँ खंपिन्‍सं व न्‍यंका जूपिन्‍सं जिमित कना थकूगु गथे खः अथे हे च्‍वयाच्‍वना।

लूका 19:41

यरूशलेमया न्‍ह्यःने थ्‍यंकः झाःबलय् शहरयात खनाः वय्‌कलं ख्‍वयाः धयादिल –