यशैया 22:13 - नेवाः बाइबल

¹³ तर स्‍व, थन ला मोजमज्‍जा यानाच्‍वंगु दु। पशुत स्‍यायेगु, फैत स्‍यायेगु, ला नयेगु व दाखमद्य त्‍वनेगु ज्‍या जुयाः च्‍वंगु दु। छिमिसं धाइ, “कन्‍हय् ला झी सि हे सी, उकिं नयाःत्‍वनाः मोजमज्‍जा यायेनु!”

यशैया 22:13 ပူးပေါင်းရင်းမြစ်များ

यशैया 26:10

तर छिं मभिंपिन्‍त दया क्‍यनादिसां, इमिसं धार्मिकता सय्‌काकाइ मखु। अय्‌नं इमिसं पाय्‌छिगु ज्‍या यायेगु गुबलें कुतः याइ मखु। स्‍वजापिं च्‍वनीगु थ्‍व देशय् नं इमिसं आः तक नं मभिंगु हे ज्‍या यानाच्‍वंगु दु। इमिसं छिगु महिमाया खँ थुइकेत वास्‍ता मयाः।

यशैया 29:1

धिक्‍कार छन्‍त! अरीएल, अरीएल, दाऊदं छाउनी दय्‌कूगु शहर! दँय् दँ तँतं हुँ, नखःचखः चाःहिला वयेमा!

यशैया 47:8

“अथे जुयाः हे सुखय् भुलय् जुयाच्‍वंपिं, थःगु रक्षायात वास्‍ता मयासें च्‍वनाच्‍वंपिं, अले थःगु नुगलय् जि हे खः, ‘जि थें ज्‍याःम्‍ह सुं मदु’ धकाः धयाजुइपिं, ‘जि गुबलें भाःत सीम्‍ह थें जुइ मखु, वा काय्‌म्‍ह्याय्‌पिं त्‍वःता च्‍वनेमाली मखु धयागु खँय् ध्‍यान ब्‍यु!’

यशैया 5:11

धिक्‍कार इमित, सु अय्‌ला त्‍वनेत सुथय् हे दनी अले बहनि लिबाक्‍क धेधेमचुतले दाखमद्य त्‍वनाच्‍वनी।

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

यशैया 5:22

धिक्‍कार इमित, सुनां दाखमद्य त्‍वनेत तसकं बल्‍ला तायेकी, अले अय्‌ला ल्‍वाकछ्यायेत तसकं हे सःस्‍यू धकाः जुइ।

यशैया 56:12

इपिं फुक्‍कसिनं थथे धाइ, “वा, जितः दाखमद्य हय्‌के ब्‍यु! झीसं अय्‌लाः नं यक्‍व त्‍वनेनु! कन्‍हय् नं थौं थें हे जुइ वा थौं स्‍वयाः अप्‍वः बांलाइ।”

यशैया 58:3

इमिसं धाइ, ‘जिपिं अपसं च्‍वनागु छाय् छिं मखंगु? जिपिं क्‍वमिलु जुयागु खँय् छिं छाय् वास्‍ता यानामदियागु?’ “छाय्‌धाःसा छिपिं अपसं च्‍वंगु दिंखुन्‍हु छिमिसं थःगु जक इच्‍छा पूवंकी, अले छिमि ज्‍याकःमि फुक्‍कसित क्‍वत्‍यलेगु याइ।

इजकिएल 16:49

“‘स्‍व! छिमि केहेँ सदोमया पाप थ्‍व खः, व अले वया म्‍ह्याय्‌पिं जिराहा खः, प्‍वाः जाय्‌क नइगु, याउँक च्‍वनीगु, तर इमिसं गरीबत व मगाःमचाःपिन्‍त ग्‍वाहालि मयाः।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

१ कोरिन्‍थी 15:32

मनूया बिचाःकथं एफिससय् पशुनाप ल्‍वाःगु जूसा जितः छु फाइदा? सीपिन्‍त म्‍वाकी मखुगु जूसा मनूतय्‌सं धाःथें – “कन्‍हय् ला झी सि हे सी, उकिं नयाःत्‍वनाः मोजमज्‍जा याना जूसां जिल नि।”

याकूब 5:5

थ्‍व संसारय् छिमिसं मोजमज्‍जा यानाच्‍वंगु दु। न्‍याय याइबलय् सीगु दिनया लागि छिमिसं थःपिन्‍त ल्‍ह्वंका च्‍वन।