यशैया 2:9 - नेवाः बाइबल

⁹ उकिं यानाः फुक्‍कसिगु हेला व बेइज्‍जत जुइ। हे परमप्रभु, इपिं सुयात नं क्षमा यानादी मते।

यशैया 2:9 ပူးပေါင်းရင်းမြစ်များ

नहेम्‍याह 4:5

इमिगु अपराध त्‍वपुयादी मते वा छिगु न्‍ह्यःनं इमिगु पाप चीकादी मते छाय्‌धाःसा इमिसं दकःमितय्‌त अपमान याःगु दु।”

भजनसंग्रहया सफू 49:2

तःधंपिं व चिधंपिं, तःमि व चीमि, फुक्‍कसिनं थ्‍व खँ न्‍यँ!

भजनसंग्रहया सफू 59:5

हे दक्‍व शक्ति दुम्‍ह परमप्रभु परमेश्‍वर, हे इस्राएलया परमेश्‍वर, फुक्‍क जातियापिन्‍त सजाँय बीत दनादिसँ। ध्‍वखा बीपिन्‍त दया माया क्‍यनादी मते। सेला

भजनसंग्रहया सफू 62:9

चिधंपिं मनूत छम्‍हू सासः जक खः। तःधंपिं मनूत पिनें खने दु थें मदु। लनास्‍वल धाःसा इपिं याउँसे च्‍वं, निम्‍हु फय् स्‍वयाः याउँसे च्‍वं।

यशैया 27:11

गुबलय् अनयागु चिचीधंगु कचात गनावनी, उबलय् व त्‍वःथुलाबी अले मिसात वयाः उपिं मि तयाः छ्वय्‌काबी। छाय्‌धाःसा थ्‍व थु हे मथूगु छगू जाति खः। अथे जुयाः इमित दय्‌कादीम्‍हय्‌सिनं इमित दया यानादी मखु, अले इमित सृष्‍टि यानादीम्‍हय्‌सिनं इमित माया यानादी मखु।

यशैया 5:15

थुकथं फुक्‍क मनूतय्‌त क्‍वमिलु यानादी अले घमण्‍डीतय्‌गु मिखायात क्‍वछुइका बी।

यशैया 5:16

तर पाय्‌छिगु न्‍यायलं दक्‍व शक्ति दुम्‍ह परमप्रभुया नां च्‍वन्‍ह्याइ। पवित्र परमेश्‍वरं थःगु धार्मिकतापाखें थः हे पवित्र खः धकाः क्‍यनादी।

यशैया 57:9

छिमिसं मोलोख द्यःयाथाय् छायेत जैतूनया चिकं ज्‍वनाः तसकं नस्‍वाः वय्‌कः यक्‍व चिकं थम्‍हं बुलावन। छिमिसं दूततय्‌त तातापाक्‍क छ्वल, अज्‍ज मृतलोक तक हे छ्वल।

यर्मिया 18:23

अय्‌नं हे परमप्रभु, जितः स्‍यायेत स्‍वयाच्‍वंपिनिगु फुक्‍क ग्‍वसाः छिं स्‍यू, इमिगु अधर्मयात क्षमा यानादी मते! थःगु मिखां इमिगु पाप हुयादी मते! इपिं छिगु न्‍ह्यःने नाश जुइमा। थःगु तंया इलय् छिं इपिंलिसें थज्‍याःगु हे व्‍यवहार यानादिसँ।

मर्कूस 3:29

पवित्र आत्‍मायात मभिंकाः खँ ल्‍हाइपिन्‍त धाःसा गुबलें हे क्षमा दइ मखु। थज्‍याःपिं मनूत सदां दोषी ठहरय् जुइ।”

रोमी 3:23

सकसिनं पाप याःगु दु, उकिं इपिं परमेश्‍वरया महिमां तापाय् धुंकल।

कलस्‍सी 2:18

“जिमिसं दर्शन खनागु दु” धकाः थथःम्‍हं तःधनाः स्‍वर्गदूतयात पुजा यानाजुइपिं नं दु। थज्‍याःपिन्‍सं म्‍वाःमदुगु खँय् लाकाः छिमित थःम्‍हं काये दइगु सिरपाः काये मखंका बी। थःम्‍हं मस्‍यूगु खँय् नं थुपिं तःधना जुइ।

कलस्‍सी 2:23

इमिसं स्‍वयेबलय् स्‍वर्गदूततय्‌त पुजा यायेगु, थःगु म्‍हयात दुःख बीगु, व चिधं जुइगु गुलि नं तःधं थें च्‍वं। थथे यायेवं मनूतय्‌सं थःगु मभिंगु मतिइ भिंके फइ मखु।

यहोशू 24:19

अले यहोशूं मनूतय्‌त धाल, “छिमिसं परमप्रभुयागु सेवा बांलाक याये फइ मखु, छाय्‌धाःसा वय्‌कः पवित्रम्‍ह व नुगः मुइकादीम्‍ह परमेश्‍वर खः। वय्‌कलं छिमिगु अपराध व पाप क्षमा यानादी मखु।