यशैया 22:23 - नेवाः बाइबल

²³ जिं वयात बल्‍लाःगु थासय् की तानातःथें बल्‍लाक तये अले व थः फुक्‍क परिवारया निंतिं हनाबनाया थाय् जुइ।

यशैया 22:23 ပူးပေါင်းရင်းမြစ်များ

एज्रा 9:8

“तर थौं छुं ईया निंतिं, परमप्रभु झी परमेश्‍वर, छिं जिमित दया यानाः छुं मनूतय्‌त बचय् यानाः जिमित थःगु पवित्र थासय् छगू बल्‍लाःगु थाय् बियादीगु दु। थुकथं छि जिमि परमेश्‍वरं जिमिगु मिखाय् जः अले जिपिं दास जुयाच्‍वनागु इलय् भतिचा आराम बियादीगु दु।

एस्‍तर 10:3

जुजुया क्‍वय्‌या दर्जायाम्‍ह यहूदी मोर्दकै छम्‍ह हे जक खः। व यहूदीत मध्‍ये छम्‍ह हे जक तसकं तःधंम्‍ह व नांजाःम्‍ह खः। अले व थःगु देशय् थः यहूदी दाजुकिजापिनि दथुइ तसकं भिंम्‍ह जुल छाय्‌धाःसा वं थःमनूतय्‌गु भिं यानाः सकल यहूदीतय्‌त बचय् यात।

एस्‍तर 4:14

थज्‍याःगु इलय् छ सुम्‍क च्‍वन धाःसा यहूदीतय्‌गु निंतिं ग्‍वाहालि व छुत्‍कारा मेगु थासं हे वइ। छ व छिमि बौया सन्‍तान धाःसा नाश जुयावनी। सुनां स्‍यू धकाः थज्‍याःगु ईया लागिं हे छ रानी जूगु खः ला की?”

अय्‍यूब 36:7

वय्‌कलं धर्मीतपाखें थःगु मिखा चीकादी मखु, तर वय्‌कलं इमित जुजुपिंनापं तयादी, अले न्‍ह्याबलेंया निंतिं इमित थकयादी।

उपदेशक 12:11

बुद्धि दुम्‍हय्‌सिया वचनत फैजवाःया कथि थें खः, अले इमिसं मुंकाहःगु धापूत कथिइ तानातःगु नकिं थें खः, थुपिं वचनत गुगु छम्‍ह हे फैजवाःपाखें बियातःगु खः।

यशैया 22:24

वया फुक्‍क परिवारया महिमा– वया सन्‍तानत, वया चिचीधंगु थलबल, ख्‍वल्‍चांनिसें घः तकया महिमा वयाके हे भरपरय् जुइ।”

यशैया 22:25

दक्‍व शक्ति दुम्‍ह परमप्रभुं धयादी, “व दिंखुन्‍हु व तसकं बल्‍लाःगु थासय् तानातःगु की लिहां वइ। व त्‍वधुलाः बँय् कुतुं वनी, उकी यग्‍गानाच्‍वंगु कु नाश जुइ,” परमप्रभुं धयादी।

जकरिया 10:4

यहूदापाखें मू ल्‍वहं, वपाखें हे पालया नकिं, अले वपाखें हे लडाइँया धनुष, वपाखें हे फुक्‍क शासकत पिहां वइ।

प्रकाश 3:21

गथे जिं त्‍याकाः जि जिमि बाःयागु सिंहासनय् वय्‌कः नाप फ्‍यतुइ खंगु दु, अथे हे त्‍याम्‍हय्‌सित जिं जिगु सिंहासनय् जि नाप फ्‍यतुके बी।

१ शमूएल 2:8

वय्‌कलं चीमिपिन्‍त धुलं थकयादी, वय्‌कलं मगाःमचाःपिनिन्‍त नउया द्वं थकयादी, अले इमित इज्‍जतया थासय् तयादी, इमित राजकुमारतय् दथुइ तयादी। “पृथ्‍वीयागु जग परमप्रभुयागु हे खः अले उकी हे वय्‌कलं संसारयात थापं यानादिल।