यशैया 22:16 - नेवाः बाइबल

¹⁶ छ थन छु यानाच्‍वनागु? अले छं थःगु निंतिं चिहान दय्‌केत सुनां छन्‍त अनुमति बिल? छं थन तःजाःगु थासय् थःगु निंतिं चिहान दय्‌काच्‍वन, अले तग्‍वःगु ल्‍वहं चानाः थःगु निंतिं आराम कायेगु थाय् दय्‌काच्‍वन।

यशैया 22:16 ပူးပေါင်းရင်းမြစ်များ

उत्‍पत्ति 50:5

जिमि बाःनं जितः थथे धकाः पाफय्‌काथकल, ‘जि सीत्‍यनागु दु। कनान देशय् जि थःम्‍हं हे म्‍हुयाथकागु चिहानय् जितः थुनाब्‍यु।’ उकिं जितः फारों वनेगु उजं बियादीसा जि वनाः वये।”

२ शमूएल 18:18

अब्‍शालोमं थः म्‍वानाच्‍वंबलय् जुजुया ब्‍यासिइ छगू थां धस्‍वाकूगु खः छाय्‌धाःसा वं थथे बिचाः याइगु, “जिगु नां ल्‍यंकातयेत जि छम्‍ह नं काय् मदु।” अथे जुयाः वं व थांयात थःगु हे नां तल, अले थौं तक नं व थांयात अब्‍शालोमया झ्‍वाता धकाः धाइ।

२ इतिहास 16:14

दाऊदया शहरय् वयात वं थःम्‍हं थःगु निंतिं ल्‍वहं कियाः दय्‌कातःगु चिहानय् थुनाबिल। इमिसं वयात थीथी कथंयागु नस्‍वाःगु मसलां जाःगु खाताय् तयाबिल। व मसला अत्तर दय्‌कीपिन्‍सं बांलाक तयार याःगु खः। अले इमिसं वयागु लुमन्‍तिइ ह्वाना ह्वाना मि च्‍याकल।

अय्‍यूब 3:14

जि पृथ्‍वीयापिं जुजुपिं व शासकतनापं दइगु, गुपिन्‍सं थःगु लागि नाश जुइ धुंकूगु थाय्‌त दय्‌कल।

यशैया 14:18

जाति जातिया फुक्‍क जुजुपिं थथःगु हे गौरवं चिहानय् दुहांवनाच्‍वन।

यशैया 14:19

तर छन्‍त सीगालय् ज्‍यालगय् मजूगु सिमा कचायात थें वांछ्वइ। छ तरवारं सुया तःपिंनापं, तग्‍वःगु ल्‍वहंनापं गालय् कुतुं वनाः सीपिन्‍सं भुनातःगु दु। छ तुतिं न्‍हुयाः पालि तलय् लाःम्‍ह सीम्‍ह थें जूगु दु।

यशैया 22:17

“अय् थःत तसकं बल्‍लाः ताय्‌कूम्‍ह मनू, बांलाक होश‍ यानाच्‍वँ! परमप्रभुं छन्‍त क्‍वातुक ज्‍वनाः वान्‍छ्वयादी।

यशैया 52:5

“आः जिगु थन छु हे दु धकाः?” परमप्रभुं घोषणा यानादी। “छाय्‌धाःसा जिमि प्रजायात सितिकं यंकल, अले इमित शासन याइपिन्‍सं इमित हेस्‍याइ,” परमप्रभुं घोषणा यानादी। “न्‍हिच्‍छि हे जिगु नांयात ब्‍वः बियाच्‍वनी।

मीका 2:10

दँ, वना हे छ्व, थ्‍व थाय् छिमिगु आराम कायेगु थाय् मखु, छाय्‌धाःसा थ्‍व देश अशुद्ध जूगु दु, छुं उपाय मदय्‌क थ्‍व नाश जूगु दु।

मत्ती 27:60

थःगु निंतिं धकाः म्‍हुयातःगु चिहानय् यनाः अन तयाबिल। थुलि याये धुंकाः वं छगः तग्‍वःगु ल्‍वहं ग्‍वारातुइकाः चिहानयागु प्‍वाः तिनाः अनं वन।