यशैया 22:11 - नेवाः बाइबल

¹¹ छिमिसं निगू पःखाःया दथुइ पुलांगु पुखूया लः तयेगु निंतिं छगू तःधंगु पुखू दय्‌कल। तर छिमिसं थ्‍व दय्‌कूम्‍हय्‌सित मस्‍वः, अथवा यक्‍व न्‍हापा हे थथे यायेगु योजना दय्‌कादीम्‍हय्‌सित हनाबना मतः।

यशैया 22:11 ပူးပေါင်းရင်းမြစ်များ

२ राजा 20:20

हिजकिया जुजु जुयाच्‍वंबलय् जूगु फुक्‍क खँ, वयागु बहादुरी व गुकथं वं पुखू व सुरुङ दय्‌काः शहरय् लः हल व फुक्‍क यहूदाया जुजुपिनिगु इतिहासया सफुलिइ च्‍वयातःगु दु।

२ राजा 25:4

अबलय् शहरया पःखाः बेबिलोनीतय्‌सं तछ्यात। चान्‍हय् हे जुजुया क्‍यब लिक्‍कया निगू पःखाःया दथुया लुखां सिदकियाह व फुक्‍क सिपाइँत बिस्‍युं वन। बेबिलोनीत शहरया छचाःखेरं दुसां इपिं यर्दन खुसिया ब्‍यासिपाखे बिंस्‍यु वन।

२ इतिहास 6:6

तर आः जिं यरूशलेमयात जिगु आराधना यायेगुथाय् व दाऊदयात जिमि मनूतय्‌त शासन यायेत ल्‍ययागु दु।’

नहेम्‍याह 3:16

वया उखे बेथ-सरयाम्‍ह बच्‍छि जिल्‍लायाम्‍ह शासक अज्‍बूकया काय् नहेम्‍याहं दाऊदया चिहानं भचा उखे तकया ब्‍व दय्‌कल अले पुखू तक, अले सिपाइँतय्‌गु छेँ तक दय्‌कल।

यशैया 17:7

व दिं वइबलय् मनूत ग्‍वाहालिया निंतिं थः सृष्‍टिकर्ता इस्राएलया पवित्र परमेश्‍वरपाखे लिहां वइ।

यशैया 22:10

छिमिसं यरूशलेमया छेँत ल्‍याः खात, अले किल्‍लात बल्‍लाकेत छेँत थुनाछव्‌त।

यशैया 31:1

धिक्‍कार छिमित, सु मिश्र देशय् ग्‍वाहालिया निंतिं वनी अले सलतय्‌के भरोसा तइ। अले इमिसं अल्‍याख रथत व सल गइपिनिगु तःधंगु शक्तिइ भरोसा याइ, तर इमिसं इस्राएलया पवित्र परमेश्‍वरपाखे स्‍वइ मखु अले परमप्रभुया ग्‍वाहालियात माली मखु।

यशैया 37:26

“यक्‍व न्‍हापा हे जिं अथे यायेगु ग्‍वसाः ग्‍वयागु खः धकाः छु छं गुबलें मन्‍यना ला? आः जिं हे व पूवंका। पखालं घेरय् यानातःगु शहरतय्‌त नाश यानाः द्वंचिंकेगु शक्ति जिं छन्‍त बिया।

यशैया 7:3

अले परमप्रभुं यशैयायात धयादिल, “छ थःकाय् शार्यासूबयात ब्‍वनाः धोबिया बुँया लँपुइ वनाः च्‍वय् पाखे च्‍वंगु बुँया धः लिक्‍क आहाजयात नापलाः हुँ,

यशैया 8:17

याकूबया घरानापाखें थःगु ख्‍वाः फहिकादीम्‍ह परमप्रभुयाके हे जिं भरोसा तयाच्‍वने।

यर्मिया 39:4

इमित खनाः यहूदाया जुजु सिदकियाह व सकलें सिपाइँत चान्‍हय् हे क्‍यबया लँपुं निगू पःखाःया दथुइ दुगु लुखा जुयाः शहरं पिने बिस्‍युं वन। इपिं यर्दन खुसिया ब्‍यासिपाखे वन।

मीका 7:7

तर जिं धाःसा जिम्‍ह परमप्रभुयाके आशा तयाच्‍वने, जि जितः उद्धार याइम्‍ह परमेश्‍वरयात पियाच्‍वने छाय्‌धाःसा वय्‌कलं जिगु प्रार्थना बिन्‍ति न्‍यनादी।