यशैया 22:18 - नेवाः बाइबल

¹⁸ वय्‌कलं छन्‍त भकुंग्‍वारायात थें कयाः छगू तःधंगु देशय् वान्‍छ्वयादी। अले छ अन सी अले छं गर्व याःगु छंगु रथत छिमि मालिकया परिवारया लागिं लज्‍या जुइ। छं थः मालिकया परिवारया बदनाम याइ।”

यशैया 22:18 ပူးပေါင်းရင်းမြစ်များ

अय्‍यूब 18:18

वयात जःपाखें खिउँगुलिइ लिनाछ्वइ, अले संसारं पितिनाछ्वइ।

भजनसंग्रहया सफू 52:5

छन्‍हु छन्‍त ज्‍वनाः परमेश्‍वरं सदांया निंतिं नाश यानादी, वय्‌कलं छन्‍त छंगु छेँनं पित हयादी। अले म्‍वाःपिनिगु थासं छन्‍त हानापं ल्‍यहें थनाः वान्‍छ्वयादी। सेला

यशैया 17:13

तर जाति जातित खुसिबाः वःगु लःया सः थें हाला हइ परमेश्‍वरं इमित ब्‍वःबियादी। इपिं तापाक बिस्‍युं वनी, अले फसं पुइकूगु डाँडाया छ्वसँ व वाफसं पुइकूगु झाः थें लिनाछ्वइ।

यशैया 22:17

“अय् थःत तसकं बल्‍लाः ताय्‌कूम्‍ह मनू, बांलाक होश‍ यानाच्‍वँ! परमप्रभुं छन्‍त क्‍वातुक ज्‍वनाः वान्‍छ्वयादी।

आमोस 7:17

“अय्‌जूगुलिं परमप्रभुं थथे धयादी – “‘छं कलाः शहरय् छम्‍ह वेश्‍या जुइ, छं काय्‌म्‍हाय्‌पिन्‍त तरवारं स्‍याइ। छंगु देशयात नापय् याइ अले इनी। छ थः हे नं छगू मूर्ति पुजा याइगु छगू अशुद्धगु देशय् सी, अले इस्राएलया मनूतय्‌त धात्‍थें हे थःगु देशं तापाक ज्‍वना यंकी।’”