यशैया 22:21 - नेवाः बाइबल

²¹ जिं छंगु अफिसय् फीगु वसः वयात पुंकेत बी अले छंगु जनी वयात चिकेबी। छंगु फुक्‍क अधिकार वयागु ल्‍हातय् बी। यरूशलेमय् व यहूदाय् च्‍वंपिं मनूतय्‌गु निंतिं व बौ थें जुइ।

यशैया 22:21 ပူးပေါင်းရင်းမြစ်များ

उत्‍पत्ति 45:8

उकिं जितः थन छ्वयाहःगु छिमिसं मखु, परमेश्‍वरं खः। वय्‌कलं हे जितः फारोया दरबारय् तःधंम्‍ह मनू यानादिल, अले मिश्र देशया हामा यानादिल।

एस्‍तर 8:15

अले मोर्दकै वँचुगु व तुयुगु जुजुया वसः फिनाः तग्‍वःगु लुँया श्रीपेच पुयाः प्‍याजीगु मलमलया लं फिनाः दरबारं पिहां वन। अनंलि शूशन शहरय् खुशी व आनन्‍द मानय् यात।

एस्‍तर 8:2

अले जुजुं हामानपाखें कयातःगु राज्‍यया छाप दुगु अंगू त्‍वयाः मोर्दकैयात बिल। एस्‍तरं नं हामानपाखें कयातःगु छेँबुँ मोर्दकैया जिम्‍माय् बिल।

१ शमूएल 18:4

जोनाथनं थःम्‍हं न्‍ययातःगु गा व फिनातःगु युवराजया तपाःलं त्‍वयाः थःगु तरवार, धनु व पेटीनापं दाऊदयात बिल।

अय्‍यूब 29:16

मगाःमचाःपिनिगु लागि जि अबु थें खः। जि मुद्दाय् म्‍हमस्‍यूम्‍ह मनूया पंलीगु।

इजकिएल 23:15

इमिसं जँय् जनी व छेनय् ताहाकःगु फेटा चिनातःगु दु, इपिं सकलें रथया हाकिमत थें खने दु। इपिं बेबिलोनिया देशय् बूपिं बेबिलोनी मनूत थें खने दु।